رشا… ماعلينا. المهم
كملت بغل… اسمع ياعاصم انت لو عاوزها فعلا لازم تعمل اللي قولتلك عليه.
كملت بتفكير وقالت…. بص انا اعرف ادخلك الشقة ومحمد مش موجود واعمل فيها اللي انت عاوزه بقا
كملت وهي بتحاول تأثر عليه وقالت… خليك فاكر ان في دماغها حد تاني يعني مش هتعرف تطولها في الحلال
عاصم كلام رشا كان بيغلي في دماغه لكن كان بيحاول ميصدقوش ورد عليها وقال .. انا استحالة اعمل كده في حورية وكل الكلام الاهبل اللي قولتيه ده معداش علي دماغي. لان حورية عمرها ماتعمل كده
رشا اتضايقت لما حست ان كل اللي بتعمله مش هيجيب نتيجة لكن قالت باستهزاء… بكرة تشوف ست الحسن لما تسيبك وتلاقيها بتطلق علشان تتجوز غيرك. اذا كان امجد بقا ولا المحامي اللي اشتغلت معاه. اصلي سامعة انه معجب بيها هو كمان .
وبعد مارشا نزلت فضل واقف وكلامها بيدور في دماغه وافكار كتير بتدور في راسه ومية سؤال وسؤال
مسح علي وشه وهو مش قادر يصدق كده في حورية لانه عارفها كويس وواثق فيها . نفض الافكار دي من دماغه وهو بيقنع نفسه ان حورية ماتعملش كده وتفكر في حد وهي علي ذمة راجل واتجاهل كل كلام رشا. لكن كان قلقان من انها تتطلق وتكون من نصيب حد غيره. وده اللي مستحيل يقبل بيه
بس بردو كان مبسوط انها هتتطلق. يعني هتبقي حرة وقال في نفسه بإصرار لازم تكون ليا اناا. هعمل المستحيل علشان تبقي معايا. حورية دي بتاعتي ومش من حق حد غيري. لازم اخدها منو واعلم عليه
………………
عند محمد اللي بعد ما وقف قدام شقة معينة وفتحتله ست شيك جدا علطول حضنته وهي بتقول… وحشتني
دخل وكان باين عليه انه مهموم وهي لاحظت ده
كانت واقفة بتبص عليه راحت قالت بسخرية …. للدراجادي بتحبها..
كملت وقالت بحيرة… هو اللي مش فاهماه لو انت بتحبها حقيقي. بتخو،، نها ليه!!
كان سحب سيجارة وبيولعها بعد ماقعد علي الكنبة بصلها شوية وقال…. انا جاي اتبسط.. هتعرفي ولا ارجع
قربت ليه بسرعة وقالت…. طبعا اعرف..
كملت بدلع… وانسيك اسمك لو عاوز
محمد…. وريني
قعدت علي ركبتها قدامه وقالت بغمزة… هتشوف
وابتدت تفتح في زراير قمصيه و
……..
صباحا
كانت حورية بتجهز علشان تنزل شغلها
في الوقت ده محمد فتح باب الشقة ودخل بهدوء
كانت حورية خارجة من اوضتها اتفاجات بيه في وشها
ولانه كان بايت بره طبعا حورية اول ماشافته قالت.. اهلا
وكملت بسخرية…. ياتري السهرة كانت مع مين الليلة
محمد…. يخصك في ايه
بصلها وقال بعد مارفع ايده وبدا يحركها علي خدها… مش منعتي نفسك عني.. لو عليا عايزك. بس انتي اللي مانعاني اقربلك ياحورية
برغم ان حورية عارفه ان ديلو نجس بس كانت فاكرة انه بعد ماتكشف قدامها يمكن يحاول يبطل اللي بيعملو.بس يظهر فعلا زي مابيقولو ديل الكلب عمره مابيتعدل
نزلت ايده بغضب وقالت بقرف….عاوز بعد ماشوفت وسا،، ختك بعيني مع النجـ سة اللي زيك فاكر اني هخليك تلـمسـني تاني
محمد…. انا قولتلك مستعد ماقربش من واحدة غيرك.. انا مستعد ياحورية. سامحيني وهتشوفي. من النهاردة مش هلمس اي واحدة.. بس ارجعيلي وانسي اللي حصل
كمل بتعب… اديني فرصة اتغير.. انتي اتجوزتيني وانتي عارفة اني كده.. بس مساعدتنيش ياحورية
حورية…. انا عمري ماقصرت معاك في حاجة.. واه كنت عارفة انك بتاع ستات. كنت بقول مع الوقت هيتغير.. بس انت مبتتغيرش. فضلت كتير مستحملة. بنام جنبك وانا عارفة انك كنت بتبقي مع غيري قبلها بساعات… متعرفش الوجع اللي كان بيبقي جوايا كان بيبقي عامل ازاي متعرفش كنت بحس بإيه.. ساعات كنت بقرف من نفسي اني بحبك.. سامحتك كتير وكنت بعدي كتير.. بس توصل تخو، ني مع مرات اخوك.. لا مش هقبلها ومش هقبل بيك تاني. ومش هكمل معاك.
خدت نفس وقالت…. طلقني
محمد… احنا اتفقنا مفيش طلاق
حورية بعصبية…. وانا مش هعيش معاك تاني.. طلقني عشان بقيت بستحقر نفسي اني لسه موجودة معاك بنفس المكان.
مسك ايدها وقال… حورية انا هتغير بجد. صدقيني. انا مقدرش اعيش من غيرك اصلا. اديني فرصة اخيرة
حورية سحبت ايدها منه بجمود وقالت …. انت عمرك ماهتتغير..
اتنهدت وقالت…. طلقني يامحمد قبل ما اخلعك.
محمد… انتي بتقولي ايه
حورية…. هعمل كده بجد لو مطلقتنيش بهدوء
مسك دراعها وقال بغضب شديد …. لو عملتي كده هتبقي جنيتي علي نفسك. وانتي عارفاني
بصت ل دراعها اللي ماسكه بغضب وقالت بيأس… ماهو علشان عارفاك. بقولك عمرك ماهتتغير.
ساب دارعها ومسح علي وشه وهي كملت وقالت…. وحتي لو حصل واتغيرت انا خلاص مش هقدر اعيش معاك تاني. انت واخد خو. نت اخوك. هعيش معاك ازاي.. انا حتي مش لاقية مبرر انك تخو. نه. انت عملت فيه كده لمجرد بتغير منه بس.. انت احقر بني ادم في الدنيا يامحمد
اتنهدت وقالت….لاخر مرة. لو مش عاوز يتقل منك طلقني بهدوء
محمد… مفيش طلاق ياحورية.. وابقي فكري اعملي كده. هيبقي اخر يوم في عمرك
وراح يدخل لكن وقف مكانه لما قالت… انا مش بس هخلعك كمان هبعت لـ أمجد الفيديو
لف وبصلها وقبل مايتكلم قالت….لو مش عاوز ا، فضحك قدام اخوك طلقني.علشان اقسم بالله لو ماطلقتني لانفذ اللي بقولك عليه
محمد …. لو مستغنية عن عمرك اعملي كده لان صدقيني هقـ، تلك
……….
عند عاصم
خرج من اوضته كانو متجمعين والده ووالدته و هنا وكريم اللي كان قاعد مع عمه بيتكلمو في الشغل
عاصم… صباح الخير
كلهم … صباح النور
قرب باس راس هنا وهو بيقولها…. عاملة ايه
هنا بصتله وقالت…. كويسة بس زعلانة منك
عقد حواجبه باستغراب وقال…. زعلانه منى انا
هنا..امم
عاصم… وانا نيلت ايه بقا ياست هنا
هنا بزعل…. عشان مش بتفتكر ان ليك اخت تسأل عليها. انا اصلا مش بشوفك يا عاصم
ابوها ( زكريا ) قال بسخرية… وهتشوفيه ازاي. هو البيه فاضي. دا حتي معندوش وقت يبات في البيت. كتر خيره والله ان جي يبات امبارح معانا
كريم ضحك وقال…. معذور مش فاضي ربنا يعينه
بص لعمه وقال… انت متعرفش ابنك ياعمي بالنسبة للستات ايه. كلهم بيحبو ماشاء الله. والحقيقة هو مش بيقصر معاهم
زكريا…. انت هتقولي
عاصم بصلهم بضيق وقال لكريم… قصر وعدي يومك ياكريم مش ناقصك
وبص لابوه وقاله…. في ايه يا حاج..دانا حتي صاحي بدري نازل المعرض
زكريا.. طب والله كويس انك افتكرت ان وراك شغل
( بهيرة ) والدته…. خلاص ياحاج ملوش لازمة الكلام ده علي الصبح
وبصت ل عاصم…هاجبلك تفطر ياحبيبي
وراحت تقوم
لكن عاصم قال… خليكي ياما. هفطر بره
وخرج
بصت بهيرة ل زكريا بضيق وقالت… عاجبك كده اهو خرج من غير ما يفطر
..
خرج عاصم وبمجرد خرج اتفاجأ بحورية واللي اول ماشافته اتجاهلته وكملت طريقها لانها كانت مستعجلة وغير كده هي دايما بتحاول تتلاشاه لكن هو وقف قدامها وقال… علي فين
حورية…. نعمم!!.. وانت مالك. ابعد كده
وراحت تمشي لكن وقفت مكانها لما قال.. عرفت انك عاوزة تتطلقي من المحروس
كمل وهو بيبصلها بحب وبيقول… امتا بقا علشان ترجعيلي
حورية استغربت هو عرف منين لكن قالت… بس انا مش هتطلق.
عاصم بسخرية… امال عاجبك حياتك معاه وهو كل يوم مع واحدة واخرهم امبارح كان بايت مع واحدة عزيزة عليكي اوي بصراحة
حورية بصتله…مش فاهمه.. تقصد ايه
فتح تليفونه علي صورة معينه ورفعه قدام عينيها وقال.. ايه رايك….. ليلة امبارح كانت من نصيبها
كانت بتبص للصورة بصدمة وبتقول بزهول… بيري
رفع عاصم الفون قدام عنيها وهو بيفرجها صورة معينه وبيقول…. ايه رأيك في صحبتك العزيزة.. اهي ليلة امبارح كانت من نصيبها مع جوزك
كانت حورية بتبص للصورة بصدمة وهي بتحرك شفايفها مش قادرة تنطق… بيري!!!!
كانت بتحاول تستوعب. ازاي!!! دي اعز صاحبة ليها بتعتبرها اختها. كل اسراها معاها
هزت راسها برفض كذا مرة وهي بتحاول تطرد اي فكرة وحشة تصورلها ان صاحبتها الوحيدة تكون بتستغفلها. وان اكيد مش بتخو.. نها مع جوزها
واخيرا نطقت وهي بتقنع نفسها انه مش صح وقالت ….. اكيد في حاجة غلط.. بيري مش ممكن تخو، ني
عاصم بسخرية قال… وجوزك رايحلها الشقة ليه يقرألها الكف مثلا
حورية بجنون وهي مش قادرة تصدق…. اكيد في حاجة غلط اكيييد
عاصم… تمام.
وقلب في تلفونه وجاب ليها صورة تانية بتجمع بين محمد وبيري وهما في العربية مع بعض وقال…. هاا. فسريلي انتي ده ايه
حورية كانت الدموع متحجرة في عيونها وهي حاسة
ب خـ نجر بيدخل في قلبها كانت الصدمة شديدة عليها.. اخر حد تتوقع منو الغدر والخيا،، نة
اتفاجأت بعاصم اللي قرب ليها، حاوط وشها بين كفوفه
وقال…. انا اسف بس كان لازم اعرفك وسا.. ختهم.
كمل وقال بحب ظاهر في عيونه ونبرة صوته… حورية. انا بحبك.. مش هسيبك ابدا.. انا بعشقك صدقيني
في اللحظة دي كانت بتبص عليهم رشا اللي كانت واقفة في بلكونتها وبمجرد ما شافت قرب عاصم من حورية بالطريقة دي ابتسمت بخبث ورفعت تليفونها بسرعة وصورتهم
حورية كانت تايهة ، ولما استوعبت قرب عاصم بعدت عنه بسرعه وقالت بغضب….. ممكن تسيبني في حالي بقااا. ممكن
ولفت علطول ودخلت البيت تاني بعد ماكانت رايحة شغلها
مقدرتش دخلت وهي تايهة ودموعها في عيونها مكانتش قادرة تتمالك نفسها من الصدمة اللي كانت ملجماها
و طلعت علي شقتها علطول
شافتها قدرية اللي بصتلها باستغراب ولحالتها اللي كان واضح جدا عليها انها مش طبيعيه بس متكلمتش وبقت تشرب القهوة بتاعتها بلامبالاة
….
عاصم بعد ماكان بيبص علي اثرها بحزن مسح علي وشه واتحرك ناحية عربيته ركبها وطلع بيها علي المعرض بتاعه
وهو دماغه مشغوله بيها
اما رشا دخلت من البلكونة وهي بتبتسم بشر وبتقول… مش هسيبك ياحورية غير لما اوقعك
…..
عند كريم اللي كان في بيت عمه وبعد ما خلص كلام مع عمه في الشغل قام وقال… يلا يا هنا
هنا اللي كانت قاعدة في حضن ابوها وقبل ماتقوم رد عليه عمه وقالو… في ايه ياااض ماتسيبها. انت مش رايح المعرض
كريم…. جري ايه ياعمي دي مررراتي. ناسي انك مجوزهالي بنفسك ولا ايه
زكريا بغيظ…. كانت غلطة وندمان عليها يوم ماسلمتهالك بإيدي يابن الكلب
بهيرة ضحكت عليهم وبصت لكريم وقالت…. طب سيبها معانا ولما ترجع ابقي تعالي خدها ياكريم.
لكن كريم قال…. مراتي تستناني في بيتي لحد ما ارجع. قومي يابت
قامت هنا وهي بتقول بهدوء… حاضر
اما زكريا برغم انه كان متغاظ من كريم لان هنا دلوعته الوحيدة واخر العنقود وكان صعب عليه يجوزها اساسا علشان متبعدش عنه الا انه بص ل كريم بإعجاب وقال….
ماشي يابن اخويا ولو اني صعب عليا تاخد البت من حضني بس ماشي
كريم بضيق…. مش كفاية بسيبهالك تحضنها
زكريا بغضب …. وهو انت يابن الكلب عاوز تمنعها عن حضن ابوها
هنا ميلت بسرعة باست ايد ابوها وقالت… بيهزر معاك يابابا. بيهزر ما انت عارف كريم
………
عند حورية اللي اول مادخلت شقتها اتحركت لاوضة نومها وقفت علي باب الاوضة تبص علي محمد اللي نايم كانت بتبص عليه بغل وكره شديد.. وقهـ ر… والم… ودموع.. وهي بتقولو في نفسها… ليييه ليه عملتلك ايه تعمل فيا كده. عملتلك ايه
وهي حاسه بوجع شديد في قلبها
لفت وشها ودخلت اوضة تانية قعدت علي الارض وبقت تبكي بقهر وصوت مكتوم وهي حاسة بصعوبة في التنفس من وجع قلبها
فضلت كتير بتبكي علي حالها و شريط قدامها بيعدي فيه كل شخص من اللي حواليها اللي خدعها واللي خا، نها واللي خزلها
غمضت عنيها وفضلت تبكي بقهرة
……….
اما عند بيري اللي كانت علي سريرها قاعدة سانده ضهرها علي السرير كانت مغمضة عيونها وبتقول بندم…. سامحيني. سامحيني ياحورية. غصب عني صدقيني
ودموعها بقت تنزل بندم
فتحت عيونها وهي بتمسح دموعها،، مدت ايدها تفتح درج الكومود اللي جمبها وخرجت منه دواء و اخدت منه كذا حباية مع بعض
………
