رواية بقلم زينب سمير

لبساها لية ولا لحقتي تشوفيلك شوفة تانية بالسرعة دي

عيونها دمعت لا.. انا بس بلبسها علشان المضايقات

شالها من ايدها ومتكلمش

وصل الاسانسبر خرج بسرعة وسابها

قدام الشركة وقفت تستني تاكسي خرج من الجراج لمحها عداها بعربيته لكنه لحظات ورجع تاني

اركبي

شكرا يافندم انا..

بقولك اركبي

هستني تاكسي

الوقت اتأخر وصعب تلاقي عربيات دلوقتي اركبي باهداية

وبتردد فتحت الباب ودخلت.. وساد الصمت

قطعه سمعت ان عندك ابن

زين

قالتها وعيونها بتلمع وعيونه هو كمان لمعت لما افتكر ان دا الاسم اللي كان مقرر انه يسميه لأول طفل ليهم

بصتله لقيته بيضغط علي الدريكسون بعصبية

اتنهدت وكملت زين مش طفل عادي عنده مشاكل في التعامل مع الغير والتواصل مع البشر حاجة شبة التوحد لكن مش توحد بيعاني كل يوم علشان يعرف يتكلم ويتعامل مع حد غيري وبعاني كل يوم في الحضانة علشان اقدر اقنعه يسيبني علشان كدا بتأخر

ملامحه مظهرش عليها اي تأثر باباه هو السبب

بصلها المرة دي ل لحظات ورجع يبص قدامه

كان بيعامله پعنف وبيزعق فيه دايما كان بيخوفه منه ومن اي حاجة كان معيشه في چحيم

هو بس