لتردف علياء بحنق وضيق ….وحضرتك بقي جايبني عشان اشوف
جابر ال كان صاحب ابويا الروح بالروح…
مرعي ..بغيظ داخلي وهو يتوعد بكسر تلك العجرفه التي تظهرها له كلما تكلمت معه
لا ي بنتي الحكايه مش كده …
اومال قالتها بنفاذ صبر …
عبد الرحمن اخوكي جالي من يومين قبل ما حسن يتضرب بالنار و كان بيغلي ودمه فاير
علياء ..عبد الرحمن لييه ومن ايه
مرعي …اسمعيني للاخر وما تقطعنيش
علياء …حاضر اتفضل…
مرعي ….المهم عبد الرحمن قبل ما يشوفك كان تلفونه الشريحة اتحرقت وكل الارقام ال عليها اتمسحت
علياء ..تمام فعلا الكلام داا لان كل ما كنت اتصل كان بي يديني غير متاح …..
الله ينور عليكي سيبيني اكمل ….
هزت راسها بايجاب …
مرعي …ماتعرفيش مين ابن حرام قاله ان قدري بييه ضربك وكسرك ومانعك عن اهلك ..
علياء ..مين ال وصلو كدااا
مرعي مااعرفش هو مرضيش يقولي…
المهم ي بنتي هو اتأكد من الكلام ده لما حصلتلك الحادثه
وصدق كلامهم….
وبعدها هو جه زارك صح الكلام
فعلا صح
دلوقتي ي بنتي احنا واقعين في مصيبه وسلسال الدم هيرجع تاني بين العيلتين واول حد هياخدوا بتارهم منه هو عبد الرحمن …
علياء ..لييه ال حصل …
انا هقولك ..عبد الرحمن اخوكي هو ال سرق وصولات الامانه ال كانت في دولابك ومش كداا وبس دا هو ال سرق طبنجة قدري وكمان هو ال ضرب النار علي حسن
علياء وهي تهز راسها يمين ويسار …
لالا انت بتكدب عليا ..استحاله عبد الرحمن يعمل كداا
استحاله مهما هتوقع بينا عمري ما هصدق الكلام داا عليه
مرعي …ي بتي افهمي انا لا بوقع ولا قصدي حاجة
انا خايف علي شباب العيلتين اللي هيروحوا بسبب تهور اخوكي
وانت عاوزني اصدق الكلام العبيط داااا…
مرعي ….الله يسامحك طيب بالعقل إكده ا مين دخل اوضتك وخد الوصولات والطبنجة اذ كان قدري شايلهم في دولاب اوضتك ؟؟؟
بلاش دي ..عبد الرحمن اخوكي من ساعة الحادثه وهو مستخبي
ماجاش في بالك كل دااا …
ي بنتي انا عاوز اللحق المصيبه قبل ما تقع
علياء…مصيبه ؟
مرعي…ايوة اومال انتي بقلمي نيفين بكر مفكره ااييه د خل بيته وسرق طبنجته ووصلات كانت امانه عنده وحطه في موقف وصغر بيه قدام الناس وكمان ضرب واحد بطبنجته عشان يلبسه مصيبه …
علياء ببكاء .و هي تضرب وجهها بيديها …قدري لو عرف ان عبد الرحمن عمل كداا مش هيحصل كويس
مرعي ..طبعا…
علياء..اييه …
مرعي.. ايوة طبعا ال عمله مش قليل …
علياء…. طب والعمل هنعمل اييه
مرعي ..اخوكي سافر برة البلد بس مااعرفش فين هو خد تمن الوصولات من حمدان وسافر بحقهم هو اتصل عليا وهو في المطار وقالي لما يستقر في مكان هيتصل بيا يطمني عليه
علياء ببكاء ..عمي عبد الرحمن مش لازم ينزل هنا تاني
مرعي وهو يبتسم ..ما تقلقيش عليه ابدااا
علياء…المهم التحقيقات ممكن تثبت ان عبد الرحمن وراي كل دااا
مهو داا بقي ال انا طالبك عشانه
عبد الرحمن كان اخد 30 الف ..فاحنا هندي حمدان 45الف عشان يرجع الوصولات وكمان هندي ل حسن قرشين عشان ما يعترفش عل عبد الرحمن وبكدا قدري مشكلته هتتحل .وثانيا حسن هنرجعوا الوصولات ومش هيعترف عل عبد الرحمن وقدري مش هيعرف حاجة
علياء…صح هو دا الحل بس انا هجيب 45الف منين
مرعي…لا ماتقلقيش خالص الفلوس موجودة
خدي اتصلي عليه
علياء …وانا اتصل عليه لييه
جابر بعد صمت طويل …لانه ي بنتي هو يعرفنا واحنا مش عوزين حاجة تربطنا ب عبد الرحمن فهمتي
علياء …مهو ممكن نقول اي حاجة او نبعت حد غريب
طيب وهنضمن منين انه هيجيبلننا الوصولات ولا حتي ما يقولش ل قدري لانه بيدور عليه في كل حته وسال عنه في بيته اكتر من مرة…
علياء …حاضر ي عمي …
خدي ي بنتي دااا رقمه ودي الفلوس
اخذت علياء منه المال ورقم حمدان كانت قلقه بداخلها
احساسها بانه يوجد شئ اخر خلف وداعة مرعي معها ولكن ما باليد حيله ستصدقه رغما عنها كي تنقذ اخيها ….
استأذنت منهم علياء وذهبت………
بعدما ذهبت …جابر ل مرعي
الواد ده هينزل امتي البلد
مرعي ال وراه بيقول ي بكرة ي بعده
جابر … انا قلقان ممكن ترجع في كلامها البت دي مش ساهله….
مرعي ..ماتقلقش علياء رمت نفسها قبل إكده في جوازه
من واحده ما تعرفوش عشان اخوها…..
فا ماتقلقش خالص وبكرة تجي تحت رجليا بنت ال …بنت صدقي
اما عن زينب …ف كانت تسترق السمع وتسجل لهم كما امرها هاشم …
💢💢💢💢💢💢💢💢💢💢💢💢
في مكتب اسر …
قدري .. يعني التحقيقات لسه ما وصلتش لاي حاجة
اسر ..للاسف ي قدري بيه لسه .
قدري …حسن ماشافش ال يعني عرفه .
اسر ..حتي دي لا بس ال قاله انه تقريبا شاب صغير في السن وقليل في الحجم ومتوسط الطول
وطبعا دا كان في صالحك في التحقيق
صحيح المحامي قال كداه
قام قدري من مكانه ومد يده ل اسر
اني ماكنتش جاي اعرف التحقيقات وصلت لايه
انا كنت جاي اتشكرك عل كرم ا اخلاقك معاي
اسر ..انا ما عملتش حاجة حضرتك انسان الكل بيشهدلك
بكرمك وبمساعدتك للناس وبوقوفك ديما مع الحق
تسلم من زوقك ي اسر بيه ..ثم تابع استأذن اني وياريت اي حاجة تبلغني بيها عل طول .
اسر …اكيد ي قدري بييه اكيد……….
💢💢💢💢💢💢💢💢💢💢
في السراي عند علياء
اتت لها ندي بعد ما اخبرتها بما حدث بينها وبين عمها
ندي …مش عارفة ي علياء انا مش مطمنه
علياء …ولا انا بس انا ماقداميش حل تاني
ندي ..طيب ما تمهدي الحكايه ل قدري وهو يتصرف
علياء ..قدري لو عرف ان اخويا هو ال وراي كل المصايب دي مش هيرحمه وممكن دا انا خوفت ااقوله انه جه وهو مش موجود فما بالك بقي ان يعمل كدا دااا.
ندي …انا مستغربه ال عمله اخوكي بجد كان فين عقله
ليه مااستفهمش منك ومين اصلا الناس ال بلغته بالكلام الكدب داااا
علياء …مش عارفة مش عارفة والمشكله ان مفيش وقت
اننا نصبر لحد ما يتصل واعرف منه كل حاجة
انا عوزة اخلص من الموضوع داااا ومش عارفة اعمل ايه
انا حاسة اني مخي واقف انا خايفة من رد فعل قدري لما يعرف وخايفة علي عبد الرحمن من قدري
واجهشت بالبكاء
