رواية اسر قلبي ولدمعي اسيل الجزء الثاني

مازن ليهمس بنعومه وهدوءقائلا صباح الخير على عيون حبيبي أيات بخجل صباح النور ياروح حبيبك مازن شكلك تعبانه ياقلبى أيات وهى تمدد يديها امممم المشوار كان طويل جدااا غير انى تعبت فى تجهيزات الفرح ومش نمت بقالى يومين مازنتصدقى انا كمان مكنتش بنام كنت بعد الساعات عشان تبقي جنبي واخدك فى حضنى ايات انا بحبك بحبك اووى بس لازم تعرفي حاجه قبل مانبدأ حياتنا مع بعض أيات بقلقخير يا مازن مازن انا قبلك كنت انسان مهمل ومش ملتزم وكان ليا علاقات كتير بس عمرى ما حبيت اى واحدة من قلبي وعمرى ما قولت لواحده فيهم كلمة بحبك عمرها ماطلعت منى

غير ليكى وعمرى ما حسيت انى بحب بجد غير لما حبيتك وكنت رافض فكرة الجواز لانى كنت شايف كل البنات زى بعض خاينين وسهلين بس كنت متاكد انى فى بنات محترمه وكويسه بس كان دايما احساسي ان ربنا مش هيخلى واحده محترمه من نصيب واحد زيي مشي غلط بس يمكن تكونى انتى دعوة امى ليا. أيات انا آسف انى مقولتلكيش كل دا من الاول قبل مانتجوز على الاقل كنتى اختارتى بس انا قبل ما نبدأ علاقتنا مع بعض كأى زوج وزوجه كان لازم اقولك وتختارى وانا مهما كان ردك انا مش ندمان انى قولتلك أيات بص يا مازن انا فضلت

طول عمرى محافظه على نفسي للانسان اللى هتجوزه بس كونك تسامح وتصدقنى لما عرفت موضوع الصور فدا كافى عندى انك بتقدرنى وبتحترمنى وواثق فيا وفكرة انك مقولتليش من الاول الموضوع دا فاحب اقولك انى كنت عارفه . مازن باستغراب عارفه!!!!!؟ازاى؟ أياتآسر قعد معايا وقالى كل حاجه من اول ما خطبتنى وقالى طبعا مرشح طوييييل ان اى انسان بيغلط وان الزوجه لها قيمه تانيه ولها كل اللى فى القلب انما كل العلاقات دى بتكون ضعف ان المهم اللى بعد الجواز ميكنش زى قبل الجواز وان العلاقات دى متقصرش علينا بعد الجواز يمسك مازن يديها ويقبلهم ويقبل رأسها قائلا اوعدك انى عمرى

ما هزعلك منى ولا هبعد عنك وهفضل عمرى كله احبك واعيش عشانك وليكى . ياقمر يامانجه يا عسل يا ملبن انت تخجل أيات من مازن ومغازلته لها فيبتسم مازن وياخذها باحضانه بقوة قائلا يانى على اللى بيتكسف ياناس أيات بخجل طيب قوم يلا ننزل نفطر مع ماما وبابا مازن نعم. ماما وبابا ايه !!!؟ احنا دخلتنا كانت امبارح أيات بس بقا يا مازن هنفطر الاول مع بابا وماما مازن لاوالله ما انا نازل دلوقتى لابد ان ادخل بكى فى بيت الشرقاوى بالاقصر يستيقظ آسر من نومه وهو يتقلب على الفراش براحه فيعتدل ليرى الجميله النائمه تتململ برفق فى احضانه فظل

ينظر لها ويمسك خصلاتها بين يديه يتلاعب بهم بين اصابعه ثم يقترب منها ليقبلها قبلات هادئه فتستيقظ أسيل وتفتح عينيها فترى آسر بجانبها فتخجل أسيل وتلتفت سريعا الى الجهة الاخرى ليمسكها آسر ويلفها اليه وهو يبتسم قائلا ايه مالك لسه بتتكسفي منى يا أسيل تنظر له أسيل بخجل وتحاول ان تغطى نفسها اكثر فيمسك آسر يديها قائلا أسيل انا خلاص بقيت جوزك بجد وملكك وانتى كمان بقيتى مراتى وملكى وحلالى وبقا من حقي اقرب منك فى اى وقت بقا من حقى انام فى حضنك كل يوم بقا من حقى استنى منك طفل يشيل اسمى اسيل انتى قولتى انك بتحبينى ودا

معناه انك بتمتلكينى وتملكينى نفسك تعرفي انى عمرى ماكان ليا علاقه باى واحده ودايما كنت بعيد عن اى بنت هههههه يعنى كنت محافظ على نفسي لحلالى أسيل هههههه انا بحبك يا آسر بحبك اوى بس انا بتكسف آسر لا متتكسفش ياقلب آسر يا روح آسر ياحلم آسر وفرحة عمره أسيل حلمك وفرحة عمرك ؟ للدرجه دى ؟! آسر واكتر بكتير انا حلمت بيكى كتير وكنت بتمنى الاقيكى ولما لقيتك كنت بحلم كل يوم ارضيكى واخليكى تسامحينى وتكونى ليا بارادتك وفرحت اوى لما وافقتى على كتب الكتاب وامبارح بس اكتملت فرحتى بيكى أسيلانت كمان يا آسر أمانى وحبيبي اللى كنت بحلم

بيه ليقتطع حديثها صوت احدى الفتيات تناديهم للفطار آسر حاضر نازلين . ثم يوجه حديثه لاسيل قائلا كملى أسيل ونفسي اخلف منك عيال كتيييير آسر طيب يلا بينا أسيل ايه هننزل للجماعه نفطر آسر لا نشوف موضوع العيال الكتير تخجل أسيل ولكن آسر يحتضنها ويذهب بها الى عالمهم الخاص وفى ساحة بيت الشرقاوى يجلس الجميع على مائدة الفطار لينتظر آسر وأسيل ولكنهما لم ينزلا ابتسم الجميع تفهما للامر اما سليمه فكانت على نار واميرة لم تجلس فظلت تسير ذهابا وايابا ونار قلبها تشتعل وبعد مرور وقت طويل نزل آسر وهو يمسك بيد أسيل وينزلا على الدرج تحت انظار الجميع ثم

ذهب آسر وجلس على احدى المقاعد وذهبت اسيل لتجلس بمكان آخر ولكن آسر نداها لتجلس بجانبه ووضع يده على كتفها والجميع يستغرب من لهفة آسر على أسيل اليوم نادت سميه عمة آسر على أسيل قائله قومى بقا يا أسيل يابتى اعملى الوكل ليكى انتى وچوزك وافطروا أسيل حاضر ياعمتى هقوم… وقبل ان تكمل حديثها رد آسر سريعا قائلا معلش ياعمتى سيبي اسيل عشان تعبانه شويه من امبارح وخلى اى حد يعمل حاجه خفيفه سميه واه مالك يا أسيل ياحبيبتى سلامتك الف سلامه انا ياولدى اعملكم على عينى حاضر ترد الجده مالك يا اسيل يابتى نچيبلك الحكيم ايه اللى تاعبك آسر

ينظر لاسيل بمكر ويبتسم. الا صحيح يا أسيل ايه اللى تاعبك حاسه بايه يا حبيبتى تفتح أسيل عينيها وتنظر له بتوتر وهى تتوعد له آسر ههههههه الجده بتضحك على ايه يا آسر يا ولدى اياك بتضحك على مرتك وهى عيانه آسرلا يا جدتى انا بقولها تاخد بالها من نفسها تنظر له اسيل بغل وتتمنى ان تملك وجهه لتلكمه به ثم تدخل اميره وتجلس بمقابلة آسر تحاول اغراءه بحركات مثيره تحت انظار اسيل التى حاولت امساك نفسها عنها وظلت تنظر لآسر الذي لم يهتم بتصرفات اميرة ولكنه اهتم بغيرة اسيل مما جعل أميره تستشيط غيظا بعدم مبالاته لها فطر آسر وأسيل

وهو يطعمها وهو تطعمه ثم اخذها وذهبو الى مكانهم المميزبين عناقيد العنب ونخيل البلح يضحكون ويلعبون وتجرى أسيل وورائها آسر ثم تجلس وهو ينام على ساقيها وتطعمه العنب فى فمه وهو يضحك آسر أجمل عنب اكلته فى حياتى من احن واجمل ايدين لمست شفايفي بحبك يا اسيل ونفسي اسعدك واعيش حياتى جنبك عشان بس احميكى واحبك تضحك اسيل عاليا قائله بحبك يا آسر بحبك ونفسي افضل عمرى جنبك يا دعوة ماما ليا ورضا ربنا عليا وظل يضحكوا ويلعبوا ثم ذهبوا الى البيت تحت انظار الجميع وانظار سليمه واميره اللاتى توعدن لاسيل فور دخول آسر نادت عليه سليمه قائله آسر يا

ولدى ياسين اتصل وكان بيسأل عليك وكان شكله قلقان قوى وطلب منى اول ماتيچى لازم تكلمه ضرورى آسر ينظر لاسيل قائلا طيب ياحبيبتى اطلعى انتى وانا هكلم ياسين واطلع وراكى أسيل حاضر ثم يقبلها ويذهب الى الخارج ليحدث ياسين بالهاتف وكانت أسيل تنظر له بلهفه وقلق وشعرت بشئ ينغز قلبها ولكنه ابتسم لها وغمز بعينيه و فور غيابه عن نظرها صعدت اسيل الدرج لتذهب الى غرفتها وآسر امسك هاتفه ليتصل بياسين وعندمارد ياسين سمع آسر صرخة أسيل فرمى هاتفه وذهب اليها مسرعا ياترى ايه اللى حصل لاسيل !؟ وياترى سليمه واميره خططوا لايه!؟ 💕💕💕💕💕💕💕💕 الفصل السابع عشر ذهب آسر سريعا

الى آسيل ليجدها ملقاه بأسفل الدرج مغشيا عليها والدماء تسيل من رأسها صرخ آسر عاليا آسييييل وذهب اليها كل من فى البيت سريعا اتصل آسر بسيارة الاسعاف لتحملها الى المشفى سريعا وهو يهتف عاليا بصوت جهور هز ارجاء المشفى ليأتى اليه جميع الاطباء وطاقم التمريض ليهتف احد الدكاتره الموجودين فى ايه يافندم آسر انت لسه هتقف تسألنى فيه ايه ! ذهب الدكتور سريعا الى غرفة اسيل ومعه طاقم التمريض ليكشف على حالة أسيل ويطمئن عليها وفى تلك الاثناء امتلئت المشفى بالكثير من الناس واهل آسر عماته و اعمامه وزوجاتهم واولادهم ليطمئنوا على أسيل وبعد ان انتهى الدكتور من الفحص سأل

آسر هو ايه اللى حصلها بالظبط آسر مش عارف بس اللى فهمته انها وقعت من على السلم الدكتور بس الوقعه دى مش عاديه دى بقوة دفع شديده آسر بدهشه وغـ,ـضب قوة دفع طيب وهى مين هيوقعها وهو قاصد أسيل الكل بيحيها فى البيت وب…وسريعا يتذكر آسر عمته سليمه وإبنتها وشدة اصرارها ان يخرج ويحدث ياسين سريعا ويتذكر كرههم لها وحركات اميره التى تحاول اثارته بها ليشيط غـ,ـضبا ويحمر وجهه من شدة الغـ,ـضب ويسال الدكتور قائلا طيب هى كويسه ولا فيها حاجه الدكتور لازم دكتور عظام يشوفها ونعملها اشاعه عالمخ وتفضل تحت الملاحظة كدا النهارده لحد مانطمن عليها انا هخليهم يعقمولها

الجرح اللى فى راسها اوك آسر وفين دكتور العظام دا وفين الاشاعه هو حضرتك واقف تاخد رايي الاول يا دكتور الدكتور بقلق حاضر يا آسر بيه بس انت اهدى هى حالتها كويسه ومستقره مفيهاش اى قلق يظل آسر يزفر بضيق لتتحدث سليمه قائله اهدى يا آسر خلاص الدكتور قالك انها زينه متخافش مش هيحصلها حاچه يعنى هتقوم وهتبقى زى العفريت ينظر لها آسر باستياء وهو يفكر ياترى مين اللى. عمل فيها كدا انا كان قلبي حاسس ان فى حاجه هتحصل لها وان كلام عمتى واصرارها انى اخرج اكلم ياسين كان وراه حاجه بس ياريتنى كنت فهمت دا ساعتها ظل ينظر

فى عين سليمه باستياء وهى تحاول ان تهرب من نظراته وفهمت. مايفكر به ارتعبت سليمه فمهما كان جباروتها فهى تعلم جيدا ان استياء آسر سيكون مثل الاعصار الذي سيبتلعها ويبتلع ابنتها ولكن قاطعهم فى هذه اللحظه خروج دكتور العظام لاسر ليخبره عن حالة اسيل قائلا الواقعه كانت جامده اوى دى اكيد مش مجرد واقعه عاديه من على سلم دى حاجه دفعتها جامد عموما هى ايدها اليمين ورجليها اليمين اللى اتأذوا اكتر رجليها فيها جرح عميق ودراعها لازم يبقى فى الجبس على الاقل اسبوعين وهما الحمد لله عقموا الجروح وتقدروا تخدوها بعد مايتم التجبيس بس طبعا لازم تتابع هنا علطول آسر

شكرا لحضرتك يادكتور ممكن اشوفها الدكتور ايوه عادى ممكن تتفضل آسر شكرا. ثم ينظر لسليمه بكل شر وغـ,ـضب ويذهب الى غرفة أسيل ليجدها نائمه على الفراش وراسها مربطه واحدى الممرضات تعقم لها جرح ساقها . ابتسم لها آسر حتى لاتشعر بالقلق قائلا حبيبي اللى ااكسر مش تاخدى بالك ياقلبى وانتى طالعه السلم أسيل بقلق شديد وخوف يظهر فى عينيها آسر انا حسيت ان حد زقنى انا خايفه اوى صدقنى يا آسر انا متزحلقتش انا فى حد زقنى من ضهرى جامد. ملحقتش اشوف مين آسر انتى كنتى واقفه ازاى أسيل انا بعد طلعت السلم عمتى سليمه نادت عليا فبصيت لها قالتلى

انزلى عيزاكى فلفيت وجيت انزل حد دفعنى جامد وقعت ومحستش باى حاجه غير وانا هنا آسرطيب اهدى ومتخافيش انا مش هسيبك تانى ولو لحظه اسيلمين عايز يأذينى يا آسر انا معملتش حاجه فى حد بالعكس انا بحب الكل والكل بيحبونى آسر ملطفا للجو حتى تهدأ من ناحية بيحبوكى فهما بيموـ,ـتوا فيكى بيعشقوكى وبي… تقاطعه أسيل بضحكتها قائلهحيلك حيلك مش للدرجه دى آسر لا للدرجه دى واكتر بكتير كمان انتى لو كان حصلك حاجه يا أسيل كنت همـ,ـوت اسيلبعد الشر عنك يا ياقلب اسيل فى القاهره كانت أيات فى المطبخ تحضر الطعام وحماتها تجلس بجانبهاعلى احد مقاعد الطاوله تتحدث معها وتعلو

ضحكاتهم فيدخل مازن ويري ذلك فيشعر بفرحه فهو الآن قدم لوالدته ابنه وليست زوجة ابن لقد ملت آيات عليهم البيت وعبأته فرحه وسعاده ومرح وبعد ان كان الجميع يظل فى عمله او غرفته اصبحوا يجتمعوا معا وينهى والد مازن عمله سريعا وايضا والدته ليجلسا مع أيات ويتحدثون ويمازحونها فهذه الفتاه اصبحت ابنتهم التى لم ينجباها وايضا أيات رأت فيهم والداها التى لم تهنأ بهم واحبتهم كثيرا مازال مازن يقف يتابع ضحكات أيات ووالدته ليشعر بيد تطبطب على كتفه يلتفت ليجده والده يبتسم قائلا بنت هايلة يامازن ملت البيت فرحه وسعاده وبقينا نحس ان البيت ليه حس اوعى تزعلها يا ابنى

دى جوهره غاليه صونها اللى تحبب ابوك وامك فيها بالشكل دا يبقا لازم بتمـ,ـوت فيك مازن متخافش يابابا انا كمان بحبها وبمـ,ـوت فيها ومقدرش اعيش من غيرها ثم يدخلا الى المطبخ ليمازح والده والدته وتخرج معه ليتبقا مازن مع أيات فيقف ورائها ويحتضنها ويضع قبله على عنقها تفرح آيات كثيرا ولكنها تتصنع الزعل مازن ايه حبيبي ماله زعلان ليه أيات يعنى فى حد فى الدنيا يكون لسه متجوز من يومين بس ويسيب عروسته ويخرج مازن والله ياروحى غصب عنى انتى عارفه نفسي افضل جنبك علطول بس اعمل ايه بقا لشغل آسر اخوكى الشغل كتير اليومين دول وآسر مش موجود وانا

اللى لازم اتابع الشغل بنفسي لحد ماييجى واى تقصير فى الشغل هيكون منى انا وانتى ياروحى ميرضكيش آسر يزعل منى أيات شكلك بتحب آسر اوى يا مازن مازن طبعا دا اخويا وصاحبي ووقف جنبي كتير وكلنا مع بعض كتيييير فول من على العربيه هههههه أيات هههههههه فول من على العربيه انا نفسي اكل فول من على عربيه مازن بس كدا نروح ناكل فول من على العربيه . تعرفي يا ايات اكتر حاجه حبيتها فيكى بساطتك بالرغم من المستوى اللى انتى فيه بس متواضعه وبسيطه أيات لازم يا مازن لان كل اللى احنا فيه دا مش ملكنا دا ملك ربنا وقادر

ياخده مننا فى لحظه والناس البسيطه دى لها فيه رزق يعنى الفلوس والحاجات دى كلها ملك الناس البساط واحنا لازم نديهم حقهم مش بس فلوس او مساعده واحنا بنتكبر لا لازم نديهم حقهم من المعامله والاهتمام والمحبه عشان ربنا يدينا بالمحبه مش يدينا مال وهو غـ,ـضبان علينا يتصرف فى مرض او مصيبه آسر اخويا ربانى على كدا مازن بابتسامه معبره عن اعجابه بتفكيرها وحديثها بحبكـ,ـ يا ايات انتى بجد نعمه ربنا انعم عليا بيها أيات انت كمان يا مازن اجمل نعمه ربنا انعم عليا بيها مازن طيب ايه هنفضل نتكلم فى المطبخ كدا كتير ايات حاضر خلصت الاكل اهوه مازن

اممممم شكلك هتتعبينى معاكى اكل ايه ايات امال عايز ايه !!؟ مازن حطى الاكل عالسفره واطلعى عشان فى موضوع مهم اوى لازم اقولك عليه تبتسم ايات بخجل قائله حاضر يا مازن اشوف بابا وماما بس محتاجين حاجه ولا لا وهنطلع علطول اوك فى احدى الاماكن العشوائيه يجلس عادل وفاروق على قهوتهم المعتاده عادل همـ,ـوت واعرف الواد ابن ال……………….. اخو البت دى ودى البت اسيل فين وليه ضـ,ـربنى ومشانى وسابها فاروق البت جامده اكيد عجبته سابها لمزاجه وفى الاخر برده هيرميها او يخلص عليها ١٨ و ١٩ و ٢٠ الفصل الثامن عشر ينزل آسر على الدرج ليهتف بصوت عالى أسيل وقعت

ازاى ينظر له الجميع باستغراب متسائلين يعنى ايه وقعت ازاى !؟ آسر يعنى أسيل متكعبلتش زى ما انتوا فاكرين أسيل حد زقها من عالسلم والدكتور بنفسه اللى قالى كدا وانا سألت أسيل انتى وقعتى ازاى قالتلى ان عمتى نادت عليها تكلمها وهى كانت واقفه واثناء ماكانت بتكلمها حست ان حد دفعها من ضهرها ممكن تفسير للكلام دا ياعمتى سليمه ااانا انا مالى انت بتسألنى ليه انا كنت واقفه تحت وبكلمها وانا تحت واظن ان هى قالتلك كدا وكمان بنتى اميره كانت جنبي مكانتش فوق عشان تقول مثلا ان هى اللى زقتها آسر بنظرة مكر والغضـ,ـب يملأ عينيه ودمه يغلى بس

انا مجبتش سيرة اميرة ياعمتى انتى ليه بتتكلمى عن اميره ينظر الجميع لسليمه باستغراب على ردة فعلها يغـ,ـضب آسر ويهتف عاليا يعنى انا مش هقدر احمى مراتى فى بيتى يعنى انا جايبها فى بيت عيلة الشرقاوى الكبير ومش هقدر احميها حتى من عيلتى استنى ايه من الغرب لما عيلتى بتعمل كدا مع مراتى اللى مشفوش منها غير الحب والاحترام واحترمت الصغير قبل الكبيرانا الصبح هاخد مراتى وهرجع القاهره تانى الجدة لا يا آسر يا ولدى انت عارفنا زين وعارف اننا اهل خير وطيبين منأذيش اى حد حتى لو كان عدونا مش حبيبنا ومرتك بقيت عندنا كيف بناتنا واحسن وربنا العالم

دى بنيه طيبه وحبت الكل والكل حبها يمكن فى حد خاين بس الخاين ميبقاش منينا ياولدى وانت عارف اكده من زمان تحدثت الجده وهى تنظر لسليمه التى كانت فى قمة خوفها وقلبها يرتعش من ان يتاكد آسر من شكوكه نظر لها آسر باستياء قائلا عموما مراتى بقت خايفه ومش حاسه بالامان واللى لازم تعرفوه ان مراتى دى عاشت حياتها كلها فى رعب وخوف وعذاب واول سبب لجوازى منها هو عشان احميها وانا هفضل احميها ولازم اوفى بوعدى معاها للنهايه عمته سميه متخافش يا آسر يا ولدى أسيل هتبقا فى عينينا وهنهتم بيها اكتر من الاول بس متاخدهاش من اهنه مين

هيخدمها وياخد باله منها فى القاهره وهى بحالتها دى آسر شكرا ياعمتى وهو دا اللى مستنيه منك برده افكار زوجة خاله والله يا آسر يا ولدى احنا كلياتنا هنحبها وناخد بالنا منيها بس انت سيبها وسطينا نوكلها وناخد بالنا منيها عشان تتقوت اكده وتقوم بالسلامه سناء زوجة عمه الثانى ايوه ياولدى سيبها اهنه تمرح مع البنته لو اخدتها القاهره هتبقا وحدها ومش هتتحرك ونفسيتها هتتعب اكتر ومهتقدرش تخدم حالها كل الفتيات واولاد عمه سيبها يا ابيه آسر بالله عليك آسرينظر لسليمه وانتى ياعمتى مش هتقولى حاجه!؟ سليمه بقلق وتوتر هااااا اناااا. انا هقول ايه يا آسر يا ولدى وانت بتتهمنى