:معلش مش عايزه حاجه تفكرني بالفتره دي وكفايه قوي تعب حضرتك معايا سنين طويله
:سيبي الشنطه وتعالي ورايا على الاوضه
بقلمي سحر السحرتي
*دخلت خلفه وهي تنظر الى الارض بخجل
:انت بتعتبريني ابوك
:طبعا يا بابا ليه بتقول كده
: يبقى خليك صريحه معايا ايه اللي حصل
*بكت وهي تروي له
:كنت مخنوقه نزلت اتمشى قابلت مامت باسل سمعتني كلام زي الزف-ت منهم
: انت لو كنت ماليه عينه ما كانش بص لاختك وانتم اول شهر جواز …. ولو كنت مؤدبه ومش بتردي عليه ما كانش ض-ربك
:وقعدت ساعه تذل فيا و تبهدلني بكلامها ما قدرتش ارد عليها عشان هي في سن ماما بس فكرت لما هي قالت كده الغريب هيقول ايه وزي ما قابلتها ممكن كمان اقابل باسل طالع عندها وانا مش طايقه ابص في وشه
: بس باسل مش ساكن هنا دلوقتي
: لا قاعد من يوم ما ض-ربه فريد ليوم الفرح ….. بجد يا بابا مش قادره اشوف حد … اسمح لي
:ماشي بس ممكن تستني نص ساعه وبعدين تمشي
:ليه
: عشان خاطري نص ساعه بس و هخلي فريدي يوصلك
*صعد وطرق باب شقه شقيقه بق-وه تكاد تك-سره ففتح سعد وهو مندهش من طريقه فهمي
:خير حصل حاجه للولاد يا فهمي
:مراتك فين
:جوه خير
:نادي لها و هتكلم قدامها ولو المعدول ابنك موجود كمان نادي له
*حضر كل من باسل ووالدته
:اسمعي بقى هتنزلي تعتذري لجودي و حسك عينك تتعرض لها ببصه عشان ممكن اخلي اخويا يطلقك حالا
: نعم يطلقني ليه انا جوزي راجل و بيسمع كلام نفسه
: تحبي تجربي
سعد :هي عملت ايه لجودي
: تقولي انت ولا اقول انا
*لم ترد ونظرت للارض فتحدث فهمي وحكى لسعد عما بدر منها ورد فعل جودي ردت ام باسل بمنتهى التكبر وكانها لم تفعل شيئا
:وانت زعلان ليه ما هي كان المفروض تمشي من بدري هي اصلا قاعده ليه
*كانت نظره فهمي ستح-رقها وهي تتحدث بغباء فتراجعت ووقفت خلف باسل
سعد : اخرسي خالص و انزلي اعتذري لجودي حالا
: لا يمكن اعتذر لحته عيله
:خلاص ما تنزليش لمي هدومك وامشي
:نعم هتطلقني
: لا بس ما لكيش قاعده هنا
:عايز تطردني عشان حته العيلة اللي ابوها راميها ومش بيصرف عليها جنيه و اخوك شايل كل حاجه
بقلمي سحر السحرتي
فهمي: هو انا كنت اشتكيت لك ولا باخذ منك اصرفه عليها
*وانتظر لحظه :تعالي هنا انت قلت لها الكلام ده
:اه اللي في قلبي على لساني وانا هخاف منها
:عشان كده بترجع لي الشبكه
:هي رجعتها طب هاتها باسل يقسائل أحمرها لسيلا
: سعد انا جالي الضغط من مراتك انا مش عارف انت مستحملها ازاي هو ابنك كان دفع في الشبكه جنيه يا بجاحتك
*توجه بالحديث لباسل: انت مفهم امك ان جودي كانت بترد عليك وتقل ادبها عشان كده كنت بتض-ربها
: لا يا عمي بس انا كنت بتع-صب عليها وهي بتحب تجادل
:سمعتي انا نازل خمس دقائق تكوني تحت بتعتذري ومش هقول لك هعمل ايه معاكي
*خافت ام باسل من فهمي ونزلت واعتذرت لجودي وهي تنظر لها بحقد
*اصرت جودي ان تذهب لبيت جدها رغما عن ذلك استقبلها خالها بحب وسلمها المفتاح
*لم يعرف سوى انها تطلقت لض-رب زوجها لها وك-سر يدها كجميع الناس
*بعد يومين أنشأت صفحه على مواقع التواصل و اسمتها كوتش جودي معكم دائما وصورت فيديو محتواه
:معاكم كوتش جودي لازم كل واحده تهتم بنفسها وجسمها وصحتها مش عايزه منك غير 10 دقائق كل يوم هنزل تمارين زومبا و كارديو ونظام اكل غير قاسي و نغير في عاداتنا الخاطئه عن الاكل ونبدا اول حلقه
*وبدات تؤدي تمارين رياضيه على اغنيه بنودع اللي راح
$بنودع اللي راح و بنقفل ببانو
$بنسك بالمفتاح على كل اللي خانو
$عايزين من الحب محبة
وحد يحبنا حبة كمان
$نستاهل حد حنين يشيلنا في عيونه
$الزعل مش عشانا $و الدلع ده لينا
$الحاجة الحلوة دايما اللي تليق علينا
$جيلنا اللي يقدرنا
$عشان نستاهل حب كبير
$و بنبعد بقى و نغادر اللي عايز ياذينا
$روقان آه $جمدان ياه
$احنا نحل الحلو زيادة بنحب الحياة
$اللي راح راح $والجراح راح
$بنعيش الحياه ببساطه$ و بنسكن براح
(كان اختيار هذه الأغنية لارسال رسالة مخصوص لباسل )
*كانت التمارين سهله وبسيطه للمبتدئين وفي نهايه الفيديو زي ما شفتي مش عايزه غير مكان صغير وخليكي معايا هتحسي بالفرق كل يوم الصبح هتلاقي تمارين جديده سهله وبسيطه و هتشعري بالتغيير هكتب التعليمات اول تعليق لايك وشير
*انتشر الفيديو بسرعه كبيره وشاهده عدد كبير و هنئها جميع افراد اسرتها و انتهزتها سيلا فرصه وذهبت اليها
*فتحت جودي الباب وجدت سيلا تبكي فاحتضنتها
:انا اسفه غصب عني كنت بقيس الفستان وهو اللي اته-جم عليا
:عارفه يا حبيبتي انت ما لكيش ذنب ما تعيطيش خلاص انا بقيت كويسه و مكمله حياتي
:مبروك على الصفحه فرحت لك قوي
: شكرا يا حبيبتي و جايه مخصوص عشان تباركيلي
بقلمي سحر السحرتي
: لا محتاجه لاختي تنزل معايا اشتري اللي محتاجه له عشان الجواز انا ما ليش غيرك وانت و عدتيني
:بس يا سيلا صعب
:انا ما ليش دعوه باللي حصل اعتبريني هتجوز واحد غير باسل انت اختي الوحيده
:مش قصدي انا بقيت بشتغل في اكثر من مكان وما بقاش عندي وقت مش اكثر
: بتشتغلي بسرعه كده