رواية بقلم نيفين بكر الجزء الرابع

وصل خالد امام السرايا بانتظار حنين
اتت عليه حنين وهي تبكي
خالد …جبتي الحاجة
حنين من وسط شهقاتها …ايوة اهي معاي
طيب تعالي …اخذ منها الحقيبه ووضعها بالخلف
وفتح لها الباب الامامي
ركبت هي بخجل فالاول مرة تكون قريبه منه هكذا
انطلق هو بالسيارة ….
في الطريق كانت تبكي
اعتصر قلب خالد عليها ….
خالد….كفايه ي حنين عليا عوزاكي تقفي جمبها مش تزودي اللي هي فيه …
حنين ببكاء ..عليا وقدري شافوا كتير اوووي
هما الاتنين صعبانين عليا …
وختمت بحرق قلبهم عل ضناهم ….
ثم رفعت عيناها التي احمرت من كثرة البكاء وقالت
انت ما تعرفش الطفل ده كان اييه بالنسبه لعلياء
دا هو سبب رجوعها لقدري ..
وهما مش ناقصين فراق ولا وجع قلب….
اوقف السيارة…
ما تقلقيش قدري بيحب عليا يعني بالطفل دااا او من غيره كان هيرجعها
ثم تابع ….وانتي بالبكا داا هتعرفي تقفي معاهم
قدري قوي وهتعدي المحنه دي عليه
حنين…مهما كان اخوي قوي بس وجع القلب اللي هو فيه يهد جبال
اقترب منها خالد ومد يده ومسح عنها دموعها بانامله
طيب ممكن ما تبكيش عشان انا ما بستحملش دموعك دي
رفعت هي عينيها لعينيه ثم نزلت بها عل موضع انامله وهي عل وجنتيها …
تنحنح وسحب يده وقال اتفقنا
حنين …هاااا
بقولك اتفقنا هتبطلي بكي
هزت حنين راسها وادار السياره حتي المشفي
…………..
بعد دقائق وصلوا
دخلت هي تهرول وتسال عل غرفه علياء
اما هو لحقها واوقفها
انتي جايه مع عيل صغير
حنين لاه ليه بتقول إكده
خالد بعصبيه ….مش المفروض تستنيني
حنين ..انا اسفه مااقصدش اضايقك
ذهب هو وسال عن غرفه علياء ثم نادي عليها
خالد ..تعالي
ذهبت هي وراءه ووقف امام المصعد
حنين بتوتر …انا هطلع عل السلم
خالد ..لييه
حنين اصل يعني
خالد اييه اللي اصل يعني ..ثم اكمل تقصدي ايه اتكلمي
حنين مااقصدش وهمت بالذهاب الا انه سحبها من يدها
وادخلها المصعد وضغط عل رقم الزر
اثناء صعود المصعد اوقفها وراءه وهو امامها
ولكنه كان يلاحظ توترها ..لم يوجه لها كلمه اثناء الصعود
حتي وصل المصعد فخرجا سويا مشوا في طرقه طويله
حتي وجدوو قدري يقف بالخارج يتكلم مع الطبيبه
جاء عليه
خالد ..البقاء لله ي صاحبي
قدري ..الحمد لله علي كل حال
حنين …ربنا يعوض عليك ي خوي قالتها ببكاء …
قبل هو اعلي راسها وقال لها ادخلي للحجة جوة مع عليا
تابعت الطبيبه ما كانت تقوله …
احنا هنعمل تحليل وهنشوف سبب الاجهاض اييه
واول ما يطلع هجيبه ل حضرتك …
قدري ..باذن الله ي داكتورة….
خالد ..هما شاكين في حاجة
قدري ..الداكتورة بتقول انها شاكها ان الاجهاض ده مش طبيعي ..
خالد ..ازاي
قدري ..هي سالتني ايه اللي حصل
قولتلها عل اللي حكتهولي الحاجة كانت بتشتكي بالم من مغص في بطنها ….
قالت انها اخدت حاجة غلط ….
خالد …ومين اللي هيديها الحاجة دي ….ثم تابع .
انت شاكك انها سقطتت نفسها …
قدري ..لاه طبعا انا عارف ومتاكد الطفل دا ل علياء كان ايه
خالد …اومال
قدري ..هي لسه جايه من عند اعمامها النهاردة
خالد تقصد ان ممكن حد يكون عمالها
قدري وهو يضيق عيناه ويجز علي اسنانه
وحياة وجعها وحرقه قلبي لاحرق قلوبهم لو ثبت انهم اللي عملوها
وما هي دقائق حتي سمع صوت صراخ علياء
التي علمت بامر سقوط حملها ….
هرول هو للغرفه اما خالد فظل بالخارج
علياء .اااااااااااه ابني ابني راح ي ماما ابني راح ي حنين
ابني راح مني زي ماقدري وعبد الرحمن راحوا
وظلت تبكي وتصرخ بهستريا …ابني انا عوزة ابني
حرااااام اللي بيحصلي انا مااذتش حد والله عمري
ليييه يحصلي كداااا ليييييه اااااااااااه
دخل هو واحتضنها وقال …عليااا اهدي انتي تعبانه .
انتي كداا هتتعبي اكتر ….
علياء ..انا عوزة ابني…انا عوزة ابني
ظل محتضنها وهي تبكي وتصرخ حتي خارت قواها
وهي في احضانه …
قدري ..حنين اجري بسرعه نادي للداكتورة
اسرعت حنين للخارج تناديها …..
خالد اول ما راها ..في اييه …..
حنين ببكاء …عليا تعبانه قوي …
نادوا الطبيبه التي اسرعت واعطتها حقنه مهدأة
الطبيبه …هي دلوقت هتنام ومش عوزة اي قلق ليها
قدري انا هكون معاها ي داكتورة
الطبيبه بتفهم اوك بس بلاش تقلقها دا مش كويس عشانها
قدري ..حاضر ي دكتورة ..
خرج ل خالد وطلب منه ان يذهب بامه واخته الي السرايا
الحجة ..لاه ي ولدي مش هسيبها واسيبك
قدري وهو يتصنع القوة ..انتي شوفتي الدكتورة قالت ايه وجودكم مالهوش لازمة وابقوا تعاالوا بكرة
الحجة …بس ي ولدي
قدري ..بحزم …ما بسش ي حجة انتي تعبانه من الفجر هنا …
خالد …هو معاه حق ي حجة اتفضلي لما اروحكم
الحجة فردوس ..اللي تشوفوا ي ولدي
غادروا وتركوه معها ..
وما ان قفل عليه باب الغرفه حتي خارة قواه وارتمي علي المقعد بجوارها وامسك بكفه يدها واطلق العنان لدموعه
يبكي علي طفله علي محبوبته عل وجع قلبه …
(يا حي فوق كل حي وبعد كل حياه💔قادر تصبر جريح الروح علي بلاوه
مش باقي في القلب اااااااه 💔ولا باقي في العين دموع
الموجه بلغت مداها💔وتاه طريق الرجوع)
💞💞💞💞💞💞💞💞💞💞💞💞💞
علمت ندي التي اسرعت للمشفي التي بها علياء وسط بكاءها
واتصلت عل اسر واخبرته
وصلوا هما الاثنان امام المشفي وصعدوا لغرفه علياء
استاذنت ندي فجفف قدري دموعه وفتح الباب فوجدها تبكي…..قدري بييه هي عامله اييه
قدري بصوت يختنق من الحزن .. الحمد لله هي نايمه
ندي ….ممكن ادخلها والله ما هتكلم هطمن عليها بس
قدرة… اتفضلي وتركها وخرج وجد اسر
الذي واساه
البقاء لله شدة وتزول
قدري …لله الامر من قبل ومن بعد
شد حيلك ي قدري بييه ربنا يطمنك عليها
كله علي الله الله يخليك ي اسر بييه
شكرا لمجيتك وتعبك
لا ابدا انا ما عملتش حاجة
بعد دقائق جاءت الطبيبه التي اكدت شكوكها
يعني اييه الكلام ده
يعني هي خدت دواا غلط وداا بان في تحليل ال دم اللي اخدناه
والتحليل ده يبين هي واخده الدوا ده من امتي .
ايوة ي فندم تقريبا من ٦ ساعات قبل الاجهاض
يعني كانت روحت من عند اعمامها …
هي روحت امتي
روحت بعد الضهر
لا ي فندم نتيجة التحليل بتقول ان الدواا داا مفعوله من مده قصيرة جدااا …
كتر خيرك ي دكتورة اني هشوف الحكايه دي
اسر ..تحب تخليها رسمي ي قدري بييه
لا ي اسر بييه لان معني كلامها انها اخدته وهي في السراي
ومفيش حد غريب في السراي وحضرتك فاهم
اسر بتفهم …مفهوم مفهموم
بعد مده خرجت ندي وهي تجفف دموعها
ندي …هي الدكتورة قالت هتروح امتي
لا لسه ماقلتش….
خلاص انا هتصل علي حضرتك بكرة هشوف هتعمل ايه
قدري بأذن الله
واستاذن كلا من اسر وندي ……
اما هو فدخل لها …….
💞💞💞💞💞💞💞💞💞💞💞💞
في شقه هاشم
اتصل علي زينب التي لم تجب عليه للمرة الرابعة
فهي لم تريد الاستمرار فيما هم فيه
دفع هاشم بالهاتف في الحائط الذي نزل عل الارض مهشم
والله لا اوريكي ي زينب ي بنت جابر ….
وذهب لبيت خاله ..
جابر …فينك ي ولدي مش باين
هاشم ..كنت في مصر بقضي مصلحة
جابر ب سخريه مصلحة نوال الرقاصه مش اكده
هاشم بغضب ..في ايه ي خال اني كنت مع صحابي
جابر ..مفيش ي ولدي انا بس بعرفك اني عارف كل حاجة عنيك
هاشم ..واني كمان عارف كل حاجة عنيك
جابر …تقصد اييه .
هاشم ..ماقصديش انا كنت جاي اسلم عليك وكنت عاوز
اخد منك جزء من الفلوس اللي كنت شايلها معاك عشان هبداء في تنفيذ المشروع
جابر …مشروع اييه ده
هاشم ..كنت اشتريت مصنع واقع صاحبه مش عارف يشغله بالمكن بتاعه
وان شاء الله هجدد المكن وابداء تشغيله تاني
جابر ..طيب خير شاركني معاك بقلمي نيفين بكر
هاشم ..لاه مش عاوز شركا انا هشتغل لحالي
جابر ..اللي تشوفوا
هدخل اجيبلك الفلوس واجيلك
هاشم خد راحتك
جاءت الخادمة لتقدم له العصير
فقال ..اومال فين ستك الكبيرة وستك زينب
ستي الكبيرة بتصلي وست زينب في اوضتها
هاشم ..انا عاوز ادخل الحمام هو منين
الخادمة ..اتفضل معاي
دلته عل مكان الحمام وذهبت للمطبخ .
خرج هاشم يلتفت يمين ويسار وسار الي غرفتها وفتحها ودخل
وجدها تجلس عل الفراش ضامه ركبتيها الي صدرها
اول ما فتح الباب انتفضت من مكانها
زينب بخوف …هاشم ..ايه اللي جابك هنا
هاشم مش عارفة اييه اللي جابني انتي ما بتروديش عليا لييه
زينب ..ومش هرود عشان مااضايقكش تاني
هاشم وهو يمسك زراعها …تقصدي اييه
نفضت يده من عليها وقالت …يعني خلاص ي هاشم
ماعدش ينفع ي واد عمتي اللي بنعمله
هاشم…فاجئه اكده
لاه مش فاجئه إكده بس بكفيانه
هاشم وهو يجز علي اسنانه ويقترب منها
اييه في حد في حياتك اياك
لم ترود زينب ولكنها نزلت عل وجهه بصفعه قويه
وهي تقول وهي تبكي اخرص .مفكر كل الناس زيك
انا اللي خلاني اعمل كده اني وثقت فيك قولت واد عمتي واني شرفه ولحمه وعمره ما هيفضحني ولا يضرني
هجم هاشم عل شعرها وقال وهو يجز عل اسنانه
وحياة القلم ده لاشربك المر ي بنت جابر
ودفعها بعيد عنه وهم بفتح الباب ولكنه وقف وقال لها وهي خلفه
مستنكي بكرة الساعة 4ورحمه ابوي لو ما جيتي
لاجيكي اني هنا وكلهم هيعرفوا اللي بينا
وتركها وغادر غرفتها
اما هي فجلست باكيه …..
خرج هو وذهب لخاله
هاشم …هااا جبت الفلوس
ايوة اها جبتها وفكر تاني لو حبيت شريك اني معاك
لا مش محتاج ي خال سلام ……
💞💞💞💞💞💞💞💞💞💞💞
اتصل اسر علي والد ندي كي يحدد معه معاد يزوره فيه
في امر هام
اتي اسر له في المعاد المحدد
واجلسته الخادمة مكان استقبال الضيوف
بعد لحظات نزل كامل له
سلم عليه وقال ..نورتنا ي اسر باشا كنت عاوزني في اييه
اسر ..كامل بيه زي ما حضرتك عاىف انا بشتغل
في الشرطة ورتبتي رائد وان شاء الله عل وشك ترقيه
كامل ..تمام كمل
اسر بعد ان تنحنح انا حابب اتقدم لبنت حضرتك ندي
كامل …وحضرتك بقي تعرفها منين
اسر ..انا شوفتها يوم حفله حضرتك وشوفتها مرة قدام الكليه
كامل ..عال عال وهي بقي ما قلتش ليك انها مخطوبه
اسر ..ايه مخطوبه ازاي
كامل ايوة ابن رجل الاعمال وليد يونس اتقدملها وانا وافقت
اسر ..بس هي مش موافقه
كامل وهو يبتسم بسخريه …وهي اللي قالتلك
اسر ..ايوة
كامل ..يبقي تعرفوا بعض كويس ي حضرة الظابط
ونهض ونادي للخادمة تنادي ندي بعد ثوان نزلت هي
كامل تعالي ي ندي قالها وهو يقترب منها
حضرة الظابط اسر تعرفيه
قالت بخجل ..ايوة ي بابا
تابع هو حضرة الظابط اتقدملك ..ايه رايك
ندي بخجل ..اللي تشوفوا حضرتك …
هز راسه وهو يزم شفتيه تمام واللي انا شايفه
لا طلبك مرفوض ي حضرة الظابط
اسر ..لييه ي كامل بييه ؟؟
كامل بغطرسه ..انت مش شايف هي عايشه في اييه
هتقدر تعيشها في نفس المستوي اللي هي عايشة فيه
ثم تابع… فوق ل نفسك ي حضرة الظابط وشوف انت فين وهي فين
ثم نادي علي احدي الغفر وقال له
وصل حضرة الظابط للبوابه ….
ندي ببكاء ..بابا لييه حضرتك بتعمل كدااا انا انا مش عاوزة اي حاجة …
قال بغضب ..انتي مش عوزة انا عاوز عيله ونسب ومستوي …
اطلعي اوضتك يلاه …
اسر …حضرتك بتبص لمديات وبس، مش مهم عندك سعاده بنتك …
كامل وهو يتجاهل ما قال ….
اتفضل ي حضرة الظابط عشان انا مش فاضي
وقال للغفير وهو ويتوجه لغرفه مكتبه
اعمل زي ما قولتلك …
اما ندي فكانت تبكي وتقول ..مش قولتلك مش هيوافق
اسر …مش هتبقي لغيري ي ندي مش هسمح بكدا ولو علي موتي
وغادر الفيلا
اما ندي فصعدت ل غرفتها وارتمت في احضان امها تبكي
من هذا الاب القاسي ذو القلب الحجر ……
💞💞💞💞💞💞💞💞💞💞💞💞
في صباح اليوم التالي …..
في المشفي في غرفه علياء …
كان هو جالس بجانبها ويمسك بكفه يدها ويستند بجبهته عليها
تململت هي ف مسح عيناه من الدموع
سحبت يدها وقالت ..ماما فين
قدري ..روحت وجايه بكرة
علياء ..انا مش هبات هنا انا عوزة اروح
قدري ..علياء نستني لما نشوف الدكتورة هتقول اييه
علياء باصرار وعند….لاء مش هقعد دقيقه في المستشفي
وهمت بازاحة الكولينا عنها فتالمت …..
قدري بغضب ..انتي بتعملي اييه
علياء..انا هشيلها قولت مش هقعد دقيقة
قدري … اللي بتعمليه غلط عليكي
علياء …مالكش دعوة بيا
قدري بصرامة …..علياااااا
نظرت له وقالت …من فضلك نادي للدكتورة عشان لو هي ماشلتهاش هشتلها انا
قدري مهداء لها طب اهدي وانا هنادي عليها
رن جرس الذي با الغرفه فاتت الممرضه وقال لها بان تاتي بالطبيبه
بعد دقائق كانت الطبيبه في الغرفه
علياء ..انا عوزة امشي الوقت
الطبيبه ..طيب نستني علي الاقل ل بكرة
علياء ..لاء انا همشي النهاردة والوقت
قدري بصوت عالي ..عليااااا لييه العند ده
تجاهلت كلامه وقالت للطبيبه
من فضلك انا عوزة امشي شيلي الكولينا دي
الطبيبة …حاضر بس اهدي
فعلا ازاحتها عنها ووضعت مكانها لازق جروح حتي لا تنزف
اخذت الحقيبه وتوجهت للحمام
قدري ..استني انا هساعدك
علياء ..لاء شكرا هساعد نفسي
ثم تركتهم ودخلت واوصدت الباب
قدري ..كنت طالب منك حاجة ي داكتورة
الطبيبه ..اتفضل
قدري ..بلاش تقولي ل علياء علي التحليل والحبوب
الطبيبه بتفهم ..تمام زي ما تحب
انا هروح اكتبلها عل الادويه ال محتاجها وياريت بلاش اي مجهود من اي نوع لمدة شهر
وان شاء الله تقدروا تمارسوا حياتكم الطبيعيه
وربنا يعوضكم ….
قدري بامتنان ..شكرا لحضرتك تعبينك معانا
الطبيبه ..لا ابدا ووحمدلله عل سلامتها ……
قدري تسلمي….
غادرت الطبيبه الغرفه
أما هو فطرق علي باب الحمام
علياء مش محتاجة مساعدة
لم تستجب له
حاول فتح الباب ولكنه كان موصد من الداخل
طرق الباب …علياا افتحي
لم تستجب ايضا
قدري بعصبيه ..قولت افتحي بدل ما اكسر الباب
عليااااااا
فتحت هي الباب وكان عل وجهها اثر للبكاء
قدري بحزن عليها ….وهو يمد يده ليحتضن وجهها
علياااا
نفضت هي يده عنها وقالت …وهي تحظره بسبابتها
اوعي تفكر في يوم تلمسني انت سامع
قدري …علياااا انتي اتجنيتي
علياا ..لاء انا عقلت ي قدري بييه سكتت ثم تابعت
يلا انا جهزت
سارت امامه في وهن وهمت بفتح الباب
قدري …..استني عندك
التفتت له وقالت افندم
قدري ..بغضب …مش معني اني بقلمي نيفين ساكتلك يبقي عاجبني اللي بتعمليه اني ساكت عشانك تعبانه ومش حمل مناهده
بس مش معني إكده تتجاهليني ولا ما تسمعيش كلامي
علياء …بعند …في اوامر تانيه ي قدري بييه
لاه استني عندك هسندك
علياء وكلها عناد ….
لاء مش عاوزة منك مساعده
هنا قد تفاقم الغضب عند قدري وقد احمر وجهه من الغيظ
وبداء يجز عل اسنانه وقال لها ….
يمين بالله لو ما اتعدلتي ي عليا لا هتنامي هنا الشهر اللي الدكتورة قالت عليه
ساااااااااااااااامعه قالها بصوت جهوري
فانكمشت هي علي نفسها وعلمت لو تكلمت سيفقد اعصابه عليها
قدري بغضب …ما سمعتش ردك
هزت علياء راسها
فعند قدري عليها ما سمعتش ردك قولت ….
علياء بخوف ..ايوة سامعه ….
قدري وهو يزفر …استني هنا هروح اودي الشنطة في العربيه وهجيب الروشته اللي كتبتها الداكتورة واجي اخدك ….
جاءت ترود ولكنها نظرت له وجدته يبرق لها عينه ووجهه عل حالته السابقة من الغضب
فهزت راسها بايجاب …..
💞💞💞💞💞💞💞💞💞💞💞💞
حملها وركبها السيارة وركب وانطلق ناحيه السرايا
عليا ..انت موديني فين
قدري ..هنروح عل السراي هيكون فين
علياء ..انا عوزة اروح ل عمي
قدري ..لاء مفيش مرواح هناك هما ما يعرفوش
ان شاء الله هتصل عل عمك عسران وخبره
سكتت علياء ولم تتكلم فهي لا تريد ترك السرايا ولكنها تريد العند ليس اكثر
بعد دقائق وصلوا
نزل وحملها جاءت لتعترض ولكن اوقفها نظرته
كانت في استقبالها الحجة وحنين
حمدلله عل السلامة ي بنتي
الله يسلمك ي ماما
حنين ..ايوة اكدة السرايا نورت
حبيبتي نورك انتي
قدري ..حنين حضري طبق شوربه ل عليا عشان تاخد دواها
حاضر ي خوي من عنيا
صعد بها ل جناحها وادخلها
بعد لحظات طرق الباب
قدري …ادخل
كانت صابرين مساء الخير
قدري فقط مساء النور .
اما علياء لم ترود
صابرين باحراج انا كنت جايه ااقولك حمدلله عل السلامة
علياء بدون وعي ..جايه تسلمي ولا تشمتي
عل العموم انا سيبتهولك معدش يهمني
قدري …عليااااااا ايه قله الزوق دي
صابرين …قدري من فضلك ما تعملوش زعل بسببي
علياء بعيظ ..تصدقي بريئه هعيط والله من كتر برائتك
تركتهم صابرين وهي تكتم بكاءها
واسرعت لغرفتها
اما قدري فقال. ..اللي بتعمليه داااا مش صح
هي جايه تسلم عليكي تعملي كدااا
علياء …من امتي في سلام ولا كلام بينا
قدري لو سمحت روحلها
قدري …فعلا هروحلها اراضيها واتأسف لها
وتركها وذهب
اما هي فبكت ما هذة الحاله التي تنتابوها
من العناد والعصبيه ….
ذهب هو ل صابرين التي كانت تبكي فهي بصدق لم تكن تريد غير الاطمئنان عليها ومواستها
قدري ..صابرين انتي بتبكي
ص ابىين وهي تمسح دموعها لا ابدا
قدري وهو يقترب منها … وقبل اعلي راسها حقك عليا اني
صابرين ..لا انا مازعلتش منها انا زعلانه عليها والله
قدري …مش عارف العصبيه دي زايدة اوي
عاوز اكلم الدكتورة
صابرين بابتسامه …ربنا يطمنك عليها يارب
قدري ربنا يخليكي تسلمي
صابرين ..ممكن اطلب منك طلب
قدري بود …طبعا اطلبي
صابرين ..مش عاوزة عليا تعرف باللي بينا لحد ما امشي من هنا
قدري …تمشي تروحي فين
هروح بيت خالي هو معندوش غير بنات
قدري ليه ي صابرين انتي اضايقتي من عليا للدرجادي
صابرين ..لا ابدا بس عشان هي اعصابها مش مستحمله
ولازم تكون معاها اليومين دول
وطبعا انت عارف مرت عمك مش هتسكت وهتفضل تسال كتير
قدري بتفهم ..معاكي حق
صابرين ممكن طلب كمان
اامري ..ابتلعت هي غصة مريرة وقالت ممكن تطلقني
ويبقي بردوو ما بينا الا خالي انا هعرفوا كل حاجة
اصل خالي صالح غير امي وخالي جابر وهيفهمني
قدري…. صابرين انا ….
صابرين ..هو داا الصح ي واد عمي بقلمي نيفين بكر ا نا ا ناويه اغير حاجات في حياتي
اني هكمل تعليمي وهشتغل نفسي انجح واثبت ذاتي
قدري بفخر منها . …اكيد ي بنت المنشاويه هتنجحي وهتثبتي ذاتك ان شاء الله
بس نخلي مضوع الطلاق ده شويه
صابرين ..النهاردة بكرة بعد سنه كله محصل بعضه
خالي عارف ومفيش مشكله
قدري ..انتي حكتيلوا
صابرين ..ايوة فهمته كل حاجة ولما علياء حصلها ال حصل هو اللي اقترح علي اني اروح عندوا عشان اديكوا فرصه تتقربوا من بعض تاني ……
قدري …حاضر ي صابرين اللي يريحك هعملهولك
صابرين وهي تبتسم ..ربنا يريح قلبك ويسعدك يارب
💞💞💞💞💞💞💞💞💞💞💞