الفصل الخامس …
ترك الهاتف بصدمة ماذا حدث معه فهو خرج من هنا بخير لا شئ فيه
لايعلم ماتأثير تلك الكلمات التي قالها له قبل خروجه
هل نسي ام تناسي ماقاله
كيف له ان ينسي انه يعيش بين اكاذيب كل مايشعر به وشعر به كذب تلك الاحاسيس الاخوية والحب المتبادل بينهم لا يجب ان يكون لان ببساطة تلك اكذوبة كان هو يعيشها حتي بدأت الخطوط تظهر امامه
والآن علية ان يعرف من يحاول ان يخبر امان بالحقيقة فهو يعلم بأنه ليس بطاهر او حتي سلوي اذن من يعرف هذا السر غيره هو كبير العائلة وابنه وزوجه ابنه الاخر
ولكن الاسرار ستكشف مهما حدث لذا فينتظر فقط ويري كيف سيتعامل معه ومع الجميع عندما تظهر الحقيقة عند افاقته
……………………….
بعد مرور شهر…..
حالة العائلة تزداد سوءا فها هو في غيبوبته ولم يظهر عليه اي تفاعلات مع الحياة
وكأنه قرر اخيرا بأن يتركهم في عذاب ابدي
حتي يعلموا ما سببوه له قبل ذلك الحادث
……..
هتف نور بحزم:معرفتش توصل لحاجة ياحازم
ليقول حازم بنبرة يائسة وتفكيره متشتت:السكرتيرة بتقول انه في كذا ظرف وصلوا لية علي اوقات محددة وكل مرة هو بيخرج بعد مابيشوفهم متعصب وبس
هتف نور بغضب:اي هو اللي بس استفدت اية انا من كلامك دلوقتي
قال حازم فجأة:انا حاسس ان بابا وطنط سلوي يعرفوا السبب لانهم كل مابيتقابلوا بيبصول لبعض بنظرات غريبة
ليقول نور:وجدك
نظر له حازم بشرود ثم هتف فجأة:جدي ازاي مفكرتش بدأ الحادثة حصلت علي طريق صحراوي واللي هو
ثم صمت ونظر لنور بمعني هل مايجول بخاطري صحيح
ليرد نور علي تسائلاته وهو يقول:جدك اكيد عارف السبب
حازم:والحل
نور:معرفش اللي اعرفه اننا حتي لو عرفنا السبب دا هيسعدنا في انه يفوق كيف
ليقول حازم وهو يتجه للخارج:حاسس ان الدكتورة ماس هي اللي هتكون السبب
ثم خرج وترك نور شاردا
وهو يفكر قائلا بهمس:ياتري هتنقذ حياته زي ماانقذها زمان ولا هي خطوط قدر بتربطهم ببعض
ثم اكمل عمله بعقل شارد بالمجهول
………………………
بجامعة القاهرة
القسم الخاص بكلية اثار
وقف كرم وبجواره حور
ويظهر علي ملامحه الغضب وهو يتنفس بصوت عالي قائلا:ممكن اعرف اية اللي انا شفته دا
حور:شفت اية يعني كل الحكاية اني كنت هقع وهو لحقني
ليقول كرم بغضب:وانتي مراحش تقعي غير قدامه
حور بتزمر:اومال اقول للجاذبية استني شوية علشان كرم باشا
نظر لها لثواني وهي ايضا ثم انفجرا بالضحك
ليقول من وسط ضحكاته:وهي الجاذبية اللي بتوقع ياهبلة ولا هو اي كلام وخلاص
حور:انا اش عرفنا الله
كرم:والمصحف انتي ناجحة بالزور خوفا بس من امان الممول للجامعة دي
ثم نظر لها بجدية قائلا:حور حاولي متتحكيش ب عاصم كتير انا وانتي عارفين هو بيفكر ازاي وبيكرهنا ازاي
نظرت له بهدوء واؤمت بنعم وهي تهمس بداخلها هل هي بوادر خوف اخويه ام من نوع اخر…
……………………
امام العناية المركزة
وقفت ورد امام الممرضة بغضب قائلة:ازاي يعني مينفعش ادخل اديني شهر بحاول دخل وانتو بتعترضوا لية يعني
الممرضة بنبرة مهتزة:يافندم دا خطر علي المريض
لتقول ورد بغضب:متقوليش مريض امان كويس علي فكرة هو بس واخد راحة
ظهرت فجأة ماس لتشير للممرضة بالذهاب وتتجه لورد قائلة:اهدي ياانسة ورد فعلا امان بية مش مريض لانه كل أنشطته الحيوية شغاله بس هو ضعيف
نظرت لها بعيون حادة
لتكمل ماس:قولتها لية وبقولهالك هو مادام عارف العذاب اللي بيحصلكم وهو مش بيحاول يفوق هو ضعيف
ورد:بس انتي قولتي انه مش هارب من الواقع علشان خايف او ض
ماس:ضعيف عارفة اني قولت كدا بس انا اقصد ضعف من نوع اخر اخوكي اتحمل شئ فوق طاقته اكيد خلته كدا تحليلي كطبيبة وبجمع معلومات عنه لفترة فبقولك انه من جواه قوي بس في حاجة بسيطة بتسيطر علية نبتت جواة حاجة هشة من الخوف من حاجة معينة بتخليه يحاول ميصدقهاش بس اتصدم
لتقول ورد بلهفة:من اية
ماس:دي حاجة انتوا اللي مفروض تعرفوها واه صح دا مش هيفيد بأنه يفوقه بس لما يفوق وانتو عارفين السبب هتعرفوا تتعاملوا معاه صح
ثم تركتها وخرجت
وذهبت ورد لوالدتها التي تجلس بغرفة امان لطوال الوقت وامامها صندق يضم مجموعة من الصور لأشخاص غريبة ولكن يوجد سيده فيهم تملك نفس عيون امان الفيروزية وهذا اثار استغرابها فوالدها ووالدتها لا يملكون تلك العيون فكيف ان يملكها امان وتلك السيدة المجهولة…..