رواية بقلم اسماء سليمان الجزء الثالث

مازل حسام في سرحانه وفاق علي صوت فوزية اللي حاسة بكل حاجة في قلب ابنها بدايه من موضوع رفض حسام ان سوسن تروح عند زهرة تجيب لبس للفرح لانها كانت واثقة ان حسام هيشتري ليها فستان وانه كان عايز يدخل بيها القاعة وهيا في دراعة ادام الناس ولما حد يساله يجاوب ويقول مراتي كان عايز يتصور ويرقص معاها ادام كل الناس كل ما يفعله مكشوف لفوزيه بس لانها امه اما الزوجة الغاضبة سوسن فلا تعلم اي شيء من هذا بل علي العكس تفسرة بالخطا برود او تناكة وقالت فوزية لحسام يله نوصل العريس والعروسه

وعاد الجميع الي شقتهم وناموا جميعا ما عدا واحد بس لم يحالفة الحظ كي ينام بيفكر ازاي هيصلح الموقف بعد ما كل خططة باظت

حسام طول الليل ولبعد الفجر بساعات طويله من غرفه نومه الي المطبخ ومن المطبخ الي الصاله ومن الصاله الي الحمام تحت الماء واخيرا دخل مكتبه وقال يحاول يبعد الافكار التي تطارده بالقراءة حتي يستيقظ اي شخص ويتكلم معه وبمجرد جلوسه علي المكتب وجد مبلغ 5000 الاف جنيه وورقة مكتوب عليها شكرا سوسن

حسام البرج اللي فاضل من عقله طار مع احساسه بالفشل انه ينفذ خطته امس مع عدم النوم مسك الفلوس بايد وخرج من المكتب الي الغرفة العنكبوت منها الي غرفة سوسن ودخل فيها كالثور الهائج

وعلي الرغم ان سوسن نومها تقيل الا انها صحيت علي صوت الباب وهو بينفتح بالقوة وقالت ازاي تدخل عليا وانا كدا تقصد لبسها لبسه تيشرب علي برمودا للركبه

حسام مسك ايدها الاتنين بايد واحدة وچرجرها من غرفتها الي الغرفة العنكبوت ونزل بها علي السلم ثم الي الصاله بالدور الاول لشقته ثم شدها ووقفها علي قدميها مع دفعها للامام فخبطت في احد الكراسي

سوسن وهيا تنتفض من الړعب في ايه ايه اللي حصل

حسام بقوه صوتيه مرعبه مش عارفة في ايه ورمي الفلوس في وشها

سوسن غطت وشها بايدها وبعدين تناثرت الفلوس في جميع ارجاء الصاله

حسام بصوت جهوري هو انا محتاج فلوسك انا محتاجك انت اشتريت لك فستان علشان شايفك بتقومي بدورك كويس مع ابني واهلي وعلشان اعتذر لك علي تصرفاتي معاكي تعملي كدا

سوسن خارت كل قواها واڼهارت من كلامه ومسمعتش انا محتاجك انت وقالت وهي تبكي انا مش قصدي اني أهنيك انا لقيت تيكت السعر علي الفستان زي ما هو فتوقعت انك اشتريت ليا الفستان لان انا معنديش وقت انزل اشتري دا كل قصدي والله

حسام بعد ما قفد اخر ذره في عقله انت كدابه مفيش تيكت علي الفستان انا جايب هديه اكيد هشيل التيكت

سوسن بدموع والله مش بكذب طيب انا عرفت منين السعر اه اه استني التكيت انا رميته في سله الذباله ولسه مغيرتش السله ممكن تتاكد بنفسك

حسام جري علي اوضه سوسن وفعلا لقي التيكت مرمي في السله وقال الغبيه مشلتش التكيت زي بلغتها غبي يا حسام وستين غبي وقعد يضرب ايده في الحيطة لحد ما ڼزفت ډم

نزل جري علي سوسن لقاها قعدت علي الكرسي وحطه وشها بين ايدها وپتبكي بحړقة حسام قرب منها ونزل علي ركبته وبيرفع ايديها لقي وشها مليان ډم

سوسن زقته وقالت ابعد عني

حسام پخوف جامد استني لما اشوف مصدر الډم دا فين

سوسن بعصبية ملكش دعوة ابعد عني وبلاش تعمل انك مهتم

حسام پخوف وقلب ومنفطر طيب اهدي

سوسن بمشاعر ملخبطة خوف وعصبية وقهره وضعف حتي لو مكنش التيكت موجود بردوا كنت هتديك فلوس الفستان انت من امتي عملتني كويس

—

من امتي اتكلمت معايا بحنيه من امتي حسستني اني بني ادمة ليها احترامها من امتي عيونك بصت ليا برقه ومحبة من امتي كنت مهتم قولي من امتي علشان اول ما تجيب ليا فستان عقلي يقتنع انه هدية منك ويصدق واڼهارت في نوبة حادة من البكاء

حسام في سره من زمان قوي يا سوسن بس انت مش واخده بالك

حسام لسه هيرد وهيحكي ليها عن حبه ويعترف ويعتذر لقي جرس الباب بيرن بص من العين السحريه كانت فوزية وفتح ليها بسرعة واول ما دخلت سوسن جريت عليها واترمت في حضنها وحسام راح يجيب صندوق الاسعافات الاوليه

فوزية خدتها بالحضن وسوسن اڼهارت في نوبه من البكاء ولكنها في هذه المرة تبكي من اجل كل شيئ حدث لها من الصغر الي الان وكأن كل المصائب التي حصلت ليها تجمعت في هذا الموقف وكانت تبكي بمرارة وفوزية من الخضة عجز لسانها عن الكلام

حسام خلاص انهار وكل تحكمه وسيطرته علي نفسه فقدها ومش مستحمل صوت بكاها بيقطع في جسمة وقلبه پسكينة باردة وكمان مش عارف يتصرف وكل ما يتصرف تصرف يطلع غلط ويبوظ منه حسام بصوت جهوري لانه مش قادر يستحمل صوت بكاها قال بطلي عياط

[[system-code:ad:autoads]]من قوته الصوت وقسوته سوسن بطلت عياط ولكنها تعلقت في رقبه فوزية اكتر

حسام بنفس قوه الصوت اقعدي هنا وشاور علي الكرسي

سوسن نفذت دون ان تحرك شفاها وتنطق بحرف ولكن كل ذرة في جسدها بترتعش وبترتجف من الخۏف

حسام ازال شعرها الي الخلف وراء ودنها ومسك قطنه ومسح الډم من علي وجهها وتاكد ان مصدر الډم ليس وجهها ثم رفع يدها ليزيل الډم من عليها وجد فيه جرج سطحي نتج من تغطيه وجها بكف يدها لما رماها بالفلوس التي كانت حادة من أطرافها

قام حسام بتنظيف الچرح وتغطتيه ونظر الي سوسن التي ترتجف ومستسلمة له ولو فعل بها اي شيي لن تعارضه او تتعارك معه كالعادة هنا اقر حسام واعترف ان خطته التي كان مقرر تنفيذها بالامس في فرح شريف كانت خطه فاشله وانه غبي في ادارة شئون قلبه وقلب من يهواها لانه لابد ان يزيل حاجز الخۏف من قلبها اولا يجب عليها ان تحبه لاجله وليس خوف منه

حسام طلع حبايه من الصندوق ووضعها امام شفاتها واستلاما للامر بلعتها ثم بعد ثواني معدوة وقعت في حضنه نائمة او مغمي عليها

فوزية پخوف انت عملت فيها ايه

حسام بعد ما بلع ريقه اصبري يا ماما دا منوم خفيف علشان تهدي وتنام هنيمها واجي اتكلم معاكي انا محتاج اتكلم مع حد احسن انا ھموت

[[system-code:ad:autoads]]حسام شال سوسن علشان ينيمها في اوضتها لقاها نايمة علي سجاده مفروشة علي الارض والاوضه خاليه من اي اثاث حسام مدخلش الاوضه من بعد ما افرغ ما بها لسوسن بعد الزواج ولما دخل علشان يجرجر سوسن من اثر صډمته وقله نومه مركزش في تفاصيل الغرفة او محتوياتها

حسام في نفسه ايه القسۏة الي بقيت فيها دي وازاي بقيت كدا كل الشهور دي بتنام علي الارض ومتكلمتش ولا اشتكت علي الرغم انها كانت ممكن تشتري بفلوسها كل ما تريد يا تري ايه تاني يا سوسن مخبياه ولسه هتكتشفه حسام خرج الي الغرفة العنكبوت ونيمها في سريره وغطاها ونزل لفوزية

فوزية ليه كدا يا حسام انا قلبي بيتقطع عليها انا ربنا مش هيسامحني علي اللي عملته فيها انا قلت خلاص حسام ابني بيرجع ليا

حسام بعد ما ضغط علي راسة بايدة ولا هيسامحني يا ماما

فوزية قربت منه وقالت مالك فيه ايه فين حسام ابني انت عمرك ما كنت كدا

حسام رمي نفسه في حضنها وقال اه يا ماما بكل الحړقة اللي في الدنيا

فوزية في ايه بس يا قلب ماما فضفض واشتكي ليا مين هيحبك ادي

حسام بحړقة اه اه انا اتجوزت علشان خاطر ادم وعملت تحريات عن سوسن وكلها بتقول انها ذباله وكونت عنها فكرة غلط وعلي هذا الاساس اتعملت معاها بس الصراحة اكتر كنت بخرج فيها اللي عملته صافي معايا وهيا ملهاش ذنب

وتقريبا مكنتش بتكلم معاها وكل نظاراتي ليها بقرف واشمئزاز وكنت بفسر افعالها غلط وتصرفاتها شمال تدخل المطبخ من الفجر علشان تعمل لادم الفطار تعمل دوشه في المطبخ كنت بفسرها انه عايزة تصحيني بدري وتعكنن عليا واتاريها مش عارفة مكان الحاجة و مش بتعرف تطبخ وبتقوم بدري علشان تحضر براحتها وتتعلم

حسام بيكمل جت تكلمني علشان نعدل علاقتنا ادام ادم افتكرت انها عايزة علاقتنا تتحول من ورق الي رسمي وقلت ليها افظع واپشع كلام في الدنيا واتصرفت معاها تصرف حيواني لحد دلوقتي بلوم نفسي عليه

حسام بيكمل بفتح الدرج احط فيه فلوس تصرف منها القيها كتبه ورقه بكل المصاريف اللي بتصرفها وكلها علي البيت وادم وفواتير اما هيا بتصرف علي نفسها من مالها

حسام بيكمل قلت في فرح شريف هدخل بيها القاعة واعترف ليها بحبي ولو قبلته هقدمها للناس علي انها مراتي اشتريت ليها فستان تحضر بيه لقتها حطه تمنه علي المكتب اتعصبت واتنرفزت عليها لان خططي باظت وكمان حاسس اني عاجز ازاي بعمل خطط في الشغل بتتدرس في الجامعات في كل مكان في العالم وفشلت مع سوسن

فوزية لان حسابات القلب مختلفة يا عمري كمل

حسام المهم روحت جرجرتها من اوضتها للصالة ردت عليا انها لقت التيكت في الفستان ففهمت اني عايز تمنه وفي الاخر مقدرتش اسمع صوتها وهيا بټعيط من الي عملته بدل ما خدها في حضني واقولها اسف زعقت فيها اكتر شوفتي يا ماما كانت بترتعش ازاي وانا بكلمها شوفتي اد ايه كانت خاېفة مني

فوزية وهيا بتمسح علي راسه انت حبتها يا حسام

حسام

كفايا عليكم كدا

مش هقول اكتر من توقعاتكم للحلقة القادمة لانه فيها اسرار كتير هتبدا تظهر

كل هذا وما خفي كان اعظم واكثر في قسمتي

ليلتكم بعطر السوسن

رواية قسمتي بقلمي اسماء سليمان

الفصل العشرون

حسام المهم روحت جرجرتها من اوضتها للصالة ردت عليا انها لقت التيكت في الفستان ففهمت اني عايز تمنه وفي الاخر مقدرتش اسمع صوتها وهيا بټعيط من الي عملته بدل ما خدها في حضني واقولها اسف زعقت فيها اكتر شوفتي يا ماما كانت بترتعش ازاي وانا بكلمها شوفتي اد ايه كانت خاېفة مني

فوزية وهيا بتمسح علي راسه انت حبتها يا حسام

حسام بحيرة بجد فعلا مش عارف يا ماما انا حبيت صافي بس مكنتش كدا الموضوع مع سوسن طعمه مختلف

فوزية ههه انت محبتش صافي انا حبيت المواصفات المصرية الاجنبيه اللي موجودة في صافي واقنعت نفسك انك بتحبها ولما حصل اللي حصل اټصدمت صډمه كبيرة فيها وفي نفسك واللي تعبك اكتر تنازلها عن ادم ودا اللي دمرك وغير ملامح حياتك ولما لقيت سوسن كنت رافضها في الاول بس مع الوقت بدات تكتشف انها فيها المواصفات اللي بتدور عليها من زمان بتتكلم لغات بتعرف ټضرب بتعتمد علي نفسها مش تخينة سيدة اعمال شاطرة صح كلامي ولاغلط

حسام بيفكر في كلام امه

فوزية وهيا بتفتح صندوق الاسعافات علشان

—

تعالج ايد حسام انت حبتها بدليل ايدك اللي ڼزفت دي والدم اتجلط كمان وانت محستش بيها بس قلبك حاسس وبيقطع علي سوسن وكنت بټموت لما شوفت الډم علي وشها

حسام

فوزية وهيا بتربط ايد حسام انت حبتها بدليل عمار اللي ضړبته في الباخرة

حسام بعد صمت وضړبته تاني من يومين

فوزية وشكلك في الفرح امبارح كنت عايز ټضرب محمد

حسام افتكر محمد واتعصب دا انا كنت عايز افلقه نصين

فوزية ههههه ليه بقه

حسام منا قلت يا ماما كنت مرتب اني ادخل القاعة ماسك ايدها ادام الناس قام هو مسك ايديها قلت هنرقص سوا لقيته خطڤ ايديها ورقص هو قلت هطلب منها نفتح صفحة جديدة فضل لازق فيها طول الفرح مسبهاش محمد بوظ خططي وطلع ليا زي عفريت العلبة

فوزية بضحكه وكنت مخطط كل دا ليه

حسام بمكر خلاص بقه يا ماما حبتها اعترفت اهو اترتحتي خلاص

فوزية وهيا بتحضنه هههه اخيرا بس علي فكرة محمد دا زي العسل وانا بعتبره زيك وزي مروان وبحبه قوي

حسام انا كمان بعزة بس موقف امبارح عصبني منه

فوزية دا راجل ويعتمد عليه لقي اخته جوزها مش متهم بيها ومش معترف بيها اصلا مسك ايدها وډخلها الفرح وفضل كل الوقت عمال يضحك معاها واتصور معاها وهيا في حضنه ولما سمع الاغنية اللي بتحبها اشتغلت رقص معاها اللي عايزة اقوله ان محمد عارف اللي اخته فيه وبيعوض عنها وبيحاول يفرحها فهمت ليه بقول عليه راجل

[[system-code:ad:autoads]]حسام بجد عارف

فوزية مرة سوسن كانت قالت ليا ان محدش يعرف غير محمد بس

حسام بهز راسه علشان كدا كل كلامه معايا رسمي قوي حتي لما طلب مني اقوله ميدو حسيت انه بيطلب تقضية واجب

فوزية وناوي علي ايه

حسام براحة انا اكتشف ان عقلي كان صح لما قالي بكرة ټندم وقال كمان اني لازم اصبر شويه لان اولا لازم ازيل الخۏف اللي جواها ليا وثانيا ناوي اخليها تثق فيا وثالتا اخليها تحبني وتعرف حسام الحقيقي اللي عمرها ما شافته بس هتساعديني صح

فوزية بجدية طبعا دا انا ومروان ياما عملنا خطط علشان تقرب منها ودلوقتي كلنا معاك عليها

حسام ههههههههههه

فوزية بلوم انها وقعت في الكلام ايه العبط اللي انا فيه دا كشفت نفسنا ادامك

حسام علي اساس اني مكنتش عارف مثلا المهم انت طلعتي ليه هنا كنت عايزة حاجة

فوزية اه جيت اكلمك في موضوع كدا

حسام خير يا حبيبتي وليه مستنتيش لحد ما انزل تحت او رنيتي عليا انزلك

فوزية كان لازم اكلمك الاول واعرفك الموضوع قبل حد تاني

حسام خير قلقتيني

فوزية انا بس قلت امهد قبل ما تتعصب علي الناس لما قلبي حس انك بدات تحبها

حسام بتفكير الموضوع له علاقه بسوسن انت قلقتيني فيه ايه

[[system-code:ad:autoads]]فوزية طنط محاسن بنت خالت عمة ابوك عايزة تخطب سوسن لابنها

حسام مين

فوزية من غير ما تتعصب انا قلت اكلمك قبل ما يكلموك النهاردة

حسام مين

فوزية سوسن مش لبسه دبله وانت محرج علينا منقلش لحد وكمان معملناش فرح ومحدش من اهلنا يعرف انك اتجوزت تاني شافوها امبارح وسالوني دي مين قلت لهم زي بنتي وفي اخر الفرح محاسن كلمتني بعد ما اتصلت بسليم امبارح حضر الفرح وشافها وطبعا وافق سوسن قمر

حسام مين

فوزية بضحك انت علقت ولا ايه هيا كمان شويه هتكلمك قلت ابلغك قبل ما تتعصب عليها او عليه

حسام بيكرر كلام فوزية سليم جه الفرح وشافها وعجبته انا لازم اتصرف قبل ما تضيع مني

فوزية بجدية هتعمل ايه

حسام اول ما تصحي علي طول هنفذ وكلمي طنط محاسن وقول ليها انها هتنخطب قريب بدل ما اتعصب عليها لو كلمتها

فوزية هههه ماشي هكلمها ربنا يسعدك بالنسبة للمعسكر بتاع ادم هيروح ولا ميروحش

حسام خليه يروح ادم انطوائي وعايزة ياخد علي الناس اكتر

فوزية انا هنزل اصحي اخواتك علشان نتغدي

حسام ماشي هبعت ليكي ادم بعد ما افرحه بموضوع المعسكر وخليه تحت لحد ما سوسن تفوق

فوزية بعد ما قامت واتجهت للخروج وماله وحاول تعتذر وتراضيها

فوزيه وهيا واقفة عند الباب مقلتش انت ضړبت عمار تاني ليه

حسام بكذب غلط في الشغل يا ماما

فوزيه علي ماما يا حسام هو طلبها هو كمان وافتكرها اختك

فوزيه خلصت كلمتها وجريت كالطفلة الصغيرة الي السلم ولكن حسام مسكها وقال عرفتي منين

فوزيه اصله طلبها من مروان وعمار قاله انه هيكلمك

حسام انزلي يا ماما من هنا انزلي

فوزيه وهيا علي السلم ههههههههههه

حسام صحي ادم وفرحة بموافقته علي المعسكر وطلب منه ينزل شقة فوزية ودخل علي سوسن وقعد جنبها وقرب منها لاقاها بترتعش وهيا نايمه وعماله تنادي وتقول بابا انت في يا بابا ليه سبتني لوحدي حسام ابعد عني

حسام نزلت الدموع من عيونه من غير ما يحس وقعت علي وجهها واختلطت مع دموعها حسام فضل صاحي جنبها واول ما قرب ميعاد صحيانها راح عمل عصير فريش ورجع دخل الاوضه ملقهاش في السرير

حسام حط العصير واتسحب بالراحة ناحية اوضتها سمعها بتتكلم في التليفون وبتقول

سوسن علي الصبح كدا مشاكل يا سحر

سحر

سوسن مشفتش رسايلك امبارح كدا لازم حد يسافر مخصوص مناقصة اسكندريه مهمة قوي لينا

سحر

سوسن يعني لا انت ولا علي هتعرفوا تسافروا كدا انا اللي لازم اسافر

سحر

سوسن طيب انا لسه هقوم من النوم هشرب حله قهوة وافوق واكلمك تاني

حسام فهم من الحوار اللي سمعه ان سوسن لازم تسافر اسكندريه تخلص شغل قال في سرة كدا تمام اوي خبط ودخل علي سوسن اللي اټفزعت اول ما شافته ولزقت في الجدار

حسام بهدوء مټخافيش انا اسف وبعتذر الفستان كان هديه واتعصبت قوي لما لقيتك حاطة فلوسه علي المكتب مكنتش اعرف ان الغبيه اللي في المحل سابت التيكت فيه وكمان منمتش كويس وعندي مشكلة صعبة مش عارف احلها

سوسن بمنتهي الحذر حصل خير

حسام بندم حقيقي انا مستعد اكفر عن غلطتي باي حاجة تشاوري عليها

سوسن باستغراب من موقف حسام اللي اتغير وقالت ابعد عن هنا كام يوم بعد اذن حضرتك اغير جو

حسام بعد ما قعد جنبها علي السجادة موافق تسافري لاي مكان بس عندي 3 شروط

سوسن باستسلام موافقه من غير ما اعرفهم

حسام وهوبيمد ايده علشان يطبط عليها اعرفي الاول الشروط وبعدين قرري

سوسن وهيا بتبعد هما ايه

حسام الاول كريم هيكون معاكي بالعربية

سوسن بس انا معايا عربيتي

حسام دا شرطي وبعدين اسمعي للاخر باقي الشروط

سوسن كمل حضرتك

حسام في نهايه كل يوم تكلميني دا الشرط التاني اما الشرط التالت تخدي الفيزا دي وتصرفي منها كل يوم 10000 جنيه

سوسن موافقه ممكن اسافر اسكندريه

حسام فيه سبب معين لاسنكدرية

سوسن عندي شغل بسيط هخلصه وبعدين اغير جو

حسام انت عايزة تبعدي علشان تغيري جو ومتفكريش كتير يبقي ليه الشغل

سوسن زي ما قلت لحضرتك دي حاجة بسيطة وبعدين زمايلي عندهم ظروف ومش هيقدروا يسافروا

حسام ماشي بس متنسيش الشروط هتسافري امتي

سوسن النهاردة الجمعة هسافر الاحد اخر النهار

حسام وانا هحجز ليك في فندق حلو وكريم عارف مكانه

سوسن ملوش لوزم انا هتصرف

حسام بعد ما قام وقف متنسيش الشروط تاني لان بالمناسبة هيبقي فيه حاجة كدا انتم بتسميها ايه في الشغل لما حد ميلتزمش

—

بالعقد

سوسن شرط جزائي

حسام شروطي التلاته لو ملتزمتيش بيها كلها هيبقي فيه شروط جزائية هفرضها عليكي موافقة

سوسن بلا مبالاه او تفكير ماشي

حسام هسيبك تريحي

سوسن بعد خروج حسام كلمت سحر و بلغتها انها هتسافر تخلص الشغل في اسكندريه واثناء المكالمة جالها رساله من محمد اخوها بكت كتير قوي بعدها وقالت كدا خلاص يعني ونامت تاني وهيا پتبكي

اما حسام مڼهار من جوا عليها لدرجة ان من شده خوف سوسن مكنتش مركزة ان شعرها مكشوف وانها لبسة برمودا وتيشرت امام حسام ولما حاول يطبط عليها بعدت عنه حسام نزل لمروان وفوزية يبلغهم باللي عمله مع سوسن وموافقته علي سفرها

مروان وهوبيحضن اخوه حسام العاصي بيحب يا جدعان

حسام انت مش كنت بتخطط انت وماما حسابك بعدين معايا

مروان مش ههون عليك يا حوس

حسام مش مصدق ودانه ياه ياه حوس بقالك كتير مقلتش حوس

مروان وهو بيبص علي اخوة اللي وحشه وهو كان فين حسام اللي كنت بقوله حوس كان ضايع والحمد لله رجع لينا بالسلامة

حسام الحمد لله

مروان بس صدقتني لما قلت لك ان سوسن شبهك

فوزية شبه بعض ازاي يا مروان

مروان سوسن ابوها ماټ وهيا صغيرة وامها تعبت وشالت همهم زي حسام ما عمل بعد ما ابويا اسټشهد وانتم ضحكتوا علينا وقلتم ټوفي الله يرحمه هيا عنيدة وهو عنيد وعملوا في بعض مواقف في شرم الله ينور هو عيونه بني ولون بشرته بين الفاتح والخمري وهيا عيونها عسلي ولونها خمري قويه وبتعرف ټضرب وبتكلم لغات زي ابنك ما شاء الله ناجحة في شغلها وهو الله ينور مفيش سيرة غير سيرته في القطاع الناس بتحكي عنها طيبة وحنينه زي حوس بالظبط عارفة يا ماما لو اتفقوا هيعملوا قصه حب احلي من قيس وليلي

[[system-code:ad:autoads]]حسام ماشي يا عم الحبيب بكرة افرح فيك

مروان وفوزية يارب بقه

حسام المهم عايزين نعمل شويه حاجات في الشقة علي ما سوسن ترجع بالسلامة وتبقي مفاجاة ليها

مروان وفوزيه معاك يا معلم

في فيلا زهرة

حسام وهو بيتكلم مع امه واخوة وصله تليفون من زهرة بتقوله عايزة اشوفك اليوم حسام استغل نوم سوسن واتجه الي فيلا زهرة

حسام خير قلقتيني فيه حاجة

زهرة عايزاك تاخد بالك من سوسن

حسام بصدق سوسن في عيوني وقلبي بس ايه لزمه الكلام دا

زهرة اصل محمد مسافر بكرة علي الامارات

حسام باستغراب مش كان المفروض يسافر بعد سفر دعاء علي طول فات تقريبا شهرين او تلاته من سفرها انا قلت انه كنسل الموضوع

زهرة كان بيخلص اوراق المعافاه من الحيش

حسام ليه مكلمنيش كنت خلصتها ليه في وقت اقل من كدا كتير

زهرة قلت له كلم حسام بس مرديش وقال بيحب يعمل كل حاجة بنفسه عنيد زي سوسن وبعدين كمان فيه سبب تاني

حسام بفهم ان محمد مش عايز منه حاجة سبب ايه

زهرة اصل الشركة في الامارات طلبت منه يحضر كورسات في اماكن معينة في القاهرة والحمد لله خلص وبعت الشهادات لوليد اللي سلمها في الشركة وان شاء الله هيستلم الشغل يوم الاحد علشان كدا هنسافر بكرة

[[system-code:ad:autoads]]حسام باستغراب هنسافر تقصدي مين

زهرة محمد كلم سوسن في فرح قريبك وقال ليها انه هيسافر السبت بس دعاء بعت ليا تذكرة وقالت تشيل همي شويه بدل سوسن علشان كدا بقولك انها مبقاش ليها غيرك

حسام فهم ليه سوسن هتسافر الاحد مش النهاردة علي الرغم من اڼهيارها سوسن في عيوني

زهرة محمد بعت ليها رساله النهاردة باللي الكلام اللي قلته ليك دعاء حططتها ادام الامر الواقع لاننا عارفين ان سوسن عمرها ما كانت هترضي وانا بصراحة قلت اريحها دي يوماتي من يوم ما اتجوزتوا تطلع من شغلها تيجي تتطمن عليا وبعدين تطلع جري تلحق الباص بتاع ادام وكل شويه فحوصات وكشف كفايا بقه المهم اوعدني تحافظ عليها

حسام وهو بيوس راسها حاضر حاجة تاني

زهرة ايوه نفسي تغيروا الدكتور اللي بتكشفوا عنه روحوا لدكتور تاني وتالت العمر بيجري يا ابني وانا عايزة اشوف ولاد سوسن

حسام طبعا فهم ان سوسن كدبت علي زهرة في موضوع الحمل لان اكيد زي اي ام عايزة تتطمن علي بنتها

حسام حاضر وسلم عليها وخرج وكان محمد داخل الفيلا كان بيستلم تذاكر السفر

محمد پغضب اهلا حسام باشا

حسام لو ابيه صعبة عليك ممكن تقولي حسام وبس

محمد كان طلب من حسام ينادي عليه بميدو لما حس انه بدا يتغير ولكنه كلم سوسن من دقايق وعرف من صوتها ان حسام زعلها جامد وكمان سوسن محكتش لمحمد لانها مش عايزة تزعله قبل سفره فرد وقال انت متستهلش اني اعبرك اصلا انا بضغط علي اعصابي علشان اكلمك بس ادام الناس انت مستهلش واحدة زي سوسن انت بني ادام زباله وواطي وحقېر ولولا الست اللي جوا دي ولولا سوسن منعاني عنك كنت علمتك قيمة نفسك كويس قوي وبعدين سابه ومشي

حسام مردش وسمع كل كلام محمد بصدر رحب واتصور انه مكانه وفيه حد عمل في اخته اللي عمله حسام كان نفاه من وش الارض وبعدين اتجة لعربيته ولسه هيدور العربية محمد رجع ليه وقال

محمد علي فكرة انا مسافر صحيح بس صدقيني في اقرب وقت هخلصها منك

حسام بعد ما سابه محمد انا عمر ما هيديك الفرصة دي وكل دا هيتغير قريب قوي

يوم السبت سوسن سلمت علي اخوها وامها اللي حست باليتم من جديد بعد سفرهم يوم الاحد اخر النهار سوسن جهزت نفسها وحسام فكرها تاني بالشروط والعقاپ لو ما اتنفذوش كلهم وهيا اكدت له انها عمرها ما خلفت وعدها سلمت علي الجميع ما عدا ادم الي راح علي المعسكر امبارح وبالتالي مكنش معاه مشكله

كريم وصل سوسن الي فندق ذات السبع نجوم بالاسكندريه وفضل في العربية سوسن وصلت الي استقبال الفندق وقالت

سوسن لو سمحت في حجز باسم سوسن صبري

الموظف حاضر هعمل check up وبعد ثواني رد وقال مفيش حجز بالاسم دا

سوسن لو سمحت اتاكد تاني انا متاكده اني في حجز باسمي والحجز من القاهرة

الموظف بعد ما اكد مرة تانيه مفيش يا هانم

سوسن شكرا وقالت في سرها هو الزفت حسام محجزش ولا ايه ولا يكون كريم غلط في الفندق انا هروح اساله

الموظف نادي بصوت عالي يا استاذه لو سمحتي

سوسن ايوه

الموظف انا عملت بحث عن حجز باسم سوسن والحجز اللي ادامي باسم سوسن حسام العاصي هو دا اسم حضرتك

سوسن بتردد مع دهشة ايوه نعم هو

الموظف اسف يا افندم مختش بالي كان لازم تقولي اسم زوج حضرتك

سوسن بغيظ حصل خير

العامل شال الشنط وطلع بها الي الدور الرابع وفتح باب احد الاجنحة الموجودة بهذا الدور وقال اتفضلي واول ما سوسن دخلت الجناج اتفاجات واتسمرت في مكانها من اللي شافته

الحناج مزين بسلاسل من الفل والياسمين وافرع الفل معلقه علي الحائط وشموع في كل مكان ذات رائحة جميله مع بلالين علي الارض وعلي الحائط ومدلاه من السقف

سوسن للعامل بذهول ايه دا

العامل اوامر حسام بيه اتصل النهاردة الصبح وبلغنا بالتعليمات دي

سوسن بعصبية لما ذكر اسم حسام نادي 2 من العمال وخرج كل الارف دا بره

العامل بس

سوسن

—

نفذ الكلام بسرعة وخلال 5 دقايق يكون الجناح نظيف انا تعبانة وعايزة استريح

العامل نفذ المطلوب في دقائق معدودة وسوسن بعد ما خرجوا قالت هو حسام ورايا ورايا

سوسن دخلت الحمام تاخد شور وخرجت بشعرها الطويل المبلول وهيا لبسه برنس ابيض وقفت امام المراية وقالت

سوسن ياه يا سوسن وحشتيني قوي قوي وحشني شعرك وجسمك تصدقي انا كنت نسيت شكل جسمك من الاسدال اللي مش بخلعة شعري الجميل معلش حقك عليا انا مغطياك في البيت سامحني ارجوك وبدت تبوس شعرها وتلمس جسمها بس خلاص الكام يوم دول بتوعك يا كبير ومفيش حسام تاني وشغلت مزيكا وبدات تتمايل معاها يمين وشمال وتلف وتدور وتتنطط علي السرير كانها نالت حريتها المفقودة

بعد فترة الباب خبط وكان خدمة الغرف سوسن لبست الاسدال وفتحت الباب لقت عشاء فاخر مع العامل

سوسن ايه دا انا مطلبتش اكل

العامل حسام بيه اتصل من القاهرة وقال نبعت لحضرتك الاكل دا

سوسن رجعة تاني انا مش جعانه

العامل بس

سوسن مبسشن ممكن تاكله انت وزمايلك او ترجعة

سوسن بعد ما اغلقت الباب قالت حسام حسام حسام هو ورايا ورايا يارب اخلص منه بقه ورمت نفسها علي السرير ونامت للصبح

[[system-code:ad:autoads]]تاني يوم صباحا سوسن بعد ما لبست لقت الباب بيخبط فتحت الباب ولقت العامل معاه بوكيه ورد وقبل ما يتكلم قالت

سوسن حسام

العامل ايوه

سوسن خدته وقالت شكرا وبعدين طلعت علي البلكونه ورمت الورد وبعدين نزلت علي البوفيه تفطر

سوسن وهيا لسه بتشوف هتفطر ايه افتكرت كريم وقالت يا نهار ابيض كريم يا تري نام فين اكيد نام في العربية طول الليل ازاي الزفت حسام دا محجزش ليه وازاي انا كمان نسيته ومسالتش عليه واتصلت عليه يدخل يفطر معاها وبعد لحظات دخل كريم وبدوا يفطروا مع بعض بعد ما طلبت فطار ليهم وقالت ليه

سوسن انا اسفة انك نمت في العربية ونسيتك

كريم ولا يهمك

ونادت علي العامل وقالت ليه يحجز اوضه باسم كريم والحساب يبقي منفصل عن حساب جناجها

كريم ملوش لزوم استاذه سوسن الموضوع مش مستاهل العربية واسعة ومريحة

سوسن لا طبعا مستاهل انا بتعذر مرة تانيه

كريم شكرا

اثناء فطارهم سمعوا صوت شخص بيقع علي الارض التفتوا الي مصدر الصوت وكان رجل عجوز وبيتسند علي عصا عوجايه اتكعبل ووقع وكان كريم وسوسن اقرب ناس ليه وساعدوه وقعدوه علي كرسي في اقرب ترابيزة والرجل العجوز شكرهم وسوسن وكريم كملوا فطارهم

[[system-code:ad:autoads]]بعد الفطار العامل كلم سوسن وقال يا افندم فيه حجز باسم كريم محمود مسبقا مع حجز حضرتك

سوسن ازاي

العامل حسام بيه حجز لحضرتك ولشخص باسم كريم اوضه علي البحر

سوسن لكريم انت كنت عارف

كريم بخجل هو كل مكان بروحه مع عيله حسام بيه بيحجزوا ليا اوضه معاهم

سوسن باستغراب طيب ليه مقلتش وليه نمت في العربية

كريم انا بس بخجل من كرمكم عليا ومروان بيه هو اللي بيدخلني الاوضه او حسام بيه

سوسن شكرت العامل وقالت لكريم يله بينا يا كريم ورانا شغل وبلاش الخجل بتاعك دا انت من العيله خلاص ولو محتاج حاجة قولي

كريم شكرا استاذة سوسن

سوسن راحت علي مديريه الصحة بالاسكندريه وخلصت شغلها هناك وبعت لسحر انه تم انجاز المهمة في كام ساعة من النهار وقالت اخيرا انا كدا بقه ارتحت وهدلع نفسي اخر دلع وطلبت من كريم يعمل اللي هو عايزة في الكام يوم دول هيا مش محتاجه وانهم هيبقوا علي اتصال

كريم دخل علي اوضته وسوسن رجعت علي جناجها وبمجرد دخولها لقت الجناج مزين بالبلالين مكتوبه باسم سوسن وبكلمة اسف في كل مكان وجانب بالوان مختلفة وزي ما حصل مع الفل والياسمين امس حصل تاني مع البلالين اليوم وبعدها بشويه وصل بوكيه ورد وكان مصيره زي الاول وانتهي اليوم بنومها علي سريرها وشعرها في حضنها

سوسن تالت يوم صحيت بعد الفجر وقعدت علي البحر وبعد شروق الشمس فطرت هيا وكريم واكدت انها مش محتاجه ولو عايز يتفسح او يغير جو براحته اما سوسن راحت الساونا وعملت مساج وجاكوزي طول النهار

رجعت الجناج وهيا متوقعة اني فيه حاجة جديدة في انتظارها بس فضولها جعلها تفكر يا تري ايه هيا واول ما دخلت لقت الجناج بالكامل مزين بورق الفوم وكان الجناح في منتهي الجمال وريحته كانت حلوة قوي وقالت في سرها حرام الجمال دا يترمي يا سوسن وبعدين افتكرت اللي عمله فيها فقالت للعامل يرمي الارف دا في الزباله وفي ميعاد كل يوم وصل بوكيه الورد وكان مصيره كالاول والتاني

رابع يوم سوسن راحت علي الكوافير وعملت حمام كريم وهيركير وبدي كير وحمام مغربي واشترت هدايا للجميع وفكرت تشتري لحسام ولا متشتريش وفي الاخر قررت تشتري ليه هديه لانه سمح ليها بالسفر وكمان اعتذر ليها وعمال يعتذر بمحاولاته معاها بس السؤال هتديله الهديه ازاي فقررت تشتري وبعدين تفكر هتقدمه له الهديه ازاي

واثناء كل دا فضولها بيسالها يا تري حسام هيزين جناحها بايه ولقت نفسها بتجري بعد ما دخلت الفندق واتجهت للاسانسير تركبة العامل قال ليها انه معطل وانها لازم تطلع عن طريق السلم اتجهت للسلم وعيونها مش مصدقة ما تراه ومع صعودها دور بعد دور حتي الدور الرابع فيؤكد لها عقلها ما راته عينها الي ان وصلت لجناجها وفتحته ودخلت غرفاته ضحكت كثيرا حيث قام حسام باستخدام زهرة السوسن من بدايه السلم الي داخل جناحها بالدور الرابع كمحاوله للاعتذار وبعد فترات من الانبهار كان مصير زهرة السوسن كالمرات السابقة

خامس يوم سوسن قررت بعد الفجر تجري شويه حولين الفندق وبعدين قعدت ادام البحر بعد شويه لقت 2 شباب بيلفوا حوليها مستغلين ان محدش موجود بدري في الوقت دا سوسن قالت تبعد عنهم لانها مش عايزة اي حاجة تعكر مزاجها وبعدين سمعت صوت حد بيقول اه اه لفت لقت الشابين وقعوا علي الارض وبيصوتوا قالت في سرها يمكن قنديل البحر قرصهم ودا اڼتقام ربنا ليهم

رجعت الجناج لقته مزين بالشموع مع اضاءات خلفيه وجانيه رائعة

سوسن ايه الجمال دا والنعمة حرام يتشال انا هسيبه وهنسي ان الزفت حسام هو اللي أمرهم يعملوه بعد شويه وصل بوكيه الورد وكان مختار بعنايه فائقة وقالت خلاص مش هرميه وهنسي بردوا انه من الزقت حسام

دخلت الحمام واخدت شور وشغلت اغنيتها المفضلة كلمات لماجدة الرومي وبدات ترقص في الجناج وبيدها بوكيه الورد ورقصت بيه يمين وشمال وهيا بتردد كلمات الاغنية التي تحفظها عن ظهر قلب

يحملني معه يحملني لمساء وردي الشرفات ..وأنا كالطفلة في يده كالريشة تحملها النسمات يهديني شمسا يهديني صيفا وقطيع السنونوات ..يخبرني أني تحفته وأساوي ألاف النجمات ..بأني كنز وبأني أجمل ما شاهد من لوحات..

وبعدين قالت ياه لو فنجان قهوة ومعاه شيكولاته يبقي كدا مېت فل

شويه والباب خبط سوسن بعد ما لبست الاسدال وكان العامل معاه قهوة وشيكولاته قالت باستغراب وخوف هو مين اللي طلبها

العامل حسام بيه

العامل قال حسام وانصرف الي عمله سوسن في سرها وهو عرف منين انا كنت بتكلم مع نفسي وبعدين بصت حواليها وقالت يمكن فيه كاميرات هنا

وبيتصنت عليا ما هو ظابط ويعملها وبدات تدور في الجناج كله يمكن تشوف اي دليل يثبت كلامها وبدات تدور في اضيق واغرب الاماكن وافتكرت الحمام صوتت ودخلت تدور فيه واثناء البحث الباب خبط وفتحت للطارق

سوسن خير

شخص مجهول انا ناصف ايمن مدير الفندق

سوسن اهلا يا افندم خير

المدير احنا بنعتذر حسام بيه أمرنا يوميا نزين جناح حضرتك كل يوم بشكل مختلف ونبعت لحضرتك بوكية ورد في ميعاد ثابت كل يوم وكمان وصانا علي فنجان قهوة مع شيكولاته بس للاسف احنا نسينا موضوع القهوة والشيكولاته وافتكرنا النهارده بس فحبيت اعتذر بنفسي ارجو ان حضرتك تقبلي اعتذاري وانا هكلم حسام بيه واعتذر ليه شخصيا

سوسن براحة حصل خير انا اصلا مليش في الشيكولاته قوي وباكلها كل فين وفين ومفيش داعي تكلم حسام بيه الموضوع مش مستاهل

المدير شكرا لذوق حضرتك

سوسن اطمنت بعد كلام المدير انها لوحدها ورجعت تشرب القهوة وتاكل الشيكولاته وتسمع اغنيتها وفي هذا الجو البديع الهادي اللي كانت مفتقداه منذ زمن طويل رن تليفونها ماسنجر

سوسن ماما وحشتيني قوي كلكم وحشتوني

زهرة يا بكاشة لحقنا نوحشك

سوسن كدا يا اندال تسبوني لوحدي

زهرة انت مش لوحدك انت مع جوزك

دعاء متزعليش يا سوسو محمد لما خلص ورقه قلت ان جه دوري اشيل هم ماما شويه عنك وبما ان وليد مش ناوي ينزل مصر خالص فقلت تيجي مع محمد السنة ولا الاتنين اللي هيعدهم هنا واخد بالي منهم الاتنين

سوسن وانا كنت اشتكيت ومحمد لما كلمني في فرح شريف قريب حسام انا رفضت وقالت له خلي دعاء ومحمد في الامارت مع بعض وانا وماما هنا انما كلكم كدا في مكان وانا لوحدي في مكان تاني حرام عليكم

دعاء ولا عمرك هتشتكي بس قلت اريحك شويه ويعدين هنروح السعوديه ونعمل عمرة وماما تعمل عمرة ليها ولبابا

محمد سونونو انا جنبك في اي وقت تحتاجيني فيه هطير واكون عندك يا حبيتي

سوسن ربنا يبارك فيك يا روحي ومتقلقش انا هتابع محل الطيور مع سامح زميلك

محمد ربنا يبارك فيكي وبعدين بلاش تتعبي نفسك سامح بيحب الطيور زي وأمين كمان وبعدين قبل ما سافر خليته شريك في المحل علشان ميطمعش ويحافظ عليه

زهرة والله يا سوسن علي عنيني اسيبك بس عايزة لما انزل يكون معاكي عيل ولا اتنين مفهوم

سوسن ربنا يسهل يا ماما خدوا بالكم من بعض واتصلوا بيا كل يوم وسلموا علي عمر وبيدوا ووليد

الكل خدي بالك من نفسك

سوسن وقفت المزيكا وجو الجناج الهادي اللطيف حست انه انقلب لبركان ثائر ومبقتش قادرة تاخد نفسها فيه غيرت هدومها وخدت شال علي كتفها ونزلت تقعد ادام البحر

سوسن لقت نفسها پتبكي وحالها اتشقلب من مبسوطة لحزينه ودموعها بتسيل دون توقف وبعدين لقيت ايد بتطبط عليها انخظت وقالت

سوسن مين

كفايا عليكم كدا

فضولكم زاد تعرفوا مين الايد اللي طبطت علي سوسن صح ولا غلط

في الحلقة الجاية سوسن هتبدا تحكي حكايتها

يسمعني حين يراقصني كلمات ليست كالكلمات ياخذني من تحت ذراعي يزرعني في احد الغيمات والمطر الاسود في عيني يتساقط زخات زخات ههههههه

هنكمل بكرة

كل هذا وما خفي كان اعظم واكثر في قسمتي

تحياتي اسماء سليمان

ليلتكم بعطر السوسن
بقلمي اسماء سليمان
الفصل الحادي والعشرون
في بيت فوزية
فوزية ويبدو عليها القلق والتوتر رايحة فين يا اماني
اماني وهيا بتتأكد ان شنطتها تمام بصراحة يا ماما ماصدقت ان امير وشهد واقفوا يرحوا المعسكر مع ادم قلت ادلع نفسي شويه هروح الكوافير اعمل شعري ومش هتاخر
فوزية بقله حيله فين مروان
اماني لسه هترد لقت مروان بيفتح الباب ومعاه تليفون وقالت اهو جه انا رايحة ومش هتاخر سلام
مروان يا فارس بقالي ربع ساعة بقولك مش فاضي
فارس
مروان بعد ما قعد قصاد فوزية متغيرتش ولا حاجة بس مشغول شوية
فارس
مروان طبعا وحشتني القعدة معاكم هخلص واكلمكم ونتجمع زي زمان سلام بقه
فوزية بقلق مع عصبية انت فين يا مروان
مروان مع حوس يا ماما بنظبط في شقته مالك شكلك مش طبيعي
فوزية وهيا بتطلع نفسها قلقانة
مروان بعد ما قرب منها ليه يا حبيبتي
فوزية تفتكر سوسن هتسامح حسام هو صحيح عمال يجهز في شقته وكل شويه اتصالات علي مدير الفندق وينظم معاه مفاجأة ليها علشان تسامحه بس اللي عمله فيها مش قليل
مروان وهو بيبوس ايديها سيكولوجية الستات بتقول ان اي ست لو اتقال ليها كلمة حلوة مع هدية جميله بتنسي وتسامح وتخيلي دا بقه مع انسانة في الاساس قلبها كبير
[[system-code:ad:autoads]]فوزية بانبهار واستغراب سيكولوجية
مروان بضحكة انا اتغيرت يا فوفا بقيت اقرا في الجيلوجيا وعلم النفس والوراثة فاكرة يا بتاع الصفة المتنحية انت
فوزية بفرحة فاكرة بس ليه التغير دا
مروان مش بس كدا انا باخد كورسات اسعافات اولية وسجلت في كورسات للغات وحاجات كتير قوي هتتفاجئي بيها بعدين
فوزية بردوا ليه
مروان بثقة حسام قالي لو عايز تبقي حاجة كويسة في شغلنا لازم تعرف حاجات كتير في كل المجالات لان هيجي عليك يوم وهتحتاجها في مهمة وبعدين يا فوفا عايزاني يبقي عندي جسم فان دام وعقل دبانه
فوزية ومازلت قلقانه ربنا يعملك الصالح يا ابني
مروان في محاولة لاضحاكها انا جعان وعايز اكل
فوزية جعان ايه احنا لسه قايمين من علي الاكل بقالنا ساعتين
مروان بقولك جعان يا فوفا يله اعملي حاجة اكلها دا انا ابنك مش غريب
فوزية انا مش رايقة يا مروان ادخل المطبخ وسخن او اعمل سندوتشات ومتندهش علي عواطف لانها بتزور ولادها وهتبيت معاهم
مروان كدا يا فوفا طيب مش هقولك علي اخر الاخبار
فوزية بلفهة ليها علاقة بسوسن وحسام
مروان هز راسه اه
فوزية وهيا داخله المطبخ عيوني يا ميرو احكي وانا بعمل السندوتشات
[[system-code:ad:autoads]]مروان بضحكة ماشي يا فوفا دلوقتي ميرو وعيوني علشان بس سمعتي اسم حبيب القلب
فوزية قول بقه يا مروان ما انت عارف انه هو الموضوع اللي شاغلني
مروان بعد ما قعد علي رخامة المطبخ انت عارفة ان حسام بقاله فترة طويلة بيحاول يعرف الاسباب الحقيقة لطلاق سوسن لانه مش مقتنع بالهبل اللي اتقال عليها ودا طبعا بعد ما حبها
فوزية بلهفة وبعدين عرف حاجة
مروان كتري الجبنة بس كانت متجوزة سامر ابو مسلم
فوزية وهيا بتناوله سندوتش الجنية انا سمعت الاسم دا قبل كدا
مروان دا اشهر مهندس الكترونيات مش في مصر بس لا علي مستوي العالم اقل برنامج عنده بملايين وعايش معظم حياته بره مصر وطيب جدا ومحترم وفي حاله وفاتح مؤسسة اسمها علاجك عندنا للناس اللي مش قادرة تتعالج هو بيتكفل بفلوس علاجهم دا غير بقه الجمعيات الخيريه اللي باسمه وحاجات كتير
فوزية بذهول طيب ماهو كويس اهو طيب ليه طلق سوسن وليه طلع عليها الكلام دا
مروان وهو بياكل المصېبة الكبري اخوة يوسف ابو مسلم صحيح يوسف وسامر وارثين كتير من ابوهم عبد الرحمن ابو مسلم الا ان يوسف ضاعف الفلوس دي اضعاف مضاعفة ازاي محدش يعرف ويعتبر من اغنياء العالم مش متجوز بس مشهور بعلاقاته النسائية بس في الخفا لكن علي مين ليه علاقات مع منظمات بره مصر مشكوك في شغلها ودا تقريبا سبب غناه والغريب بقه معاه الناس اللي بتختفي ودايما ليهم علاقة غير مباشرة بيه اعماله كلها مشروعة ظاهريا بس في الخفا مشكوك في امرها
فوزية ايه دا كله وتقصد ايه يختفوا
مروان يختفوا يتحبسوا يتقتلوا الله اعلم المهم محدش يعرف عنهم حاجة
فوزية وليه البوليس مقبضش عليه
مروان اعملي سندوتش كمان مفيش دليل ضده ولما سالت حوس قال ان الطريقة الوحيدة علشان يقع لازم حد من رجالتنا يدخل عنده ويحاول يكسب ثقته ويوقعه في الفخ ودا شغل المباحث مش المخابرات
فوزية خد وبعدين
مروان البلوة السودا بقه مازن ابو مسلم ابن عم يوسف وسامر حاجة كدا زي حسام ابنك عليه حته جسم يا فوفا يهبل مفيش رياضة ميعرفهاش هو الدراع اليمين ليوسف وكاتم اسراره وكل بلاوي يوسف عنده وهو اللي بينفذ كل اعماله القڈرة
فوزية يا سبحان الله وايه بس اللي وقعك يا سوسن في عيله زي دي سامر كويس واخوة بېقتل الناس ومحدش يعرف ليهم طريق ومازن دا كمان حكاية بس بردوا ليه سوسن اتطلقت وليه طلعوا عليها كل الكلام دا
مروان يا فوفا سامر ابو مسلم شرف لاي بنت يرتبط بيها بجد اما يوسف ومازن محدش يعرف عن شغلهم اي حاجة حتي المباحث عيله وغنية ومحترمة دا الظاهر للناس
فوزية عندك حق يا ابني هيا الناس العادية هتعرف الكلام دا منين طيب متجوبتش علي سؤالي
مروان ما هو ابنك دماغة ھتنفجر بيحاول يربط اي حاجة من الكلام دا بس مفيش نتيجة بيوصل ليها واخيرا قال ان احتمال تكون سوسن عرفت او سمعت حاجة مكنش مفروض انها تعرفها ودا عقابهم ليها
فوزية بص يا مروان انا هكلم حسام يبعد عن الموضوع دا احنا مش عايزين نعرف هيا اتطلقت ليه كفايا اننا بنحبها ومش مصدقين الكلام دا اخوك بس يعلن ليها عن حبه وهيا تسامحه وننسي الماضي دا انا خاېفة عليكم
مروان متخفيش يا فوفا بس حسام مصر وبيقول ان الطريقة الوحيدة للاعتذار انه يرد كرامتها ادام الدنيا بحالها بصراحة وانا معاه وموافق
فوزية ربنا يستر ما تبطل اكل بقه
مروان ماشي يا فوفا يعني ختي غرضك مني ودلوقتي بترميني عضم
فوزية ضحكت ڠصب عنها
في اسنكدرية علي الشاطيء
سوسن بقولك انت مين
مجهول انت مش فاكراني انا اللي وقعت في المطعم من كام يوم وانت واخوكي ساعدتوني
سوسن وهيا بتفتكر اه معلش اسفة انا نسيت اي خدمة
الرجل العجوز مالك يا بنتي انا شوفتك من بلكونه اوضتي بتيعطي قلت اطمن عليكي مفيش حاجة مستهله دموعك يا بنتي
سوسن انا تعبت قوي وخلاص مش قادرة استحمل
الرجل العجوز شكلك حامله هموم كتيرفي قلبك طيب لو ممكن تعتبريني زي جدك وتفضفضي معايا يمكن اقدر اساعدك
سوسن باستسلام فعلا انا عايزة اتكلم مع حد معرفوش ولا يعرفني يمكن استريح انا مش بحب احكي همومي لاي حد أحسن يقولوا عليا ضعيفة او يشمتوا فيا او اهلي يتعبوا لتعبي
الرجل العجوز طيب خدي ايدي وقعديني جنبك وقولي انا كلي اذان صاغية
سوسن انا اسمي سوسن كنت عايشه مع بابا وماما بابا كان مدير بنك وماما كانت مدرسه اقتصاد منزلي وكنا عايشين في فيلا كبيرة ومبسوطين قوي ومعايا اخواتي دعاء ومحمد وكنت اميرة بابا وكل طلباتي
—
مجابه طفله صغيرة ومتدلعه كل الدلع اللي في الدنيا لو اقولك كنت بصرف فلوس كام في اليوم مش هتصدفني ولو طلبت لبن العصفور كان يبقي عندي ماما كانت بتقول لبابا سوسن هتخسر من كتر الدلع بابا يقول ليها تتدلع زي ما هيا عايزة دي اميرة قلبي وزهرة حياتي
سوسن بيتكمل وانا عندي 8 سنين بابا ماټ ودي اول الكوارث في حياتي حياتي اتغيرت 360 درجة بعدها ماما كانت بتحبه بشكل مش موجود غير في الروايات والخيال ومتقبلتش فكرة مۏته ودخلت العنايه وقعدت فيها بالشهور وانا اللي كنت باخد العزاء في بيتنا من الستات وعمي جمال وطارق بيستقبلوا عزاء الرجاله
سوسن فترة من الصمت مع مقاومة البكاء
الرجل العجوز بعدين
سوسن بعد فترة صمت وكان الاحداث تقع لتاني مرة امام عينها وبعد الډفنة والعزاء فضلنا في المستشفي شهور لحد ما ماما قامت بالسلامه بس الدكاترة قالوا حاله القلب ضعيفة جدا واي توتر او قلق ممكن ټموت فيها قلنا يمكن بعد فترة تتحسن بس للاسف الموضوع كان بيزداد سوء والقلب جر وراه سكر وضغط وحاجات كتير
سوسن وهيا بتاخد نفسها كمحاولة للهدوء بابا كان بني عمارتين وكنا ماجرنهم وبنعيش منهم بالاضافة الي شغل بابا وماما ومعاش بابا بعد كدا دعاء كانت 4 سننين ومحمد كان لسه عنده شهرين وماما حالتها متستحملش خالص لا رضاعة ولا متابعة اطفال وحتي شغلها خرجت معاش صحي ولا شغل البيت او حتي اي حاجة بسيطة ممكن تكون مسئوله عندها وملهاش غير اخ واحد وكان مسافر برة البلد
[[system-code:ad:autoads]]سوسن لحظات صمت
الرجل العجوز كملي
سوسن عمي جمال وطارق صحيح كويسين بس انشغلوا في حالهم وولادهم انا مش بلومهم لان دي سنة الحياه سالوا واهتموا في الاول بس بعد كدا الدنيا خدتهم سكان العمارتين بطلوا يدفعوا الايجار طبعا بابا ماټ ومحدش بيقول ليهم انتم فين الا ابو رغد خطيبه اخويا كان راجل محترم جدا ويوميا بيسال علينا انا ودعاء بطلنا نروح المدرسة وراحت السنة علينا ومحمد محتاج رعاية ورضاعة واهتمام ماما في الدنيا ومش في الدنيا
سوسن بتكمل وبدات دموعها تنزل وفي يوم كان عندنا واحد صاحب بابا جايب لينا مكافاه بابا من الشغل قالي يا سوسن انت الخير والبركه ومامتك واخواتك محتاجينك وابوكي طول عمره بيقول ان سوسن لما بتتحط في اي موقف بتسد فيه
سوسن ضحك مع عياط
الرجل العجوز بتضحكي ليه
سوسن اصله كداب انا عمري ما سمعت بابا بيقول كدا بس هو راجل كويس لانه كان بينصحني حتي لو بالكدب والواقع بيقول اني لازم ابقي كدا ومعنديش اي حل تاني بس ازاي يا ربي اعمل ايه وانا في ايدي ايه اعمله كان في التوقيت دا كان بيجي مسلسل اجنبي اسمه الاميرة المحاربة زينه zenia worroar princess بيحكي عن بطلة محاربة بتخلص الناس من الذل والمهانه وخطړ في عقل الطفله ساعتها اني لازم ابقي قويه علشان اعرف اخد حقي وادافع عن نفسي
[[system-code:ad:autoads]]الرجل العجوز عملتي ايه
سوسن كان فيه جيم جنب البيت كنت بعدي عليه كل يوم سجلت في دروس الكارتيه والتيكوندوا والجودوا علشان اتعلم ادافع عن نفسي وابقي زي زينا وكمان خدت دورس في اليوجا علشان اتعلم ضبط النفس والسيطرة
سوسن بهمس مش عارفة لو مكنش درست يوجا كنت هستحملك ازاي يا حسام
الرجل العجوز علي صوتك مش سامعك
سوسن بعدين بقت كل مشكله تقابلني اسال حد واتنين تلاته ولو كلهم قالوا نفس الاجابه انفذ الاطفال في سني كانوا بيتفرجوا علي توم وجيري وماما نجوي وبئلوز انا كنت بتفرج علي امسية ثقافية وحدث في مثل هذا اليوم كنت بعشق الافلام والمسلسلات والاخبار يمكن القي حل لمشاكلي فيها بطلت اشرب اللبن لان الاطفال بس هما اللي بيشربوا اللبن وانا مش طفله عرفت موضوع مربيه الاطفال من مسلسل اجنبي وكلمت عمي جمال يشوف ليا ست كويسه تاخد بالها من دعاء ومحمد وكانت داداة سامية هيا اللي مربيانا وفضلت معانا عمرها كله
سوسن بتكمل عمي طارق قدم لينا التماس علي السنة اللي راحت مننا ولما رجعت المدرسة اتفقت مع مدرسين يجو لينا البيت ويدرسوا ليا ولا اخواتي وكان الموضوع دا عيب او ميصحش ان المدرس يجي البيت في الوقت دا تقدر تقول كدا اني كنت السبب في فكرة انتشار الدروس الخصوصية في البلد روحت سجلت في دورات انجليزي وفرنساوي والماني اتعملت اركب عجلة وموتوسيكل وعربية من قبل ما اكمل 14 سنه
كان عندي طاقة اعرف واتعلم كل حاجة واقول هتساعدني في حياتي وبعد ما اتحسن مستوايا في الضړب روحت للسكان وطالبت الايجار من يوم مۏت بابا فيه ناس دفعت وناس استعبطت مسكت اول واحد وضړبته جامد وخت الفلوس ڠصب عنه وطبعا مرديش يبلغ المباحث علشان هيبته متروحش اكتر وبعدين انا طفله وقاصر ومرة في مرة الكل بدا يلتزم ويعملوا ليا الف حساب
ومرت الايام والسنين لحد ما اتخرجت من كليه التجارة اللي بحبها ودعاء دخلت طب ومحمد كان في 3 اعدادي وصاحب بابا قالي انه كلم المديرعلشان اشتغل معاهم في البنك بس انا رفضت وقلت ان دا مش طموحي
الرجل العجوز حد يرفض الشغل في البنك طيب عملتي اية
سوسن مرة وانا في المستشفي مع ماما وبتكلم مع مسئول الحسابات كان فيه راجل اسمه استاذ مراد وبيقول ان شركته هتورد للمستشفي المستلزمات الطبيه ومشي سالت مسئول الحسابات مين دا وايه مستلزمات طبية دي رد وقال دا استاذ مراد عندة شركة للمستلزمات الطبيه بيورد ماسكات وقساطر وجوانتيات وكل مستلزمات شغل المستشفي
قلت له ودا بيكسب قال طبعا هو فيه عربية تمشي من غير بنزين قلت لا قال المستشيفات لو الحاجات دي مش موجودة الناس ټموت والمستشفيات تقف عمرك شوفتي مريض راح مستشفي وقالو ليه مفيش قسطرة او سرنجة
الرجل العجوز عملتي ايه
سوسن طلبت عنوان شركته وروحت عنده وطلبت اشتغل علشان اتعلم اكتر وادرس الموضوع رفض في الاول وبعدين قال انه محتاج محاسب وافقت وبعد فترة وواحدة وحدة اتعلمت كل شغله وبقيت دراعة اليمين والشمال وبعد سنتين استاذنت منه اني عايزة افتح شركة خاصة بيا الرجل كان محترم ووافق قوي ورحب وقالي لو محتاجة اي حاجة هيكون موجود حنبي
بابا الله يرحمه عامل الدور الارضي في كل عمارة محلات للايجار فتحت محلين علي بعض وعملتهم شركتي وسمتها شركة الزهرة علي اسم ماما واسمي بدات اشتغل انا واصحابي سحر وعلي وربنا كرمنا واسم الزهرة بقي زي الطبل وسمعتنا بقت حلوة قوي في السوق
وخلاص اتعودت علي حياتي اللي حسيت انها بدات تحلو ودعاء اتخرجت من كلية الطب واتخطبت ومحمد في 3 ثانوي وامي ظروف صحتها استقرت وانا شركتي كانت بتكسب فقلت خلاص حياتي مش هيكون فيها احزان تاني ولا هم ومكنش بيقرفني غير ضغط ماما عليا للجواز من ثانوي ومع رفضي لاي عريس مش مناسب من وجهة نظري او لاني مكنتش بفكر في الزواج لاحساسي بالمسئولية كانت بتتعب وتدخل المستشفي دا غير بقه العرسان اللي كانت بتعرضني
—
عليهم بطريقة غير مباشرة علشان يتقدموا ليها غير كدا حياتي بدات تستقر وزي ما قلت مش هشوف تعب تاني
الرجل العجوز ياه يا بنتي انت تعبتي قوي
سوسن اللي فات دا تعب واللي جاي دا تعب تاني
الرجل العجوز في ايه تاني
سوسن فلاش باك من 5 سنين
في مستشفي سالم التخصصي
زهرة في غرفة في قسم الباطنه ومعاها دعاء ومحمد زهرة بدات تزرق وتغيب عن الوعي دعاء ركبت ليها اكسجين ومحمد بدا يعيط وسوسن فضلت ټضرب الجرس ولكن دون مجيب خرجت جري وخبطت في راجل في نهاية الاربعين
سوسن وهيا بتجري اسفة يا عمو
الرجل الغريب صمت عن الكلام مع اندهاش وبعد فترة قال قلب عمو انت
سوسن جريت علي غرفة الطبيب لينقذ زهرة وبالفعل تم نقل زهرة الي العنايه وقرر الاطباء عمل قسطرة بالقلب وطول الوقت سوسن واخواتها مفرقوش المستشفي لفترة طويله
الرجل الغريب فضل يتابع سوسن في المستشفي وفي كل مكان وراها كمان عرف كل حاجة عن سوسن واهلها وبعد فترة خرجت زهرة من العنايه الي غرفة اخري وبعد كام يوم من استقرار حالتها الباب خبط ودخل
الرجل الغريب السلام عليكم الف سلامه
زهرة بضعف الله يسلمك مين حضرتك
[[system-code:ad:autoads]]الرجل الغريب انا يوسف ابو مسلم رجل اعمال
يوسف ابو مسلم صاحب اكبر شركات للاستيراد والتصدير في البلد ابيض بعيون سوداء مع شعر رزي في نهاية الاربعين بداية الخمسين من عمرة لا طويل ولا قصير شكل وشه وبشرته لا تتناسب مع عمرة الحقيقي وتعطية عمر شخص بالعشرين
محمد وهو بيسلم طبعا غني عن التعريق دا يا ماما يوسف بيه صاحب اكبر شركات استيراد وتصدير في البلد
يوسف وهو بيقعد مش للدرجة دي يا محمد مش محمد بردوا
محمد ايوه
زهرة اهلا يا استاذ يوسف اي خدمه
يوسف من غير لف ودوران انا يشرفني ويسعدني اني اخطب ايد بنتك الانسه سوسن لاخويا سامر
دعاء وهيا بتقدم شيكولاته وحضرتك شوفتها فين
يوسف وانا بزور واحد صاحبي سوسن خبطت فيا في اليوم اللي ډخلتي فيه العنايه واول ما شوفتها شدتني جامد وطبعا بعتذر سالت عليها في المستشفي وعرفت كل حاجة عنها ولما مدام زهرة بقت كويسه قلت اجي اطلبها
زهرة بفرحة هو اخوك فين قصدي يعني هو شاف سوسن
يوسف ايوه جه المستشفي وشافها من غير ما تعرف وحصل قبول من ناحيته
دعاء هو اخوك بيشتغل مع حضرتك في الاستيراد والتصدير
[[system-code:ad:autoads]]يوسف هو
محمد قاطعة وقال حد ميعرفش مهندس سامر ابو مسلم اشهر مهندس كمبيوتر في البلد دا اشهر مهندس بيصمم برامج كمبيوتر وكل شركات الكمبيوتر بتتحايل عليه يشتغل معاهم
دعاء وانت عرفت كل دا امتي
محمد انت ناسيه اني نفسي ادخل هندسة وهو مثلي الاعلي بس هو ليه مش بيظهر كتير
يوسف دا مخترع وشغله كله علي الكمبيوتر وبيحب يخلصه في البيت كمان شغله بيخلص بالتليفون وسايب ليا ادارة الشركات اللي ورثناها عن بابا الله يرحمه
محمد بلهفة طيب هو فين مجاش معاك ليه انا نفسي اشوفه قوي
يوسف قلت اجي اتعرف عليكم الاول وبعدين نحدد ميعاد ونجي بشكل رسمي بعد ما مدام زهرة تخرج بالسلامة
زهرة ربنا يقدم اللي فيه الخير سوسن في شغلها دلوقتي وانا هخرج بعد بكرة وبعدها تقدروا تشرفونا
يوسف بعد ما قام من مكانه طيب استاذن انا وهات تليفونك يامحمد وابقي اتصل عليك احدد ميعاد
في فيلا زهرة بعد ما خرجت من المستشفي
دعاء بدلع سامر دا حلو يا محمد
محمد بفخر دا علم من اعلام الاكترونيات في مصر يا بنتي
زهرة ساكته ليه يا سوسن
سوسن بهدوء هقول ايه يا ماما
زهرة رائك طبعا معندكيش حجة للرفض المرة دي عيله قيمة وسيما ومفيش كلام يتقال عليها او فيها
سوسن بتفكير مش لما اشوفه واتعرف عليه الاول
محمد لما يكلمني هقوله يجي في اسرع وقت
زهرة اخير يا سوسن هخلص منك انت ودعاء قريب
محمد وهو بيبوس زهرة وانا هفضل علي قلبك يا جميل
في فيلا يوسف
يوسف وهوبيقلب في الموبايل بيتفرج علي صور سوسن اللي صورها ليها البنت مناسبة قوي يا ماما
ثناء ام يوسف وسامر بس انت عمرك ما فكرت تجوز سامر ولا اهتميت بيه واشمعن البنت دي اللي وافقت عليها يا يوسف
ثناء ابو مسلم في بداية السبعين ولكنها تحافظ علي جسمها ولياقتها ومن يراها يعتقد انها في الاربعين من عمرها شعرها بتصبغه كل فترة بلون عدسات العيون بتغيرها باستمرار ميكاج صاروخي ولبس علي احدث موديل وعمليات تجميل لا حصر لها
يوسف وهو مركز في صورة سوسن ويتاملها عجبتني يا ماما
ثناء بضحكة عجبتك ماشي بكرة اعرف بس يعني مش هتكشف البلوة السوداء اللي ورانا خلينا مداريين عن الناس احسن
يوسف انا مش بلعب يا ثناء
ثناء بتأكيد طيب بلغت سامر وبعدين ممكن يرفض
يوسف بعت ليه مازن ينادي عليه حالا
صوت من الخلف خير يا يوسف في ايه
سامر ابو مسلم مهندس الكترونيات 26 سنة متوسط الطول ابيض بشعر رزي جسمة رفيع ولكنه عريض الاكتاف
يوسف بتريقه ايه يا سامر وحشتنا مش عايز تقعد معانا
سامر بتجاهل انا مشغول وانت مشغول
يوسف انا فضيت ليك اهو
سامر بضحكة يوسف باشا هيضحي بوقته اللي بملايين ويقعد معايا
ثناء بجدية كلم اخوك كويس يا سامر
سامر بصرامة هاتوا من الاخر وقولوا عايزين ايه
يوسف شوف كدا الصور دي
سامر بيشوف الصور صور مين دي
ثناء حلوة صح
سامر فعلا حلوة بس مين دي وليه بشوف صورها
يوسف عروسه وعايز اخطبها ليك
سامر بعصبية انت مچنون
كفايا عليكم كدا
بس ليه وليه وليه اسئلة كتير في الحلقة
حلقة النهاردة حمادة بس حلقة بكرة وعد حمادة تاني خالص
هنكمل بكرة وتوقعاتكم
كل هذا وما خفي كان اعظم واكثر في قسمتي
ليلتكم بعطر السوسن
رواية قسمتي بقلمي اسماء سليمان
الفصل الثاني والعشرون
في الشركة عند سوسن
سحر وهيا بتبص لعلي الواد الدكتور دا جبتيه منين
سوسن من تحت النظارة علي
سحر بدلع هو اسمه علي
سوسن بضحك انت هتستعبطي ما انت عارفة انه اسمة علي وبيشتغل معانا من ساعة ما بدانا
سحر وشفايفها علي جنب طيب يعني معرفش احور عليكي
سوسن تحوري لما تبقي شركة فيها الف شخص لكن احنا يا دوب اربعة انا وانت وعلي وعم مسعد
سحر بزهق يوووووه انطقي عرفتيه منين
سوسن بعد ما قلعت النظارة في المستشفي يا ستي ماما كان ضغطها عالي ومفيش دكتور في القسم ولقيته واقف بيقرا في كتاب وسالته انت دكتور قال ايوه وطبعا اتنرفزت عليه وبهدلته لاني عماله انادي علي دكتور ومحدش عبرني
وبعدين اكتشف انه لسه طالب بيدرب كان في سنة رابعة او خامسة واعتذرت ليه كتير ومن هنا اتعرفنا وكل ما ماما تتعب وتروح المستشفي اشوفه هناك ويجي يسلم عليا ولما قررت افتح الشركة عرضت عليه ووافق
سحر وهيا بتبص لعلي في مكتبه شكله شاطر وكل ما ادخل عليه القيه بيذاكر لما يبقي فاضي
سوسن بس انت بتسالي ليه و شكلك مهتمه
سحر بعد ما قربت من سوسن عايزة الصراحة
سوسن اه
سحر الواد من اول ما جه وانا كل ما اشوفه قلبي يدق بوووم بوووم
سوسن بتحذير دا لسه طالب قصدي في اخر سنة وكمان انت اكبر منه بسنتين ولا تلاته
سحر معرفش بقه من اول ما دخل هنا وانا بحس بكدا مش
—
عارفه ليه
سوسن صراحة علي مؤدب ومحترم وكمان بيدرس وبيشتغل في نفس الوقت وانا بحب النوعيه دي
في فيلا زهرة بعد اسبوع
محمد ماما عمو يوسف اتصل عليا وقال عايزين يجيوا بكرة
زهرة بفرحة طيب اتصل علي سوسن بلغها واتصل علي اعمامك كمان
محمد بفرحة لانه هيقابل سامر حاضر
في فيلا يوسف ولكن في جناح منعزل
سامر بهدوء في حاجة مش طبيعية يا مازن
مازن بتفكير انا كمان مش مستوعب يوسف عايز يجوزك طيب ازاي هيا الحدايه بتحدف كتاكيت وبعدين انت كمان رافض علشان الموضوع اللي عندك ومش عايز تكشفه لحد وراضي باللي ربنا قسمه وكتبه
مازن ابو مسلم ابن عم يوسف وسامر ابيض بعيون رصاصي فاتح وشعر رزي طويل ورفيع ييلعب كمال اجسام والعاب قوي دراع يوسف اليمين في الشغل
سامر هو عمره ما فكر في جوازي الا لما شاف البنت دي اشمعن البنت دي هو دا اللغز
مازن مش عارف بس عايز نصيحتي وافق
سامر بغيظ ازاي ما انت عارف اللي فيها
مازن يوسف طول عمرة بيستني موتك وعمرة ما فكر انه يهتم بيك مش يجوزك وكلنا عارفين ليه بس اشمعن دلوقتي واشمعن البنت دي
سامر وعايزني اوافق بعد كلامك دا
[[system-code:ad:autoads]]مازن طبعا علشان نعرف هو بيفكر في ايه ونقدر ننقذ ما يمكن انقاذه وانا بقربي ليه هحاول اعرف منه وكمان لازم نحمي المسكينة دي من شره
سامر مازن خلي بالك احسن يوسف يكشف علاقتنا مع بعض دا عامل زي التعلب بينام بعين مغمضة والتانيه مفتحة
مازن هو لحد دلوقتي فاهم اني بنقله اخبارك وان انا عينه عليك بس ميعرفش ان انا عينك عليه
سامر بس انت معاك حق انا لازم اوافق علشان اعرف بيخطط لا ايه
مازن موافقتك زي عدمها بالنسبة ليه انا سمعته بيكلم اخو العرسه انكم رايحين بكرة لانه وقت الجد زي ما هو خاېف ان اللي عندك ينكشف و صورته هتتأثر كمان بيضغط بيه عليك لانه هو اللي هيكشفه للناس مع شويه التحابيش بتاعته هيبان بطل
سامر معاك حق مازن عايز اعرف كل حاجة عن البنت دي يمكن اقدر اعرف يوسف بيفكر في ايه
مازن طيب ما تكلم طنط ثناء
سامر ما انت عارف انها بتعاملني كأن ابن جوزها مش ابنها اللي محتاج رعايتها وحنيتها
مازن في اقرب وقت كل حاجة هتكون عندك
في فيلا زهرة
حضرت عائلة ابو مسلم يوسف ثناء سامر ومازن الي بيت زهرة
جمال انتم نورتوا
ثناء لزهرة حمد علي السلامه عرفت من يوسف انك كنت في المستشفي
[[system-code:ad:autoads]]زهرة الحمد لله ازمه قلبيه بسيطة وعدت علي خير
محمد مهندس سامر انا مبسوط اني شفت حضرتك انا هدخل هندسة مخصوص علشانك
سامر بضحكة بسيطة انت بحب الالكترونيات يا محمد
محمد انا بعشق اي حاجة بايظة وافضل وراها لحد ما اصلحها
دعاء موفر علينا فلوس كتير
ثناء طيب فين العروسه مش هنشوفها ولا ايه
طارق نادي علي سوسن يا دودو
دعاء نادت سوسن وجات معاها سوسن لبسه بنطلون اسود علي قميص طويل لونه زهري وحجاب من نفس لون القميص
سامر بص لمازن نظرة خاطفة وقال في سرة حرام وربنا ميرضاش بكدا اعمل ايه بس ياربي
ثناء بعد ما غمزت ليوسف ما شاء الله ايه الجمال دا
سوسن شكرا يا طنط
يوسف مش قلت لك يا ماما سوسن حلوة قوي
سوسن شكرا يا عمو يوسف
يوسف قلب عمو
سوسن پغضب نعم
يوسف نعم ايه ايوه قلب عمو انت وسامر زي ولادي فانتم قلبي وعقلي وكل دنيتي
ثناء اصل يوسف متجوزش علشان كدا سامر مش اخوة وبس دا ابنه وانت هتقبي زيه يا سوسن
سامر بصت لمازن وبيستغربوا الكلام اللي بيقوله يوسف وثناء
زهرة وحضرتك متجوزتش ليه يا يوسف بيه وانتم ما شاء الله فضل ربنا عليكم كبير
يوسف انشلغت بالشركات وكل شويه اقول لسه بدري لحد ما العمر جري من غير ما احس ولقيت الناس بتقول يا عمو وابيه وقلت خلاص بقه علي كدا والحمد لله
زهرة انت لسه صغير والف مين تتمني
يوسف يعني انت موافقه اني اتجوز سوسن بدل سامر
محمد ههههههههههه نكته حلوة
دعاء ماما تقصد تشوفلك حد قريب لسنك وضعك
سوسن في سرها في ايه وماله الرجل دا مش نازل ليا من زور وكمان نظراته ليا لا تحمل الاحترام وطريقته في الكلام معايا غير مريحة بس سامر شكله طيب ومؤدب
سامر في سرة الحقيقة دايما بتطلع وقت الهزار انت عايز تتجوز سوسن يا يوسف طيب ليه طلبتها ليا
وبعدين دار حوار مختلف بين جميع الاطراف وسامر مسيطر بكلامه عن الالكترونيات واخر برنامج صممه وازاي شركات اجنيبه بتنافس علشان تشتريه منه
في فيلا يوسف
يوسف وسامر وثناء بعد ما رجعوا فيلتهم بعد مقابله سوسن
يوسف ايه رائك يا سامر
سامر انا موافق سوسن حلوة بس هتقول ليها علي وضعي
يوسف ولا هنقول ولا هنعيد انت الحمد لله بقيت كويس جدا وبقالك كام شهر محصلش ليك اي حاجة يبقي نفضح نفسنا ليه
سامر انت عارف اني اللي عندي مدي الحياه مش معني اني بقالي فترة كويس يبقي خلاص ومش هيتكرر تاني
ثناء احنا هنسرع في اجراءات الزواج وبعدين هتكون خلاص مراتك ومش هتقدر تتكلم
يوسف انا وماما خلاص كبرنا ومحتاجين حد يكون معاك يا سامر فاهم والبنت دي كويسه وشايله مسئوله اهلها من ساعة وفاه ابوها علشان كدا هتقدر تتحملك وتعيش معاك ودا كان سبب اختياري ليها
سامر في سرة عليا الكلام دا يا يوسف اللي انتم شايفينه صح اعملوه انا رايح انام
في فيلا زهرة
بعد كام يوم من زيارة عائلة ابو مسلم
زهرة ايه رائك يا سوسن
سوسن سامر مريح بس اخوه يوسف دا حاسه انه حربايه
دعاء حربايه انت بتجيبي الكلام دا منين بس فعلا عندك حق انا مرتحتش ليه
زهرة طالما مرتاحة لسامر ملكيش دعوة بيوسف
محمد مهندس سامر عبقري يا سونونو
سوسن فعلا باين عليه وانا دخلت علي الفيس وعملت بحث عنه ولقيت كل المواقع بتكلم عن شغله بس ملوش صور كتير وليه مش بيحضر مؤتمرات او بيظهر علي الساحة كتير المفروض يبقي احسن من نجوم السينما
زهرة الراجل شكله انطواني وخجول
دعاء فعلا يا ماما فيه ناس كدا تبقي عبقريه بس متعرفش تقف تقول كلمتين علي بعض ادام الناس عندنا دكتور في الكليه حمار مش بنفهم منه حاجة في النظري بس تعالي شوفيه في العملي ملوش وصف رهيب
زهرة ربنا مش بيدي البني ادم كل حاجة ايه يا سوسو نعمل ايه
سوسن الفكرة ياماما اني مش متوقعة اني ازاي هبعد عنكم واسيبكم الموضوع دا مكنش في دماغي نهائي
زهرة علشان خاطري ياسوسن وافقي انت عارفة اني صحتي علي كف عفريت وعايزة اطمن عليكم قبل ما اروح عند ابوكم
دعاء سوسن محمد خدوها بالحضن وقالوا بعد الشرعند يا ماما
في الشركة عند سوسن
بعد اسبوع من زيارة عيله يوسف في شركة سوسن
سحر علي عمل جرد بالاصناف اللي خلصت من المخازن
سوسن
سحر بصوت عالي سوسن سوسن
سوسن في ايه بتكلميني
سحر بقالي ساعة بكلمك وانت في دنيا تانية
سوسن معلش كنت سرحانه شويه
سحر سرحانه في ايه يا موزة
سوسن اصل جالي عريس
سحر زغرطت ومخبيه عليا انطقي ظروفه ايه
سوسن حكت لسحر علي كل حاجة عن العريس وخۏفها من يوسف وفكرة الجواز
—
اللي مكنتش علي بالها وازاي هتسيب اخواتها وهما لسه محتاجين ليها
سحر انا عارفة انك شايله كل مشاكل طنط ومحمد وعاء وبقيتي راجلهم بس يا سوسن دعاء في طب وكمان مخطوبه ومحمد في الثانويه ومش صغير مش ان اوان الاوان تفكري في نفسك شويه
سوسن ياه نفسي دا انا كل حاجة بعملها لنفسي بكون عارفة انها علشان عائلتي وماما
سحر عارفة علشان كدا بقولك لو سامر كويس اتجوزي وعيشي وانسي كل الهموم وانبسطي بقه
سوسن هو العريس مريح وشكله محترم قوي بس اخوة بحس انه نظرته ليا مش حلوة انت فاهماني
سحر يمكن انت فاهمة غلط وبيعاملك زي بنته ودي نظره عطف وحب
سوسن لا يا سحر انا بشتغل وبختلط بالناس بقالي كتير واقدر اعرف اذا كانت النظرة كويسه ولا مش كويسه
سحر حتي لو انت هتجوزي اخوة وملكيش دعوة بيه
سوسن ماما بتقول كدا بس ماما عايزة تتطمن عليا وعايزني اتجوز اي حد والسلام
سحرر متظلميهاش طنط تعبانه وبعدين يعني هيا عايزة تجوزك اي حد دا سامر ابو مسلم يا بنتي
سوسن ربنا يعمل الخير هصلي واشوف
في فيلا يوسف
ثناء عدي 3 اسابيع يا يوسف والعروسه لسه مردتش
يوسف هيردوا يا ماما متقلقيش بيسالوا علينا والكلام دا
[[system-code:ad:autoads]]ثناء انت واثق كدا ليه انهم هيوفقوا
يوسف ام سوسن ھتموت وتجوزها وصحتها تعبانه واحنا مفيش فينا عيب غير العيب اللي محدش يعرفة غير انا وانت وسامر ومازن يبقي هيرفضوا ليه
ثناء بس كدا الجوزارة تبقي باطله شرعا لانهم لازم يوفقوا علي العيب اللي عند سامر
يوسف باستغراب من امتي يا ماما بتتكلمي في الشرعي والعرفي
ثناء بضحكة علي رائك صحيح اتصل بيهم واستعجلهم
في فيلا يوسف في جناح سامر
سامر عرفت يا مازن كل حاجة عن سوسن
مازن الملف دا فيه كل حاجة شوفه وبعدين احرقه لان يوسف كان طلب مني كل بياناتها وكلفت رجالتي بالمهمة ولان كنت مشغول مقرتوش وكمان مكنتش اعرف ان الموضوع يخصك لان يوسف مصرحش ليا باي حاجة دي صوره من الملف طلع عيني علي ما عرفت يوسف شايله فين