قدري …اني رايح مشوار اكده وراجع ….
ثم توجه ل خالد بالكلام
خالد فكها وخليها تروح دلوقت
ثم نظر لها وقال بصرامه …. عارفة لو كنتي بتكدبي هعمل فيكي اييه
سعديه ب زعر …..عارفة ي بييه عارفة
تركهم وذهب لقسم الشرطة عند اسر
بعد تبادل السلامات حكي قدري عل ما علمه من الدايه
اسر …ماتقلقش ي قدري بييه انا هعمل اجرأتي وهكون هناك اول ما يطلع اذن النيابه
ودا هياخد وقت
لا باذن الله عل بكره الصبح يكون طلع
قدري بامتنان …متشكر متشكر ي اسر بييه
وتركه وذهب ……
🌷🌷🌷🌷🌷🌷🌷🌷🌷🌷🌷
كانت علياء تجهز حقيبتها
وتضع بها اشياءها
عسران …خلصتي ي بنتي
علياء ..قربت ي عمي اخلص….
عسران …طيارتك هتقوم الفجر…..
علياء …ايوة ي عمي باذن الله ….
عسران …مش عوزة تغيري رايك ي بتي..
علياء والدموع تتأرجح بعينيها ….
لا ي عمي مفيهاش رجوع ..
ولو قدري جه وسال عنك
هنا نزلت دموع علياء فقالت بصوت باكي …
قدري خلاص عايش حياته مع صابرين مش هيفكر فيا
حتي تمسكه بيا واني لحد الوقت لسه عل ذمته فدااا عند مش اكتر مش حب .
قدري لو بيحبني كان سامح اخويا عشان خطري مكنش هان عليه بعادي كداا…..
واجهشت في البكاء ….
عسران …اهدي ي بتي وبطلي بكااا
وهو انا كنت بكلمك عشان تبكي
مسحت علياء دموعها وقالت عمي ممكن توعدني بحاجة
عسران …اوعدك بايه ي بنتي
علياء…هتحلف عل كتاب الله ان قدري ما يعرف مكاني ولا حتي رقمي….. بقلمي نيفين بكر
ليه ي بنتي يمكن في حاجات تتغير فيما بعد
علياء …لا ي عمي مفيش حاجة هتتغير ابدا قدري عاش حياته وانا مش فارقه معاه دا ما بيسالش حتي عليا من وقت ما سبتهم
عسران …مهو ي بتي بعتلك مع الحجة مصروفاتك
لتتسرع علياء بالكلام وتقول …..انا مش عوزة فلوس انا عوزاه هو ….
ثم سكتت عندما تفوهت بهذه الكلمه….
عسران حاضر ي بتي اوعدك مفيش مخلوق هيعرف طريقك ولا نمرتك الا برضاكي …..
علياء ..تسلم ي عمي ربنا ما يحرمني منك ابدا
عسران وهو يربط عل كتفيها ….
ولا منكم ي ولاد الغالي ….
ثم تركها وذهب …
اما هي فجلست تبكي وهي تحتضن صورته
وبعد فتره وضعتها بحقيبتها ودعت ربها بان ييسر لها امرها…..
عند منتصف الليل كانت علياء تهبط من علي الدرج
فقبلتها وودعتها هنيه وابنه عمها نواره
وذهبت مع عمها عسران منطلقين للمطار
كانت تنتظرها علي باب المطار اسر وندي صديقتها التي لم تكف عن البكاء منذ مجيئها
علياء ببكاء ..عشان خاطري ي ندي بطلي بكا ما تقلقنيش عليكي انا كان نفسي تيجي معايا …
ندي …ياريت كان ينفع ي عليا اسر وتيته وخالو مش هيوافقوا …
علياء خلاص ي ستي اول اجازه هبعتلك تيجيلي
والله هكلمك كل يوم واتس ومش هنسيب بعض ابدااا
انا لازم ابعد قدري لو رحت فين هيجيبني وانا مش عوزة ارجع تاني لوجع القلب وقله الكرامة….
ندي ..خلاص ي حبيبتي ماتبكيش وانا كمان مش هبكي
علياء ..ممكن ي اسر بيه اخد منك وعد ان قدري ما يعرفش طريقي …
اسر ..حاضر اوعدك بس اللي انا شايفه ان بعادك ظلم ليه وليكي قدري بييه بيحبك وانتي كمان
علياء …البعاد افضل حل ليا وليه …
اسر .. خلاص اللي تشوفيه ي مدام علياء اوعدك محدش هيعرف مكانك الا برضاكي ..
علياء …متشكرة جدا عوزاك تاخد بالك من ندي
اسر وهو ينظر ل ندي بنظرة عشق …ندي دي في عنيا
علياء ..ربنا يخليكم لبعض …
عسران …يلا ي بتي عشان قربوا يندهوا علي الركاب
علياء….حاضر ي عمي واحتضنها وربط عل ظهرها وهو يقول
في رعايه الله ي بتي واطمني اي حاجة هتحتاجوها
هبعتهالكووو
عليا ..مااتحرمش منك ي عمي ربنا يخليك لينا يا رب
عسران ……اني مش بعطف عليكم ده من خيركم ي بتي
تركته واحتضنت ندي والتي كانت تبكي
مع السلامة ي حبيبتي اشوف وشك بخير
ندي ..في حفظ الله ي علياء ربنا يطمنا عليكي
وسلمت عل اسر وذهبت وهي
تبكي حتي صعدت عل الطائرة
وما هي الا ساعات قليله الا وكانت الطائرة تهبط بها في مطار اسطنبول الدولي ……
كان عبد الرحمن ينتظرها فاخيرا سوف يجتمع مع روحه تؤمه حبيبته صديقته اخته ونور عينه
علياء كانت لا تقل لهفه عنه كانت تهرول في تلك الطرقه الطويله واخير وقعت عينها عليه
علياء …عبد الرحمن وهي تجري عليه
عبد الرحمن علياء حبيبتي
احتضنها وظلت مده بين اضلعه وهي تبكي
وحشتني وحشتني ي حبيبي انت بخير
بخير ي قلب اخوكي طول ماانتي بخير
الحمد لله يارب ما تفرقنا تاني يارب
يارب ي حبيبتي يلا تعالي
وحمل الحقائب وغادر المطار لمقر سكنه
بعد مده وصلوا امام البنايه
دخلوا الشقه
علياء ..تعالي احكيلي عامل ايه وعايش هنا ازاي
عبد الرحمن مكنتش بخير قبل ما اشوفك قلبي ماكانش مطمن عليكي ابدا…
علياء …حصلت حاجات كتير هحكيلك عنها بس قبل دا كله عوزة اعرف منك
ليه اخدت طبنجة قدري ووصلات الامانه وليه حاولت تق..تل حسن
عبد الرحمن مستفهما …حسن مين اللي حاولت اق..تله انتي تقصدي اييه ؟؟
علياء….لما انت ما تعرفش حسن ليه سرقت الطبنجة من دولاب قدري والوصلات ليه عملت داا كله؟؟
عبد الرحمن متنهدا ..انا هحكيلك علي كل حاجة
حكي لها عن كلام مرعي ورسميه له كيف كانت تعيسه مع قدري والعذاب التي كانت تغيشه كما وصفه مرعي ورسميه
علياء ببكاء …يعني كل داا بسبب عمك مرعي ومراته
انت ما فكرتش انهم ممكن بيكدبوا عليك ….
عبد الرحمن ..بيكدبوا ازاي ي بنتي ماانا جبتلك وشوفتك وانتي متكسره….
علياء ..انا فعلا كنت متكسرة بس داا كان بسبب حادثه فعلا انا ما كدبتش عليك ….
عبد الرحمن …تقصدي ان عمك مرعي هو اللي كدب .
طب مصلحته اييه ولييه يعمل كدااا ؟؟؟
علياء ….عشان الارض والفلوس ي سيدي … عمك مرعي اتجنن لما قولت ل قدري ياخد منهم ورثي وورثك ويخلي باله منه …
وحكت علياء كل ما حدث لها وما فعله بها مرعي وكيف كان سيزوجه غصب عنها لولا تدخل منقذها وقدرها
كما حكت علي حب قدري لها وخوفه عليها حتي اجهاض جنينها بقلمي نيفين بكر
عبد الرحمن …ياااه كل دا حصلك بسسبي
لا ي حبيبي بسبب طمع وجشع عمك مرعي
عبد الرحمن …وغبائي انا لازم اصلح كل دااا
علياء …تقصد اييه .
عبد الرحمن ااقصد اني لازم قدري يعرف كل حاجة
علياء باصرار …لاء حتي لو قدري عرف ان كل داااا من كدب عمك مرعي مش هيسامحك
لانك دخلت بيته وسرقته يعني هي هي
انا معنديش استعداد اخسرك فاهم ي عبد الرحمن انت كل اللي باقيلي
عبد الرحمن وهو يحتضنها ويجفف دمعها
طيب اهدي كدا وصلي علي النبي وقومي غيري هدومك خدي شاور كدااا لحد ما احضرلك لقمه
وداا انعاردة بس من بكره نبداء في اكلك اللي بيجيبلي تلبك معوي
قهقهت هي وهي تجفف دموعها… كدا بردوو انا اكلي بيجيب تلبك معوي طيب ……
عبد الرحمن وخو يقبل اعلي راسها …وحشتيني ي لولو ووحشني اكلك
علياء…ربنا ما يحرمنا من بعض ابدا ي حبيبي
وقامت لتاخذ حماما دافئ
🌷🌷🌷🌷🌷🌷🌷🌷🌷🌷🌷🌷
في الصباح ….
وصلت هانم عند بيت الدايه سعديه بعد ما ذهب لها راجي كما امره قدري
طرقت الباب ففتحت هي ..
الدايه ..اهلا بيكي ي ام هاشم اتفضلي
هانم وهي تدفعها للداخل
انتي اتهبلتي ي مرة وجايه تهدديني
الدايه …اني ما بهددكيش اني محتاجة فلوس لعلاج ولدي ..
هانم…مش لسه عملينلك عمليه لولدك ودفعينلك 10تلااف اجنيه .
يبقي فلوس ايه اللي عوزاها تاني
الدايه ..فلوس للعلاج ومحتجاهم ضروري
هانم .. اني مش هدفعلك ولا جنيه
الدايه …يبقي اني هروح لقدري بييه وهقوله انك اخدتي مني ب شام علي اساس تديه لمرت الغفير بس انتي ادتيه لمرته وخلتيها تسقط …
هانم …قوليلوه و اني هقوله انك انتي شريكة معايا …
الدايه .. شريكة معاكي كيف ده واني لا اعرف مرته ولا كنت اعرف انك وخداه عشان تسقطيها
هانم وهي تهجم علي رقبه الدايه تخنقها
قالت بشر ….اكتمي حسك ي مرة ي سو انتي لاقطع خبرك
ولو سمعت حسك ولا نطقتي بكلمه هدفنك مطرحك
صرخت الدايه …الحقوني يا هووو الحقوني ي خلق
هانم وهي تضغط اكثر عل رقبتها اني هطلع روحك بيدي
في هذه اللحظه كان قدري واسر وبعض رجال الشرطة
يخلصون الدايه من يد هانم ..
الدايه وهي تسعل ..شوفت ي قدري بييه ما طلعتش كدابه اها وهي اعترفت علي نفسيها
قدري وهو يهجم عل هانم يخنقها …اني هقطع خبرك انتي اللي سقطتي مرتي ..
هانم بزعر…لاه لاه دي كدابه كدابه ماتصدقهاش ي قدري ي ولدي ….
اسر وهو يخلصها من يده ….قدري بيه كداا ما ينفعش
سيبها والقانون هيجيبلك حقك
قانون اييه اني هق..تلها ا واشرب من دمها
هانم بصراخ وهي تختنق ……. احب عل يدك ي قدري ي ولدي احب علي يدك سيبني هموت …
قدري ….بشر موووتي زي ما موتييه وحرقتي قلبها وقلبي …….
اسر …انت كداا هتضيع نفسك ابعد عنها
باعدها عنه بصعوبه ثم امر رجال الشرطة باخذها
الدايه …انا براءة كداا ي بييه .
اسر …لا لازم تيجي معانا هناخد اقوالك .
الدايه ..لييه ي بييه ماهو انت سمعتها وهي بتعترف
اسر ..اجراءات بس وهتروحي علي طول
اسر …يلا بينا ي قدري بييه …
ذهب قدري مع اسر والقوة الي مغفر الشرطة
وهناك كانت تصرخ بهستريا …اني ماعملتش حاجة خرجوني من اهنه اني جوز بتي قدري المنشاوي سيد البلد دي كلاتها
خرجوني من هنا ….
في مكتب اسر كان معه قدري
هتعملوا معاها ايه بقلمي نيفين بكر
ماتقلقش ي قدري بييه القضيه مش بسيطة بس حضرتك تجيبلي التقرير الطبي وكمان تعمل محضر انك بتتهم المدعوه هانم بانها قامت باجهاض المدام
اعمل الصح ي اسر بيه وكل اللي هطلبه اني معاك
بس الدايه بتقول ان جابر معاها
احنا هنستدعيه وهناخد اقواله بس ممكن يخروج منها بسهوله لو جاب محامي كبير
قدري ..طب والحل
اسر ..هنشوف لما تتعرض علي النيابه ايه اللي هيحصل
قدري …تمام ي اسر بيه استاذن اني …
قام اسر ومد له يده بالسلام وغادر قدري الي سرايته
…….. …………… ……………. …………
في سرايه المنشاويه
دخل قدري واخبر والدته بما حدث
الحجة فردوس و.هي تبكي ..ليه تعمل اكده احنا عمرنا ما اذيناها في حاجة اني كنت وخداها كانها اختي لييه تعمل اكده
لم تكن تعلم صابرين بما حدث لامها
نزلت عل صوت بكاء الحجة فردوس هي وحنين …
صابر ين …في ايه ي مرت عمي بتبكي ليه
لم ترود عليها كانت تبكي فقط
اما حنين فقالت ..مالك ي اما فيكي اييه
مالها ي خوي الحجة بتبكي ليه كفي الله الشر
قدري …ام هاشم في القسم
صابرين بفزع ..قسم قسم لييه وانت سبتها
قدري بغضب ..امك الي ق..تلت ولدي هي اللي سقطتت عليا
صابرين بتلعثم ..اييه س سقطتت عليا مين قالك اكده
قدري …هي الي اعترفت علي نفسها
بكت حنين وقالت ..ي حبيبتي ي عليا يعني زي ما قالت وسمعت طلع كلامها صح اهو ف الاخر
الحجة وهي تمسح دموعها
رجعها ي ولدي الله يرضي عليك وطيب بخاطرها
قدري وهو يزفر ..هرجعها ي حجة صدقيني وهاخدلها حقها ..
انا رايح اجيبها وارجعها السراي وهعوضها عن كل اللي شافته
صابرين ببكاء. ..وامي امي هتسيبها اكده
قدري بغضب. . هي غلطتت ولازم تاخد جزاءها ولو ان جزاءه عندي هو الموت ….
صابرين ببكاء وهي تنحني علي يده لتقبلها
احب علي يدك ي واد عمي ..عشان خاطري عشان خاطر سامحها وخليهم يطلعوها اني ماليش غيرها دلوقت
قدري …هي علي جنت علي نفسها وبكره هتتعرض عل النيابه
صابرين ..اني مش هسيب امي اكده انا هروح لخالي
جابر يشوفلها حل
وتركتهم وذهبت مسرعه الي بيت خالها جابر
اما عن قدري فقد اتي له الغفير وقال له
ي قدري بييه في واحدة عوزاك ضروري
قدري ..وحده وحده مين انت ما تعرفهاش …
لاه ي بييه دي مغطيه وشها وبتقول عوزاك ضروري وخالد بييه لسه واصل وهو معاها في الاوضه الخلفيه من السرايا
قدري طب روح شوف شغلك انت
واتجه هو للغرفه الخلفيه …..
دخل هو وجد امراه ترتدي نقاب ولا يظهر منها شئ
وخالد بجوارها
قدري ..انتي مين ؟
الفتاه ..اني طلبه منك الامان الاول وبعدين هقولك اني مين وعوزة اييه
قدري . ليكي اللي طلبتيه
كشفت الفتاه عن وجهها فما كانت الا زينب بنت جابر …..
قدري ….زينب بنت جابر
وعوزة الحمايه ليه ومن ايه ي زينب
زينب اني هقولك كل حاجة .
ابويا بعد ما هاشم ماجاش كتب الكتاب
قالي انه هيجوزني كامل بيه صاحبه واني مش عوزة اتجوزة
قدري …مااتوخذنيش دي امور عائليه واني لو ادخلت ممكن تتفهم غلط
زينب مهو اني ما ينفعش اتجوز كامل بيه او غيره
قدري باقتضاب ..ليه ي زينب ما ينفعش تتجوزي
زينب وهي تبتلع ريقها ..لاني لاني متجوزة من هاشم واد عمتي هانم وحامل منه …..
قدري ..اييه ايه اللي بتقوليه ده
زينب …والله ي قدري بيه اني ما بكدب ودي ورقه الجواز
قدري بنفس الاقتضاب …متجوزاه عرفي
زينب ..ايوة ي قدري بيه لان ابوي ماكانش موافق انه يجوزني هاشم .هو اتقدملي كتير وكل مرة ابوي كان بيرفض
خالد متدخلا لاول مرة في الحديث …وليه وافق ال مراه دي
عشان عشان هاشم هدده
قدري …..هدده بايه بقلمي نيفين بكر
قالت بالعثم ……
هاشم هدده لو ماوافقش علي جوازنا هيوريلك فيديوهات
هو كان بيتفق فيها هو مرعي عم عليا مرتك وكامل وو
ومين انطقي قالها بغضب …
وعمتي هانم
بيتفقوا علي ايه وفين الفيديوهات دي
الفديوهات معاي في التلفون ده
اخذ قدري منه الهاتف وشاهد الفيديوهات
التي كانوا يتفقون فيها
كيف خدعوا عبد الرحمن واوهموه بعذاب علياء معه
وكيف كانوا يتفقون كي يوقعون علياء وهم يخدعونها بوقوع عبد الرحمن بالسرقه ومحاوله الق..تل و كيف كانت مرعوبه
وفيديو اخر وهم يتفقون علي اجهاضها وكيف خدعوا الدايه واخذوا منها دواء لاجهاض علياء
وفيديوا اخر يضم مرعي وكامل وجابر وهم يتكلمون في مق..تل والد هاشم وكيف نسبوها ل صدقي والد علياء
وفيديو اخير يتفقون فيه علي التنقيب عن الاثار وكيفيه تهريبها الي الخارج
كل هذا فعلوه به
علياء كذبت لخوفها علي اخيها
عبد الرحمن فعل ما فعل كي ينقذ اخته
هو طلق علياء بسبب افعالهم
زوجته اجهضت جنينها وتعذبت بسببهم
لا لن يتركهم سيقتص منهم ولكن
يجب ان يوقعهم في شر اعمالهم
هم لعبو معه فاليتحملوا ما سيفعله بهم
اخرجه من شروده صوت خالد
خالد ….قدري …هتعمل ايه دلوقت
قدري …هخليهم يتمنوا الموت علي اللي هعملوا فيهم
واللي رفع السما لاندمهم علي اليوم اللي فكروا فيه انهم يأذوها
خالد ..هتبلغ البوليس
قدري ..لاه مش وقته هما هيدخلو السجن هيدخلوه بس اخد حقي وحقها الاول
بس اهم حاجة ..ارجع عليا لبيتها معززة مكرمه
اني غلط في حقها كتير ولازم تاخد حقها من الكل واولهم اني …
خالد ….ربنا يهديلك الحال ي صاحبي
التفت ل زينب وقال …بصي ي بت الناس انتي مرت هاشم اخوي وابن عمي هتعيش معززة مكرمه
ومحدش هيقدر يقربلك لا انتي ولا اللي في بطنك
وان شاء الله نلاقي هاشم وتتجوزوا رسمي
زينب ببكاء ..انا خايفه عليه قوي انا خايفه لا يكونوا اتخلصوا منه لما هدده باللي يعرفه
قدري ..ان شاء الله اطمني لو كان في حاجة كفي الله الشر عفشه كنا عرفنا
زينب ..يارب يكون بخير يارب
قدري…. ان شاء الله ..
ثم اردف …يلا بينا ندخلوا السراي
ذهبت زينب معه وادخلها السراي ونادي علي حنين والحجة
قدري …حجة دي مرت هاشم وحامل في ولده هتعيش معززة مكرمة في غرفته
اللي كان قاعد فيها قبل ما يمشي
الحجة ب صدمة ولكنها لم تبين ..حاضر حاضر ي ولدي اللي تشوفوا
ثم وجه بالكلام ل زينب …اتفضلي ي ست زينب اطلع فوق ريحي …. معاها ي حنين
حنين ..حاضر حاضر ي خوي
صعدت هي وحنين
قدري ..بالاذن اني ي حجة رايح مشوار
الحجة …رايح فين ي ولدي
قدري ..رايح ا رجع مرتي ي حجة ……
🌷🌷🌷🌷🌷🌷🌷🌷🌷🌷🌷🌷🌷🌷
الفصل الثامن والعشرون
من قدري انت
بقلمي نيفين بكر
🌷تعلم ان تقدر ما تملك حتي لا تجبر عل ان تقدر ما كنت تملك … 🌷
ذهب قدري لسرايه العزايزة
القي التحيه
عسران …اهلا ي قدري بيه اتفضل
قدري وهو يتنحنح …يذيد فضلك ي عسران بيه اني كنت جاي عشان اخد عليا وارجعها بيتها ….
عسران …بيتها انهي ي قدري بييه ؟؟
قدري ..السراي هيكون اييه
عسران …بت اخوي مش هترجع المكان اللي اتهانت فيه تاني ….
قدري وهو يتنفض …تقصد ايه ي عسران بيه
عسران ..اللي فهمته ي قدري بييه علياء مش عاوزة ترجع تاني
قدري ..اني عاوز اتكلم معاها وهستسمحها اني فعلا غلط في حقها وجاي عشان اصلح الغلط ده واللي هي عوزاه اني هعمله ….
عسران ضاحكا بسخريه ..للاسف حتي دي هي حرمتك منيها
قدري مستفهما …تقصد اييه
عسران ..علياء مشت من اهنه وودعت كل حاجة وراها
قدري بغضب …مشيت كيف ده وراحت فين
عسران مشيت يعني رحلت من اهنه ودعت عذابها وقله الكرامه
قدري ..كيف تمشي من غير اذني دي مرتي
ولما هي كانت مرتك ليه ما حفظتش عليها ليه ما جبتلهاش حقها ليه ي قدري بييه
قدري صارخا بغضب ….قولت هجيبه اني عرفت كل حاجة وجاي استسمحها وارجعها …
عسران . عرفت متأخر قوي …..للاسف جيت بعد فوات الاوان
مفيش حاجة اسمها بعد فوات الاوان هي فين واني اكلمها
عسران ..ماخبرش
قدري …كيف ده ماخبرش عليا فين ي عسران بييه
عسران …اللي عندي قولته واني مااعرفش مكانها
واللي هي قالته قولتهولك هي مش راجعه إهنه تاني …
قدري صارخا …لاه عليا مرتي وهترجع حتي لو راحت اخر الدنيا سامع ي عسران بييه لو راحت لاخر الدنيا..
وتركه وغادر في غضب ….
تجمع عل صوته في صحن السراي كل من فيها
مرعي ..
اييه في ايه هي الحرب قامت ولا ايه
عسران ..دا قدري بييه اللي كان بيزعق ….
كان اهنه بيعمل اييه وليه الصراخ ده
عسران كان جاي ياخد مرته
مرعي ما تغور وانت باجي عليها في اييه وهي مافيهاش منفعه دي حتي الارض تحت يده
عسران …كل اللي همك الارض والورث مش إكده
احب اطمنك انت ومرتك علياء مشت من إهنه ومهياش راجعة تاني
وخليك في كرهك وغلك لما يخلصوو عليك
مرعي… راحت فين دي والارض والفلوس هنسيبهم في ايد الغريب
عسران ..لاه في ايد جوزها ولو جدع روح خدهم منيه
مرعي ..وهو يتأكل في غيظ
اني خارج عشان مااسمعش كلامك اللي فور الدم ده
عسران …بالسلامة ي خوي …..
🌷🌷🌷🌷🌷🌷🌷🌷🌷🌷🌷🌷
في بيت جابر
ظل حال زاهر وهنا كما هو ليل ونهار شجار هو لا يستمع اليها
اما هي فقد فاض بها منه فهو لا يتعامل الا بالاساءه اليها او بالسب والضرب
هنا ..اني عوزة اروح عند ابوي اقعدلي يومين
زاهر ..لاه مفيش مرواح في اي مكان
هنا …زاهر اني مخنوقه وعوزة اروح اقعد مع امي
زاهر اها عشان تشتكيلها مش اكده
هنا. .لاه ي زاهر اني بس عوزة ابعد شويه بدال مااحنا كل شويه في نقار
زاهر….قلت لاه يعني لاه
هنا ..زاهر اني رايحة حتي لو قولت لاه
هدر زاهر بغضب…يعني هتكسري كلمتي
هنا بتحدي ..ايوة هكسرها ي زاهر بدال انت ماعندكش الا الضرب والحبسه ايوه هكسرها
نزل بصفعها عل وجهها بقوة فارتمت ارضا …
هنا وهي تبكي ..مهو داا اللي انت فالح فيه عشان ما تحسش بعجزك
طلقتي ي زاهر اني تعبت من العيشة معاك
زاهر ..اخرسي بدل ماادفنك مكانك ي بنت الكلب
ومش هطلقك وحسك ده لو اتفتح ماتلوميش الا نفسك
سااااامعه
هنا بصراخ …لاه مش سامعه ي زاهر واني هقول لاهلك ولاهلي يشوفوا معاك حل عشان العيشه دي ماترضيش ربنا
زاهر وهو يهجم عليها .. هتقوليلهم اييه .هتقوليلهم اني عاجز واني مش راجل اني راجل غصب عنك وعن اهلك
كان يقول كلامه هذا وهو يضغط علي عنقها
كانت تقاومه وتحاول ان تتملص منه لكنه تمكن منها
ظل يهدر بالالفاظ والسباب وهو علي حالته…
لم يفق لنفسه الا وهي تكف عن مقاومته وقد ارتخي جسدها كله …..بقلمي نيفين بكر
نظر لها وجدها قد تحول لونها للون الازرق ولا تتحرق
انزلها اارضآ وجلس بجوارها …
زاهر بيد مرتعشه وهو يخبطها عل وجهها …
هنا هنا قومي ما تمثليش علي هناااا
وضع يده الاثنين علي راسه وظل يلطم بها
يانهار اسود هعمل اييه في المصيبه دي
حملها من علي الارض ووضعها علي الفراش
ونزل لوالده مسرعا …..
جابر الذي لم يعلم بهروب ابنته زينب بعد ….
زاهر ..الحقني ي بوي …
جابر ..في ايه مال وشك مخطوف اكده
اني اني …
جابر . انت اييه انطق ….
زاهر كنت شديت مع هنا في الكلام بس مكانش قصدي
والله ما كان قصدي يا بوي …….
جابر بقلق ..قصدك ايه ما تنطق
زاهر بتلجلج …هنا ي بوي هنا ماتت
انتفض جابر من مكانه بفزع ..اييه ماتت ماتت كيف
زاهر …اني كنت بتخانق معاها وو
جابر….وايه انطق ….
زاهر …ماكانش قاصدي ي بوي اني كنت متعصب وهي غلتطت فيا وطولت لسانها علي …
هي فين
فوق في اوضتها
تعالي معاي
صعد لغرفته وجدها عل الفراش ااقترب منها وتحسس نبضها
جابر عندما وجدها قد فارقت الحياه
اعمل ايه ي ربي في المصيبه اللي انت عملتها دي
ابوها لو عرف هيقلب الدنيا وهتروح في داهيه
زاهر …هربني ي بوي واني هسافر برة البلد
جابر ….والمصيبه دي هنعملوا فيها اييه ….
زاهر …نرموها في اي حته ونقولوا انها خرجت ومانعرفش راحت فين
جابر …لا اقفل الباب عليها كويس وتعالي ننزلوا المكتب. …
نزل بعد ما نفذ كلام والده ….
اني رايح ل كامل بييه وهنشوف معاه حل ما تقلقش كامل بيه دماغه توزن بلد
حاضر ي بوي
جابر ..انت تقفل بالمفتاح عليها عشان محدش يكتشف حاجة وتعالي معاي
حاضر ي بوي ونفذ ما قاله له والده وذهب ل فيلا كامل الحديدي
الذي ما ان حكي له عما فعله ولده
كامل .اييه .ق..تلها انت بتستعبط ي جابر ….
جابر ..هو مكانش قصده هو كان بيتعارك وياها وجت إكده
انا جايلك تنجدنا مرعي لو عرف هيطربقها فوق دمغتنا
داا غبي ودي بته الوحيده
كامل …اهدي بس وخليني اعرف افكر
حاضر ي كامل بييه حاضر
بعد مده من التفكير ..
كامل بشر هامس ….اللي هقولك عليه تعمله فورا …
ابنك هيروح ويغيرلها هدومها وهيلبسها قميص عريان …
جابر .ليه ليه ي كامل بييه
اسمع الكلام من غير اي سؤال وتعمله في الحال ..سااااامع
جابر .. حاضر حاضر ي كامل بييه
ثم تابع كامل . لجابر .انت هتدي فلوس لواحد من الغفر وتوجه بالكلام ل زاهر وقال ….هتقول انه كان معاها فوق وانت لما لقيتها في وضع مخل
الدم هرب منك وماعرفتش بتعمل اييه ق..تلتها ….
انت مش هتاخد فيها حاجة وابوها كمان مش هيعرف يفتح بوقه معاك …بقلمي نيفين بكر
زاهر ..بس ي ي كامل بيبه
ليهدر جابر بغضب … اسمع كلام كامل بييه ولا انت عندك استعداد تتعدم …
وضع زاهر يده فوق عنقه وهو يقول …لاه ي بوي اعدام لاه
جابر بصرامة ..يبقي تنفذ دلوقت في الحال …
واني هشوف حد زي ما قال كامل بييه وهنتصل بعدها بالحكومة
زاهر ..الي تشوفوا ي بوي اهم حاجة اني مااتعدمش …..
🌷🌷🌷🌷🌷🌷🌷🌷🌷🌷🌷🌷🌷🌷
ذهبت صابرين لبيت خالها جابر فلم تجده فتوجهت لقسم الشرطة وطلبت من اسر بان يسمح لها برؤيه والدتها
صابرين …اكده ي اما عجبك اللي انتي فيه دلوقت
هانم ..واني كنت بعمل كل ده لييه مش عشانك
انتي واخوكي
صابرين ببكاء ..عشاني احب ااقولك اني اطلقت من قدري
واخوي اللي كنتي بتعملي عشانه مش لقينه
عجبك إكده ضيعتي حالك وضيعتيني معاكي
لتصرخ هانم ..اييه طلقك كيف دااا وامتي طلقك اني لازم اخليه يرجع تاني انتي لازم تبقي ست الدار والبلد كلها
واني كلمتي لازم تتسمع زي الحجة فردوس بالظبط
صابرين ببكاء ..احلمي احلمي ي اما واديكي صحيتي عل كابوس اني مطلقه وهاشم ضايع وانتي اترميتي في السجن
لتصرخ هانم بهستريا …لاه لاه مش كابوس اني ما بحلمش
كل حاجة هتتصلح قولي بس ل قدري يخرجني من اهنه
وكل حاجة هتتصلح
صابرين ..اهدي ي اما اهدي
لاه مش ههداي انتي تعملي اللي بقولك عليه .
وروحي لخالك وقوليلوا يطلعني من اهنه والا هقول علي كل حاجة ….
صابرين …حاجة اييه
لتهدر هانم ..اعملي اللي قولتلك عليه يلا بسرعة
صابرين ..اني لسه جايه من عند خالي وهو ماكنش في بيته
هانم ..روحيله تاني وتالت وعاشر لازما يخرجني من إهنه
صابرين .حاضر ي اما هروحله تاني …..
🌷🌷🌷🌷🌷🌷🌷🌷🌷🌷🌷
رجع قدري علي السرايا واتصل علي خالد كي يخبره بسفره الي القاهرة فاتي له عل الفور ….
فهو متوقع بانها رجعت لدارها هناك حيث كانت تسكن هي واخيها
خالد …في حاجة انت ناسيها
قدري …حاجت اييه دي
خالد ..لو كانت سافرت يبقي حولت ورقها لاي جامعه
قدري ..واحنا هنعرفوها ازاي دي
خالد ماتقلقش ..انا ليا اتصالاتي
قدري …طيب اتصل حالا
اتصل خالد ب عميد الكليه الذي اخبره بانها قد سحبت اوراقها بقلمي نيفين بكر
اذا عمها صادق وهي غادرت
اغلق خالد الهاتف ووجه الكلام ل قدري
هي فعلا سحبت ورقها من الجامعه هنا
قدري ..ما تعرفش حولته فين
خالد …لاء
قدري اني نازل القاهرة وهبيت هناك عشان اروح الجامعه واسال لو كانت نقلته هناك
خالد …طب لو هي مش بالقاهرة هتعمل اييه
هسافر اسكندريه ولو ماكنش هناك هسافر المنصوره
هسافر اخر الدنيا ي خالد عشان الاقيها واراضيها وارجعها
خالد مستفهما حالته …اهدي ي قدري اهدي ي صاحبي
قدري …خايف مالقيهاش وتضيع مني
خالد…. لا ان شاء الله وحد الله كدااا و استبشر خير
قدري…. لا اله الا الله
رجعت صابرين بعد ان غادر فذهبت الي بيت خالها جابر
🌷🌷🌷🌷🌷🌷🌷🌷🌷🌷🌷🌷
في بيت جابر كانت عربات الشرطة والاسعاف
تقف امام الدار
وبعض النسوه التي تلتحي بالسواد والكثير من الرجال
اسر ل جابر …احنا هناخده معانا عشان هيتعرض عل النيابه
جابر ..بس داا كان بيدافع عن شرفه ي اسر بييه وهو اللي مسلم نفسه ي اسر بييه
اسر ..لازم يجي معانا وتمشي الاجراءت
قطع كلامه دخول مرعي كالاعصار هو ورسميه وعسران وهنيه وفواز وزوجته صباح
مرعي …بتي حصل ايه فيها ي جابر
الحكومة بلغتنا اننا نيجي عل اهنه
جابر وهو يربط عل كتفه …اهدي ي مرعي ي خويا انت مؤمن وموحد الله
رسميه عندما سمعت كلماته بصراااخ …بتي هنا فيها اييه
واييه الاسعاف ده والحكومة لييه
جابر ..البقاء لله ي ام هنا
صرخت هي وكلا من معها
عاوزة اشوفها بتي وديني عند بتي ي مرعي
اسر …ممنوع ي هانم لما الطب الشرعي يجووو
مرعي طب شرعي لييه هو حصل ايه ؟؟
اسر ….تعالي معايا ي مرعي بيه انت وجابر
وكان تحفظ من قبل علي زاهر الذين اخذوه
مرعي …اجي معاك عل فين وايه اللي حصل
ثم قال بصراح …حد يقهمنا في اييه ؟؟؟
جابر ..مش هينفع إهنه ي مرعي كفيانا فضايح
عسران والذي كان مصدوم …فضايح اييه ي جابر
اني عوزك تفهمنا اييه اللي حصل والا الدنيا هتجلب حريقه وماهتعرفوش تتطفوها ….
جابر ….بتكم خاطيه وولدي ردلكم شرفكم
عسران وهو يهجم علي جابر …قطع لسانك اكتم حسك لهجيب خبرك
رسميه …بتي ااااه ي بتي اااه ي حرقه قلبي عليكي ي حبيبتي
مرعي وهو يبكي …اني عاوز اعرف الحقيقة ي حضرة الظابط
وايه الكلام اللي جابر بيقوله ده
