حسام مش عارف ليه مركز مع سوسن وبقي مشدود ليها بعد اخر موقف رغم انه لحد دلوقتي بيظهر العكس وخاصة ادام الناس فركز في حوارها مع بنات عمها اللي بيتقال ووكمان بيعرف يتابع ناس كتير في وقت واحد واول ما رانيا قالت بواطن قال انت قديمه قوي مع انك صغيرة
[[system-code:ad:autoads]]دعاء انت بتقول حاجة يا حسام
حسام لا مفيش حاجة
زهرة بعصبية ايه حسام دي اسمها ابيه حسام انت فاهمة ولا علشان مسافرة وغايبه عيننا تنسي الاصول
دعاء في ايه يا ماما حضرتك كبرتي الموضوع ليه وبعدين انا مش عايزة اكبرة خلاص ولا يهمك ابيه ابيه ابيه
حسام سبيها براحتها وتقول اللي تقوله وفي نفس الوقت حسام رجع تاني يركز مع سوسن وبنات عمها
رباب حرام عليكي يا سوسن طيب هو يقبل يتجوزني زوجه تانيه
سوسن وتانيه ليه اتفضلي اصلكم مش عارفين وشايفين اللي انا شيفاه
راندا شيفاه قمر اخر حاجة صبح وظهر وعصر ومغرب
رباب طبعا
رانيا ويا سلام لو في نصف الاكل يبقي احلي دواء
سوسن بكل الغيط اللي في الدنيا القمر اللي عجيبكم دا صوت شخيره زي شكمان القطر
رنده دي كمنجات وبتعزف احلي لحن
سوسن بعصبية اكتر وجسمه كل حته فيه مليانه شعر تامر حسني ميجيش جنبه حاجة
رباب ما هيا دي الرجوله يا عبيطة
سوسن بنرفزة طيب خدوا الكبيرة بقا دا لابس كورسيه علشان يبان رفيع وجسمه حلو
حسام وهو بيشرب شرق جامد وفضل يكح ويقول كورسيه طيب اصبري عليا ان ما علمتك الادب مبقاش انا وقال لدعاء نادي لسوسن علشان نروح ورانا سفر الصبح
[[system-code:ad:autoads]]دعاء حاضر
سوسن خرجت بعد ما سلمت علي الجميع ووعدتهم خاصة عمر انهم علي ما يريحوا من السفر هتكون معاهم ويقضوا باقي الاجازة مع بعض ومش هتسيبه خالص
كفايا عليكم كدا
يا تري ايه اللي اتعود ادم وسوسن يعملوه كل يوم
تفتكروا ليه سوسن اتطلقت في قسم الشرطة
حسام لسه متلخبط ومش عارف يعمل ايه وبيتصرف ازاي
كل هذا وما خفي كان اعظم واكثر في قسمتي
ليلتكم بعطر السوسن
رواية قسمتي بقلمي اسماء سليمان
الفصل الرابع عشر
سوسن خرجت من الفيلا بعد ما سلمت علي الجميع ووعدتهم خاصة عمر انهم علي ما يريحوا من السفر هتكون معاهم ويقضوا باقي الاجازة مع بعض ومش هتسيبه خالص
في العربية مروحين حسام ساكت طول الطريق وكل اللي في دماغة ازاي يضايقها بعد الكلام اللي قالته بقه هو لابس كورسيه وجسمه كل شعر وشعر صدر تامر حسني ميجيش جنبي حاجة ماشي يا سوسن في اللحظة دي تليفون سوسن رن وكان عمر بيكلمها فيديو
سوسن بضحكة ايه يا عمورة
عمر انت نسيتي دي ورفع الجذمه بتاعتها
سوسن بصت علي رجلها لقت نفسها خرجت بشبشب بيتي وكانت قلعت جزمتها علشان تعرف تلعب مع ولاد اختها
سوسن ههههه ماشي يا عمروه خليها
عمر بتاكيد تروحي وتيجي بسرعة انت عارفة اننا هنقعد شهر بس
سوسن حاضر عد 5 ايام وهكون عندك ونقضي باقي الايام مع بعض
عمر افتجي الاسبيكر يا خالتو عايز اكلم عمو حسام لانه بيسوق العربية ومش هيعرف يمسك التليفون
سوسن حاضر يا حضرة الظابط
عمر عمو حسام انا هستناك علشان نتدرب سوا
حسام حاضر جهز نفسك وهاخدك معايا النادي كمان
عمر بحماس ماشي وانا هستعد ليك من دلوقتي يله سلام وبوس خالتو سوسن
سوسن بسرعة قفلت التليفون بعد كلام عمر الاخير وبصت ناحية الشارع وقالت الحمد لله ان سحر وعلي مشيوا قبل وصول حسام والا كانت هتبقي مصېبة وكمان محدش جاب سيرته وهما موجودين لانهم عارفين انه في مهمة حسام عمال يكرر كلامها انا لابس كورسيه ماشي دا انت هتشوفي ايام سوداء
سوسن دخلت اوضتها وجهزت شنطتين شنطة فيها اللاب توب وارواق تخص شغلها لانها عارفة ان مع وجود لوح التلج حسام مش هتبقي رحله بالنسبة ليها والشنطة التانيه فيها هدومها وبعدين راحت في نوم عميق
تاني يوم الصبح فوزية صحت الجميع ولبسوا وفطروا سوسن خرجت شايله شنطة اللاب علي ضهرها والتانيه بتجرها في ايدها ونزلتها الي شقة فوزية شافت أماني
—
موجودة سلموا علي بعض وباست امير وشهد اما ادم سلم عليها بإقتضاب ومسك في ايد حسام
حسام يله علشان ميعاد الطائرة
كريم ومروان وحسام شالوا الشنط وفوزية وأماني والاولاد نزلوا يجروا علي العربيات ومحدش شال شنطة سوسن ولا اهتم بيها
فوزية واقفه جنب العربية ولمحت سوسن نزله بالشنطة وقالت بصوت عالي
فوزية حسام
حسام نعم في حاجة يا ماما
فوزية بنظرة ڠضب هات الشنطة من مراتك
حسام بزهق مبلاش مراتك دي وبعدين ما هيا نازله بيها ومش محتاجة مساعدة
فوزية بعصبية قلت هات الشنطة من مراتك
في نفس الوقت كان كريم حط الشنط اللي في ايده وراح ياخد منها الشنطة وقال
كريم عنك يا استاذه
سوسن برقة شكرا يا كريم مش تقيلة
كريم وهو عيونه في الارض بردوا عنك حضرتك كنتي سبيها وانا هطلع أجيبها
سوسن وهيا بتديله الشنطة قالت شكرا يا كريم كلك ذوق
فوزية أماني اركبي مع مروان انت والولاد وانا معاكم وانت يا سوسن اركبي مع حسام
سوسن بزهق انا هركب مع أماني وحشاني وكنت عايزة اتكلم معاها وحضرتك اركبي مع
فوزية قاطعتها كلامي يتسمع وبعدين لما نوصل ابقي اتكلمي معاها براحتك كريم ريح اليومين دول يا حبيبي
[[system-code:ad:autoads]]كريم شكرا تروحوا وتيجوا بالسلامة
مروان بهمس لفوزية بتعجبني وانت حمش يا فوفا
فوزية رغم انها رسمه التكشيرة التام الا ان كلام مروان ضحكها ڠصب عنها
حسام راكب عربيته ولقي سوسن جايه تركب بس في الكرسي اللي وراء
حسام بعصبيه من ڠضب فوزيه عليه هو انا سواق جنابك ولا ايه اتنيلي اركبي جنبي
سوسن في سرها ويمين الله منا ساكته ليك بعد كدا وقالت وانت تطول تبقي سواق جنابي
حسام بنرفزة من ردها مش عايز استفزار من الاول
سوسن بهدوء عامه متزعلش خلاص هشغلك عندي سواق ولا تزعل
حسام بدا يسوق العربية وقال استغفر الله العظيم هيا رحله زباله من الاول
في الطائرة
سوسن بعد وصلوا المطار وصعدوا الي الطائرة اكتشف انها ملك عائلة العاصي ومخصصة لرحالتهم الخاصة الكل قعد في المكان اللي عايزة وجنب الشخص اللي عايزة سوسن قعدت بعيد لوحدها وجنب الشباك فوزية أمرت حسام يقعد جنبها اللي اعترض في الاول بس اضطر يوافق لانه شكله بقي وحش امام اخواته لان الوحيدة اللي ميقدرش يرفض ليها امر هيا فوزية العاصي
سوسن فيها عادة قديمه انها بتنام في اي مكان تحط راسها فيه ممكن تنام علي كرسي او علي الارض او في المطبخ من كتر ان دماغها شغال وبتفكر في حاجات كتير ممكن تنام في اي مكان
[[system-code:ad:autoads]]اول ما الطايرة بدات تطير سوسن فكت حزام الامان ونامت علي الكرسي وحسام جنبها وبيقرا في كتاب بعد شويه بدات راسها تميل علي كتفها حسام بطراطيف صوابعه بيرفع راسها ويبعدها عن كتفه
سوسن بتميل تاني وحسام بيرفع راسها تاني لحد ما سوسن مالت براسها والجزء العلوي من جسمها ووقعت علي رجل حسام ولسه هيمسك راسها علشان يخبطها في اي مكان علشان تبطل مياعة وسهوكه من وجهة نظرة لقي فوزية بتبص عليه وبتحذره من اي عمل طائش ممكن يعمله
حسام عمره ما خالف امر لولدته لانه عارف حتي مع الجدال هيوافق واضطر ان يسمع كلامها وفضل طول الرحله ماسك نفسه من الغيظ والهانم في سابع نومه
وقبل ما تهبط الطايرة سوسن فاقت لقت نفسها علي رجل حسام قامت بسرعة وبصت في الارض من الخجل وقالت
سوسن اسفة
حسام بشرار طالع من عينه حاولي تبعدي عني في الرحله دي احسن لك
نزلوا من الطايرة واتجهوا الي الفندق وناموا شوية من تعب الرحلة اما المفتش كورومبو فوزية هانم العاصي اكتشفت ان حسام نام مع مروان في اوضته فوزية راحت الاوضه وأمرت حسام يروح أوضه سوسن
حسام بعصبية في ايه يا ماما انت بتعملي كدا ليه
فوزية بهدوء وبتلقد ابنها في بروده عايزك تنام في أوضه مراتك
حسام بتاكيد حتي لو نمت معاها في نفس الاوضه اللي في دماغك مش هيحصل انا رافضها يا ماما
فوزية بأمر شيل شنطك وإمشي من هنا
حسام خرج من الاوضه بنرفزة وممكن يضرب اي حد دلوقتي ونزل في المطعم
مراون بعد ما خرج مش وخدة بالك يا فوفا انك مزودها شويه معاه
فوزية بعد ما قعدت علي كرسي انا عايزة يحصل بينهم مواقف ويتكلموا حتي لو هيتخانقوا هيا عنيدة وهو عنيد ومش عارفة ايه اللي حصل بينهم سوسن لو قاعدة معانا وحسام دخل تقوم تخرج وحسام لو موجود وسوسن دخلت علينا متقعدش معانا وتدخل اي مكان كانوا بيقعدوا معانا حتي لو مش بيتكلموا وكمان اخوك بقي عصبي معاها وبيتنرفز بسرعة يعني يارب يسيب البرود وتمسكة العصبية ودا خلاني متاكدة اني فيه حاجة كبيرة حصلت بينهم بس لا سوسن بتتكلم ولا حسام
مراون فعلا انا ملاحظ كدا بس حسام في عناده مش بيعرف ابوه ممكن يضربها قلم يكسرها نصين
فوزية بتاكيد لانها عارفة ابنها حسام هيغلط فيها دا أكيد هيقولها كلام جارح ودبش بردوا اكيد انما يضربها استحاله يا ميرو
مروان طيب يله نتغدي
—
انا جعان
فوزية اسبقي علي ما انادي سوسن وأماني والولاد
في المطعم واثناء الغداء
فوزية عايز برنامج حلو السنه يا مروان
مروان وهو بياكل معلش حسام يظبط البرنامج المرة دي انا زمايلي في الطريق وهكون معاهم ومعاكم
أماني انا هنزل المولات اشتري هدوم ليا وللولاد وحاجات محتاجاها قبل هاني ما ينزل مصر وبعدين هفسح الولاد ونروح اكو بارك وهدلعهم الكام يوم دول
فوزية وانا كفايا عليا ان اقعد ادام البحر واسمع فيروز
سوسن في نفسها انا قلت ان الخروجة دي ملهاش ستين لزمه
حسام تمام يعني كل واحد براحته بس انا هحجز للكل اخر يومين هنقضيهم في البحر في باخرة حلوة قوي
مروان ممكن تحجز لزمايلي اسعد وفارس وعمار معانا يا حسام
حسام ماشي انا خارج سلام
فوزية علي فين
حسام عندي مشوار مهم
فوزية وانت هتعملي ايه يا سوسن
سوسن بتفكير هروح مع أماني اشتري معاها هدايا لعمر وبيدوا ونروح نلعب في اكوا بارك سوا
ادم في سرة كل شويه عمر عمر
بعد الغداء أماني وسوسن خرجوا هما والولاد واشتروا هدوم وهدايا واكلوا ايس كريم ورجعوا علي الفندق وكان الليل حل
سوسن دخلت اوضتها لقت حسام نايم علي السرير وكان بيتكلم في الموبايل ونهي المكالمة بكرة بالليل سوسن بصت عليه ومش عارفة هتنام فين او ازاي فتحت الدولاب لقت هدوم حسام مرصوصه بشكل مرتب وهدمها مرميه تحت في قاع الدولاب
[[system-code:ad:autoads]]حسام مبحش احط هدومي مع هدوم حد تاني
سوسن والڠضب وصل لمنتاها منه مفيش مشكله ودخلت الحمام
سوسن اخدت دش ولبست الاسدال بس وهيا خارجة شافت شامبو وكريم حلاقة وشاور جيل وبرفنات غير اللي كانت موجودة الصبح وقالت في سرها اكيد الحاجات دي تخص حسام وضحكت وقالت الاڼتقام بقي ترمي هدومي في قاع الدولاب وفاكر اني هسكت ماشي
سوسن اخدت هدومها من الدولاب وخرجت طلعت بره الاوضه علشان تنام مع أماني
تاني يوم سوسن وأماني وادم وشهد وامير صحيوا بدري وفطروا راحوا اكو بارك وفضلوا طول النهار بيعلبوا واليوم كان كله ضحك وهزار وسعادة بالنسبة لسوسن طالما بعيدة عن حسام
حسام قام من نومة دخل الحمام ياخد دوش رجله اتزحلقت وكان هيقع لولا انه رياضي كان زمانه مكسور وعلي كرسي متحرك بص علي الارض شاف الشارو جيل والشامبو وكل حاجته سوسن فرغتها علي الارض والبرفانات رمتها من شباك الحمام
حسام بعصبية وحياه امك اللي بټموت لاوريكي
حسام اخد شارو ونزل بسرعة يسال علي سوسن فوزية قالت له انهم في اكوا بارك وسالته هو بيسال عليها ليه
حسام بيرتب للاڼتقام تتصوري يا ماما دخلت امبارح الاوضه عليا وزعلت اني موجود وتقريبا شبه طردتني
[[system-code:ad:autoads]]فوزية حقها وتعمل اكتر من كدا كمان
حسام بغيظ من كلام فوزية قلت ليها نبدا من جديد يا بنت الحلال ونتعرف علي بعض كاننا مخطوبين واتفضلي نامي علي السرير وانا هنام علي الكنبه تقوم تاخد هدومها وتروح تنام في اوضه أماني
فوزية انت بتقول ايه طيب تعال معايا قوم
فوزية دخلت اوضة اماني لمت هدوم سوسن ودخلتها تاني اوضه حسام الي صدقت كلامه او دا اللي نفسها انه يحصل بجد فصدقت حسام بسهوله وعرف يقنعها
حسام في سره اصبري عليا يا بنت صبري القاضي
في الاكوابارك
موبايل سوسن رن وكان عمر
عمر بضحكة وحشتيني جدا
سوسن بفرحة وانت كمان انا اشتريت حاجات تجنن ليك ولبيدوا وماما وتيته زهرة وخالو محمد ورغد كمان
عمر عمو حسام جنبك
سوسن باستغراب لا مش جنبي
عمر طيب كويس انا عايز اعرف نقضة الضعف اللي عنده انت اكيد شوفيته وهو بيتمرن
سوسن ليه بتسال يا عمورة
عمر علشان لما نتسابق مع بعض انا اللي اغلبه علشان كدا لازم أعرف نقطة ضعفة
سوسن حبيبي عمو حسام ظابط وهو اللي هيمرنك الموضوع مش سباق يا عمر وانت مش ند ليه
عمر بثقة خالتو لو سمحتي انا كمان قوي وبتمرن من وانا عندي سنتين وانا عارف اني مش هقدر اغلبه بس لازم العب معاه كويس ويحترمني
سوسن حبيبي مش قصدي انا بس بفهمك
عمر انا عارف يا خالتو وكمان هعرف بطريقتي نقطة ضعفة سلام
سوسن ضحكت بصوت عالي واماني سالتها في ايه وحكت ليها علي كلام عمر اللي واخد الموضوع بجد وادم بيسمع كلامها ومراقب الحوار من بعيد
سوسن راحت لادم علي فكرة انا زعلانه منك
ادم بلف وشة للناحية التانية ليه
سوسن علشان من فترة وانت مش بتتكلم معايا ولا بنهزر مع بعض
ادم لا عادي
سوسن طيب انا عندي ليك مفاجاه تجنن
ادم بلهفة بجد ايه هيا
سوسن انا شفت في الفندق اعلان النهاردة بالليل لرحله سفاري في الصحراء وهنسمع اغاني وناكل خروف مشوي ونركب بيتش باجي ونهيص
ادم وهو بيحضنها هايل بس بشرط
سوسن خير
ادم انا وانت بس اللي نطلع
سوسن انا كنت مرتبه ان نطلع كلنا يا دومي وننبسط اكتر وبعدين مينفعش نطلع انا وانت بس
ادم that not my problems الترجمة دي مش مشكلتي
سوسن تاني انجليزي
ادم سوري قصدي عايز اخرج معاكي وبس انا وانت لوحدنا
سوسن طيب انا هشوف كدا
سوسن فكرت كتير ازاي تسعد ادم وتحقق ليه
—
امنيته فكلمت مروان علي المويابل لانه مشغول مع اصحابه وحكت ليه
مروان دي بسيطة
سوسن ازاي بس انا وادم لوحدنا مش هينفع
مروان بصي يا سيتي انا هحجز ليكم واتفق مع سواق يوديكم لمكان التجمع وتنبسطوا هناك وفي اخر السهرة انا اجي اخدكم
سوسن حلو جدا شكرا يا مروان
سوسن واماني والاولاد رجعوا الفندق وسوسن عرفت من فوزية انها نقلت هدومها من اوضه أماني الي اوضة حسام وطلبت منها انه توافق علي كلام حسام وتديه فرصة تانية وتسامحه طبعا سوسن عرفت ان حسام بيرتب ليها مقلب محترم بديل الكلام اللي مش مقنع اللي قالته فوزية بخصوص الفرصة التانية
سوسن قررت تاخد حذرها كويس من افعال حسام ولازم عقلها يبقي في وسط راسها وقررت تحاول تبعد عنه باي طريقة وطول ما هيا بعيدة هيا في امان
سوسن لبست هيا وادم وركبت مع السواق اللي مروان اتفق معاه ووصلوا الي مكان تجمع الجروب الجو في الصحراء اكثر من رائع والهواء يدخل القلب قبل الرئتين ويغسل همومك وهو خارج مع الزفير اما النجوم كانت بتنور في السما ورسمة اشكال حلوة كأن النجوم بيلعبوا مع بعض في نظام بديع وريحة الشاي علي الفحم طعمه بياخد العقل الخروف وهو بيتشوي ريحته بتجوع الشبعان وادم مبسوط وعمال يصور كل اللي بيشوفه وبيتكلم مع الاجانب الموجودين ويطلب منهم يصوره هو وسوسن او يتصور هو معاهم
[[system-code:ad:autoads]]سوسن وادم وقفوا يتفرجوا علي فرقة بدوية بتغني اغاني قديمه وجميلة وعمالين يصقفوا ومبسوطين بس دائما السعادة وقتها قصير لمحت من بعيد حسام قاعد في وسط مجموعة من الشباب وقالت في سرها انت عامل زي عفريت العلبة في كل مكان تطلع فيه وانا اللي لسه بقول أبعد عنك هكون بأمان والنعمة انا لو بخطط اكون جنبك مش هتحصل كدا
سوسن مسكت ايد ادم وقالت يله نمشي من هنا
ادم لسه بدري مش عمو مروان هيجي ياخدنا
سوسن بتشد ادم وهو بيقاومها يله يا ادم هقولك بعدين
ادم عايز اقعد شويه
سوسن وهيا مستمرة في المشي السريع وادم مستمر في المقاومة شالته وجريت بيه
ادم بعصبية وصوت عالي انا مخصمك ومش هكلمك تاني ugly الترجمة انت وحشة
سوسن فضلت تجري لحد ما بعدت عن الجروب وبعد فترة وقفت ونزلت ادم وبصت حوليها لقت صحراء من كل الاتجاهات ومش عارفة هيا فين ومفيش اي علامه ومكنتش مركزة في الطريق وهيا بتهرب وشيله ادم علشان ترجع تاني
سوسن وهيا بتلف حواليها ادم احنا توهنا
ادم يعني ايه توهنا
سوسن lost
ادم what
سوسن عماله بتتحرك يمين في شمال يمكن تلاقي اي علامه او دليل وطلعت تليفونها علشان تكلم مروان بس سمعت صوت من الخلف بيقول
[[system-code:ad:autoads]]الليله دي قلبي كان حاسس انها هتبقي زي الفل
سوسن خدت ادم في حضنها والټفت الي مصدر الصوت وكان 6 من قطاعي الطريق او شباب مغيب عقله بالمخډرات هيا في خطړ سواء كانوا كدا او كدا
بدا الشباب يقربوا من سوسن وادم ويقولوا
شاب 1 ليلتك زي الفل يا موزه
شاب 2 والنعمة احنا هندلعك اخر دلع
شاب 3 وكله بالحنيه بيفك
شاب 4 تحبي بقه واحد واحد ولا كله مع بعضه
سوسن واقفة في ثبات ومش خاېفة منهم وادم بدا يعيط ويقول
ادم بابي انت فين
سوسن طمنته وقالت ليه خليك ورايا ومتقلقش
شاب 1 بابي لو كان بابي موجود يا صغنن كان اتفرج علي اللي هيحصل للموزة
ادم وهو بيعط بابي هيضربكم كلكم بابي ظابط وعمو مروان ظابط وهيقبض عليكم
شاب 6 وانا بعشق الظباط ولسه هيمد ايده علي سوسن لقي ايد مسكت ايده وشدتها بقوة في عكس اتجاه العظم وانكسرت
ادم بفرحة بابي اضربهم جامد
3 شباب جريوا علي حسام واحد منهم حامل في ايده سکينة والتاني حته حديدة والتالت شايل جنزير حسام ضربهم ومخدوش في ايده غلوه وبضربه واحدة كان كل واحد بيطير ويقع علي الارض اما الاتنين التانين اختفوا وجريوا
حسام لف علي سوسن وادم اللي خده في حضنه ولسه هيزعق ويتعصب علي سوسن لقي سوسن بتجري عليه وهو مش فاهم هتعمل ايه
الشابين اللي اختفوا انتظروا لما حسام اداهم ضهرة علشان يضربوه من الخلف وسوسن اول ماشافتهم جريت عليهم وعدت من حسام وادم اللي التفتوا علشان يشوفوا هيا بتجري ليه حسام بحلق من صډمه اللي شافه
سوسن نطت لفوق وضړبت برجلها علي راس كل شاب وبعدين وقفت علي الارض في وسطهم وضربتهم بالكوع في اعلي الصدر وبعدين مالو الي الامام فضربتهم من علي الضهر وقعوا علي الارض وبعدين خبطت بكلتا يدها علي بعض تاكيدا لانتهاء المهمة
رجعت وقفت ادام حسام وادم اللي عمال يصقف ويقول وااااا هايل super sawsan
حسام بعصبية ايه اللي انت عمليه دا
سوسن بفخر انا انقذت حياتك
حسام علي اساس اني مش شايفهم
سوسن بتريقة ولا بقي فارق معاها وجود ادم ليه مركب عيون في قفاك
حسام قرب منها قفاك حظك حلو ان ادم واقف
سوسن بسخرية هيا دي شكرا
حسام بتجاهل شكرا دي تتقال ليا
—
انا اللي انقذتك وخد ادم ومشي
سوسن جريت وراه علي فكرة حضرتك انا مطلبتش مساعدتك انت كنت اقدر عليهم لوحدي
حسام بتريقة ټضربي 2 ماشي لكن لو السته كانوا مع بعض كان زمانك اتقرقشتي من زمان
سوسن في سرها انا اللي هقرقشك بايدي دول
حسام وصل لمكان المجموعة وركب البيتش باجي واخد ادم ادامه وبص لسوسن
حسام هتفضلي واقفه كتير
سوسن انا هركب فين
حسام شغلي مخك
طبعا مفيش اي مكان يسمح بركوبها غير انها تركب وراه وفعلا دا اللي حصل
سوسن بعد ما ركبت قالت علشان مضطرة بس
حسام طار في الصحراء وسوسن كل شويه تخبط فيه وكانت هتقع فمسكت في هدومه حسام عمال يزود السرعة ومن خۏفها لتقع حضنته جامد من وسطة
واول ما حسام وقف البيتش باجي عند وصوله للفندق فكت ايدها بسرعة وقالت
سوسن بعصبية انت كنت قاصد تسوق بسرعة علشان امسك فيك صح
حسام بتريقة ليه ان شاء الله انت فاكرة نفسك ست ولا نوعك دا يعجبني
حسام اخد ادم ودخل علي الفندق سوسن طلعت وراه وكلها غيظ منه ونفسها تضربه
سوسن دخلت الاوضه ودخلت الحمام وغيرت هدومها ولبست الاسدال وطلعت لقت حسام واقف وكالعادة حاطط ايده في جيبه
[[system-code:ad:autoads]]حسام بعصبية بصي بقه كله الا ادام
سوسن بهدوء تقصد ايه
حسام انت بتفكري ازاي معندكيش دماغ بتاخدي ادم وتروحي مكان زي دا لوحدكم من غير راجل
سوسن مر
حسام مش عايز اعذار طيب انت مش مشكله بس ابني لا انت فاهمة
حسام قال كلمته ودخل الحمام واخد شاور وطلع لقي سوسن نايمه في السرير دخل جنبها هو كمان ينام
سوسن قامت بسرعة انت بتعمل ايه قوم نام علي الكنبه
حسام بهدوء لو مش عجبك قومي انت نامي علي الكنبه
سوسن دا في احلامك اني انام معاك في سرير واحد او في اوضه واحدة
حسام بهدوء الباب اهو اتفضلي
سوسن قامت من علي السرير وقالت طبعا هتفضل ويمين الله منا نايمه في الاوضه دي معاك
حسام متكلميش كتير واتفضلي وطفي النور وبعدين دير وشه الي الاتجاه الاخر وضحك من كل قبله دون صوت
سوسن لسه هتخرج تنام مع اماني افتكرت ان فوزية عنفتها علشان نامت معها فبصت حوليها لقت البلكونه وقالت الحمد لله وقررت النوم فيها بس لقت فوزية قاعدة في بلكونه اوضتها وهتشوفها وهيا نايمة علي الكرسي دخلت تاني الاوضة ولم تجد امامها الا الحمام وفعلا نامت في البانيو
تاني يوم الصبح حسام دخل الحمام لقي سوسن نايمه في قلب البانيو زي الطفل في بطن امه وبعدين ضحك وقال انت قدمتي ليا فكرة تجنن علشان انتقم منك
[[system-code:ad:autoads]]حسام فتح الدوش علي الاخر وسوسن قامت مڤزوعة والميه غرقتها وكانت هتزحلق في البانيو مسكت في الحنفيه وقفلت الدوش وقالت
سوسن بعصبية انت مچنون
حسام بضحكة واحدة بواحدة علشان ترمي الحاجات اللي تخصني انت عارفة دي بكام ولا هتعرفي منين دي ماركات ويدوب تعرفي تنطقي اسمها بالعافية بره عايز اخد الدوش بتاعي
سوسن بتخرج من الباتيو وكلها مايه ومشيت خطوتين رجلها اتزحلقت في المياه اللي علي الارض او اتكعبلت في طرف الاسدال الطويل ومالت بضهرها لورا وكانت هتقع لولا ايد حسام مسكتها من كتفها واليد التانيه طوقتها من وسطها
سوسن لما پتخاف بغمض عيونها بشده وبعدين لما لقت نفسها متعلقه بين ذراعي حسام وموقعتش قالت
سوسن وهيا مغمضة الحمد لله
حسام وهو ماسك نفسه من الضحك ايه عجبتك مسكتي ليكي مش قلت بطلي مياعة وسهوكة
سوسن اوعي لو سمحت وخرجت بره الحمام
حسام مش عارف ليه مسكها ومنعها من الوقوع واول مره يقرب منها بالشكل دا بس الغريب بقه انه كان مبسوط والاغرب انه بيستغل اي موقف يحصل بينهم علشان ينرفزها ويتخانق معاها وخاصة ادام الناس وكمان بقي متاكدا ان اي موقف بيحصل بيكون نيتها خير وقصدها كويس بس لسه بيداري ومش عايز يبين ضعفة او اي حد يكتشف التغيرات اللي حصلت ليه بس ليه اتغير وبقي كدا
يمكن يكون نظرته ليها بدات تتغير لما سمع مكالمتها وطريقتها في الشغل يمكن لما لقاها ضړبت قطاع الطرق يمكن عجبه عصبيتها ومناقرته يمكن حب امه واخوه ليها مش طبيعي ليه بدا يقارن الكلام اللي سمعة بشخصيتها ومواقفها مش عارف وقال في دماغة ياتري يا حسام حكايتك دي هتنتهي ازاي
سوسن بعد ما خرجت من الحمام ولسه بتفك هدومها خاڤت ان حسام يطلع عليها وهيا بتغير فقفلت باب الحمام بالمفتاح وغيرت هدومها واخدت الشنطة اللي فيها اللاب ولسه هتفتح تاني الحمام قالت في سرها وهيا بتضحك تستاهل خليك جوا علشان تحرم تفتح عليا الدوش يا استاذ حسام
حسام جه يطلع لقي الباب مغلق فضحك جامد وقال يا بنت العفريته
كفايا عليكم كدا
مش هقول يا تري ويا تري هسيبكم لخيالكم
يارب يكون مغامرة اليوم بين حسام وسوسن عجبتكم ولنا باقية في الحلقة القادمة
كل هذا وما خفي كان اعظم واكثر في قسمتي.
ليلتكم بعطر السوسن
بقلمي اسماء سليمان
الفصل الخامس عشر
حسام بيفتح الباب علشان يطلع لقاه مقفول من بره فضحك جامد وقال يا بنت العفريته بس سوسن نسيت انه ظابط ودايما بيعمل احتياطه لاي حاجة ممكن يقابلها حسام طلع التليفون وكلم مروان اللي جه فتح ليه الباب وخرجة
مروان بغمز بعيونه مين عمل فيك كدا يا وحش
حسام بيحاول يتكلم بتناكة علشان مروان ميحسش انه متغير البتاعة الي امك جوزتها ليا
مروان وهو بيضحك حرام عليك دي طيبه وغلبانه
حسام بتمثيل العصبية دي زباله وقاله انها شافها امبارح وحكي ليه علي اللي حصل منها وقال في واحدة محترمه تطلع سفاري مع ناس متعرفهوش وبالليل وكمان معاها عيل صغير دي مش غلبانه دي هبلة
مروان انت ظلمتها انا اللي حجزت ليها وكنت هروح اجيبها بالليل وابنك اللي اصر انهم يرحوا لوحدهم سوسن كانت هتحجز للكل علي فكرة
حسام ولما كلامك مظبوط ليه مشيت ومنتظرتش انك تيجي تخدهم
مروان دا بقه اللي هنعرفة دلوقتي مع اني مش بحب اعمل كدا بس علشان اثبت لك انها برئيه مروان اتصل علي سوسن وفتح الاسبيكر وقال
مروان صباح الفل يا سو عامله ايه انت فين قلبت عليكي الدنيا مش موجوده
[[system-code:ad:autoads]]سوسن اهلا مروان انا اجرت عربية بسواق وطلعت الف علي بعض المستشفيات هنا يمكن اطلع منها بشغل
مروان احنا في اجازة مش في الشغل يا سو
سوسن الاجازة ليها ناسها
مروان طيب انا كنت جاي امبارح حسب اتفاقنا لقيت ادم داخل اوضته وعرفت انكم في الفندق ليه مستنتيش اجي اخدك
سوسن فعلا كنت هعمل دا وانا ادم كنا مبسوطين بالجو بس لقيت الاستاذ حسام هناك ومعاه ناس او اصحابه خفت ادم يشوفه ويجري عليه وبعدين يحرج من اصحابه ومش هيعرف يقدمني ليهم لان زي ما انت عارف مش عايز حد يعرف اننا متجوزين جريت انا ادم بعيد وتوهت طلع علينا قطاع طريق والاستاذ حسام شافنا ولحقنا بسرعة وضربهم والحمد لله رجعنا بالسلامه
مروان حلوة الاستاذ حسام دي طيب متتاخريش ولما ترجعي نتكلم
سوسن حاضر مع السلامه
مروان بعد ما افل معاها شفت بقه انك ظلمتها
حسام لسه بيكابر طيب ليه مقلتش كدا
مروان اكيد انت متدتهاش فرصه انت عمرك ما اديتها فرصة ترد اصلا او تدافع عن نفسها ياريت يا حسام تحاول تسمعها مرة واحدة بس صدقني هتتاكد انك غلطان في حكمك عليها يله سلام اصحابي منتظرين مروان خرج ورجع تاني وقال
[[system-code:ad:autoads]]مروان علي فكرة انتم شبه بعض قوي وليقين علي بعض جدا سلام
حسام بيكلم نفسه الواد دا اټجنن قال شبه بعض قال ونزل يفطر ويتكلم مع فوزيه وأماني حسام وهو بيفطر حس ان ادم مش مبسوط ومتضايق
حسام بحنية حبيب بابي ماله
ادم بزهق اصل سوسن خرجت من غير ما تسلم عليا او تقول رايحة فين
أماني لحسام ادم اتعلق قوي بسوسن
فوزية بهز راسها فعلا يا أماني
حسام بهزار طيب طالما بتفكر في الست سوسن بلاش المفاجاة اللي كنت محضرها ليك
ادم بلهفة مفاجاه ايه
حسام بعد الفطار هنروح كلنا نتفرج علي فيلم The Grinch اللي كان نفسك تشوفه وبعدين نروح نتفرج علي عروض الصوت والضوء وعروض الخيول ورقص شعبي في منتزه ألف ليلة وليلة
امير بعد ما قرب من حسام طيب وهنتغدي فين يا خالو
حسام بعد ما باس امير في الميركاتو أشهر مول في شرم الشيخ
شهد كلنا يا خالو ولا ادم بس
حسام كلنا طبعا وتيتيه كمان
امير يله يا خالو
حسام ادم هتيجي معانا ولا هتعقد تستني سوسن
ادم ايوه هاجي بس كنت هبقي مبسوط اكتر لو سوسن معانا
فوزية انا هكلمها في التليفون ولما تخلص شغلها تجي علي المكان اللي هنكون فيه
ادم حضنها وقال انت احلي تيته في الدنيا
حسام انت عارفة هيا فين
فوزية بتاكيد طبعا سوسن مش بتعمل اي حاجة غير لما بتقولي مش دي تعليماتك
حسام امممم طيب يله بينا
سوسن راحت علي مديريه الصحة في شرم الشيخ والمستشيفات الكبيرة الموجودة واتفقت معاهم علي شغل خاص بالتوريد كمان اتفقت مع السواق انه يفرجها معالم البلد في الفترة من بعد الظهر واتغدت واخدت صور للذكري وكلمت عمر واخواتها فيديو ورجعت الفندق بالليل بعد الساعة 10 مساءا وهيا داخله اوضتها كلمت سحر وقالت
سوسن انت فين انا بكلمك من بدري
سحر موبايلي مش عارفة ماله مسقط شبكة من الصبح
سوسن طيب انا بعت ليكي شويه اوراق خلصيها وتكون عندي بكرة الصبح واتس او ماسنجر
سحر باستغراب ورق ايه انت مش بتغيري جو
سوسن ما انت عارفة اني وش شقا طلعت علي المستشيفات وعملت شغل يجنن واتفقت معاهم علي توريد مستلزمات لمستشفايتهم بالمناسبة ابعتي ليا عينات لشويه اصناف بعت لك اسماؤهم واتس بالبريد المستعجل بكرة علشان عايزين يفحصوها
سحر يا سوسن فين المكسب في محافظة بعيده زي دي كفايا فلوس النقل
سوسن بضحكة اولا فلوس النقل خليتها عليهم في نص العقد ثانيا المحافظة دي بعيده صحيح بس هتاخد مننا كميات كتيرة جدا هنطلع بيها بمكسب حلو ثالثا انت عارفة ان الشركات اللي زينا كترت قوي في القاهرة وكل شارع تلاقي فيه شركة واتنين فكنت بفتح سوق جديدة لشركتنا
سحر ومين بس اللي هيسافر كل فترة شرم
سوسن متقلقيش هتتظبط ان شاء الله يله انا بلف من الصبح وھموت واستحمي سلام
سحر سلام
يدوب سوسن قفلت مع سحر لفت لقت حسام واقف وراها علي مسافة مترين منها وحاطط ايده في جيبه وبيمثل ان عيونه كلها ڠضب وشرار وفي نفس الوقت انبهارة من طريقة تفيكرها وازاي بتدير شغلها بيذيد
اما سوسن من اخر موقف حصل بينهم في القاهرة ونظرتها ليه اتغيرت من ماسك لبسه بيداري بيه ضعفه وحزنه الي انسان نذل ويستاهل اللي جري عليه واصبحت بترد عليه ولا بقي يفرق معاها شكلهم ادام ادام ولا حتي موقف زهرة بس في الحقيقة حسام دلوقتي فعلا لابس ماسك لانه كل حاجة جواه متلخبطة ومش عارف ايه اللي بيحصل ليه وايه التغير اللي جري معاه
سوسن حطت شنطة اللاب بحدز علي ترابيزة صغيره وبصت لحسام هيا كمان وعيونها بتقول ناويه اخلص تاري واكسر عظمك سوسن قلعت جاكت البدله ورمته علي الكرسي وفكت زراير اكمام القميص وتنتها ومستعدة تضربه لو اتصرف اي تصرف مش عجيبها
حسام ماسك نفسه من الضحك بصعوبه هل تتخيل هذه البتاعة علي حد تعبيره ان تتفوق عليه او تضربه ولكن ما الداعي للضحك عليها ما الدعي لخناقاتك المستمرة معاها يا حسام ايه تكونش حبتها ولا استفزتك بمواصفاتها وشخصيتها اللي كنت بتدور عليها ومش لقيها في المصرية
طول عمرك بتحلم بعروسه تكون ذكيه وبتفكر كويس وبتعتمد علي نفسها مش مستنه جوزها يديها المصروف متضربش بعد الجواز جسمها حلو بتلعب رياضة تخلف دسته وتفضل علي حالها مش ټضرب من اول عيل عنيده وبتخبط في الصخر وبتعمل اللي هيا عايزة وتعاندنك وتدلعك حاجة كدا كوكتيل مش دي المواصفات اللي قولتها لفوزية وبعد صافي اټصدمت وقلت خلاص توبة مفيش جواز تاني دلوقتي انت كل يوم بتكتشف في سوسن حاجة من المواصفات دي يا رب ايه اللي بيحصل ليا
وفي اللحظة دي
—
دخلت أماني وقالت مالكم واقفين كدا ليه
حسام وهو لسه مركز مع سوسن في حاجة يا اماني
اماني بتسرع مفيش يا ابيه بس عايزاك في كلمة علي انفراد
حسام يله تعالي
اماني كانت اشترت لحسام هدية وكانت عايزة تفرجه عليها اما سوسن تنفست ببطي عند خروجة وفتحت اللاب وطلبت فاكهة مع نسكافية من البوفيه ثم دخلت الحمام خدت شور وخرجت بالاسدال واستلمت الفاكهة والنسكافية وقعدت تاكل وتشرب وتشتغل علي اللاب تنجز كل شغل اليوم وبعد فترة طويلة تقريبا منتصف الليل وهيا بتشتغل دخل حسام بص عليها وهيا مش مركزة معاه
بعد شويه سوسن حست فيه حد في الاوضه بصت لقيت حسام واقف حاطط ايده في جيبه كالعادة وهيا كانت التفاحة في بقها وقعت منها
حسام قرب منها وقال مش في حد قفل عليا باب الحمام من بره وانا باخد دوش
سوسن بتداري ضحكتها ومين يا تري اللي عمل كدا
حسام اللي عمل كدا ياخد باله من نفسه قوي
سوسن بتداري ضحكتها ليه هتعمل فيه ايه
حسام بيحاول يبان تنك وبارد خليه علي ناره يستوي علي ڼار هاديه وسبها ودخل الحمام
سوسن في سرها يا دي النيله يا تري هتعمل وبتخطط لا ايه يا حسام وانت يا سوسن خدي بالك وركزي سوسن وهيا سرحانه ونظرها مثبت علي باب الحمام حسام خرج من الحمام لابس برمودا للركبه من غير تيشرت وشعرة الطويل المبلول نازل علي عيونه وريحة البرفان تتوهه فيها القلوب سوسن لاول مره تركز معاه وتشوف اد ايه قمر وساحر وفعلا يخطف العين وليهم حق بنات عمها طارق يعكسوه ويتوههوا في جماله
[[system-code:ad:autoads]]حسام قرب منها يا تري ايه اللي عجبك شكلي ولا جسمي ولا ريحة برفاني
سوسن فاقت من سرحانها وقالت ترد ليه قله ذوقه معاها لما قال ليها انت شايفة نفسك ست وقالت انت اصلا مش النوع اللي يعجبني وبصت علي اللاب تكمل شغلها بس في شيء جواها فرحان وسعيد
حسام ههههه دا علي اساس انك ست وفيكي اي حاجة تغري اي راجل
سوسن بهدوء طبعا بس جمالي مش اي حد من عامة الشعب يشوفه
حسام بعد ما عجبه ثقتها في نفسها جمالك فين جمالك دا بصي لنفسك في المرايه يا ماما وبعدين ايه عامة الشعب دي كمان فاكرة نفسك اميرة
سوسن بثقة من غير ما ابص عارفة اني قمر وبعدين انا مش اميرة انا ملكة واللي يشوفني مش اقل من ملك ولو سمحت التزم بحدودك والبس حاجة وانا معاك في الاوضة
حسام مش بقولك شكل جسمي توهك
حسام قال كلمته ودخل نام في السرير وهو بيضحك وفي شيء من جواه مبسوط
اما سوسن قالت في سرها يخربيت ضحتكك وخلصت الشغل ولسه هتدخل الحمام علشان تنام افتكرت انه الصبح هيفتح عليها الدش تاني طلعت البلكونه وحمدت ربنا ان فوزية مكنتش فيها ونامت علي الكرسي لتاني يوم الصبح
حسام قام من النوم الصبح بسرعة ومبسوط ودخل الحمام علشان يفتح الدش عليها بس سوسن مكنتش موجوده لمح خيالها من زجاج البلكونه نايمه علي الكرسي ومش حاسة بالنهار اللي طلع ولا الشمس اللي لسعت وشها قرر يملي زجاجة مياه ويرميها عليها
[[system-code:ad:autoads]]بس في نفس الوقت لمح خيال مجموعة من الشباب في البلكونه اللي قصادهم بيتفرجوا عليها وبيصورها حسام ڼار اشتعلت في صدره ولسه هيفتح باب البلكونه علشان يشوف مين الشباب اللي ضيقوا الاسد علي الصبح لقي موبايها بيرن فاستخبي قبل ما تشوفه وقال هتصحي ترد بس الموبايل فصل ورن تاني لحد ما فصل ورن تاني لحد ما صحيت من النوم والشباب اول ما شافوها بتتحرك دخلوا علي اوضتهم بسرعة وكانت سحر المتصل
سوسن بنوم ايوه طيب هشوفهم
سحر العينات هتكون عندك بكرة
سوسن ليه مش النهاردة
سحر انت كلمتيتي امبارح بالليل متاخر وكان البريد قافل ويدوبك لسه مسلماهم العينات ودفعت مستعجل كمان
سوسن طيب تمام يله روحي عايزة اكمل نوم سلام
سوسن بعد المكالمة لقت رقبتها وجعتها ومايله ناحية الشمال ومش عارفة تحركها يمين وجسمها كله تعبان من نوم الكرسي دخلت الاوضه وحسام سبقها علي الحمام بس من غير ما تشوفه لقت السرير فاضي رمت نفسها فيه ونامت تاني
حسام خرج من الحمام لقاها نايمه ولقي صوت جواه بيضغط عليه وبيدفعة يغطيها وفعلا نفذ اوامر هذا الصوت ولبس خرج لاخواته في الكافيتريا وكمان علشان يشوف مين الشباب دول
مروان وهوبياكل انت مش وعدتنا بيوم كامل في المياه علي باخرة كبيره النهاردة بكرة اخر يوم والمفروض نسافر علي القاهرة
حسام طبعا هنروح خليخ نعمة بس لما ناجل سفرنا يوم مش هيجري حاجة
فوزية ياريت دا الجو هنا حلو قوي بس سوسن اكيد عايزة تروح علشان اختها وعمر
ادم قال في سرة تاني عمر وبعدين بصوت مرتفع قال انا مبسوط هنا خلينا شهر كمان احنا في اجازة يا بابي
حسام مينفعش يا ادم عندي شغل
مروان انا اتكلمت ولا قلت حاجة بس بسال ليه التاخير
حسام كابتن الباخرة تعب فجأه وبيتفقوا مع واحد تاني واجلوا الرحلة من النهاردة لبكرة وكمان بدل ما كنا هنقضي يوم هنقضي يومين كتعويض يعني
