قمر ووشها بان عليه التوتر لا شكرا انا هتصرف
الست مټخافيش يبنتى مش هضرك حابة اساعدك شكلك قصتك طويلة تعالى معانا انا عايشه انا وبنتى بس هناك
قمر وارتاحت شوية للست قالتها ماشى اسمى قمر
الست ماشاء الله اسم على مسمى دى بنتى الصغيره ٥ سنين اسمها كريمة بنقولها يا كوكى
قمر عسولة اوى ربنا يخليهالك ياطنط
الست قوليلى يا ماما انتى زى بنتى برضو
قمر بابتسامه ارتياح شكرا يا طنط قصدى ياماما
الست كلها ساعتين ونوصل نامى يحبيبتى
قمر ماشى وراحت قمر فى النوم
الست بتصحى قمر اصحى يابنتى وصلنا
فتحت قمر عينها ونزلت من القطر بشنطه هدومها ومشيوا لحد بيت الست والى هعرفكم بيها دلوقتى
الست هى اسمها منال وعندها بنت صغيرة كوكى ٥ سنين وجوزها متوفى وبتشتغل فى سوبر ماركت بتاع جوزها
وصلوا لبيت الست المنال
قمر انا هدفعلك تمن قعدتى هنا والاكل وارجوكى مترفضيش انا مش مطوله هنا
منال عيب كدا يا قمر انتى زى بنتى اعتبرينى زى امك وانا مرتحالك يابنتى ولينا قعده تعالى بس اقعدى مع كوكى لحد ما احضر الغدا
قمر ببتسامه جميله شكرا
على الجانب الاخر فى الصعيد
دخل ابن عم قمر وهو اسمه جعفر وهو شاب طويل وعريض شعره اسود ناعم لكن ملامحه تقلق وقلبه قاسى وباين عليه جمود المشاعر
جعفر فين قمر يا جدتى
الجدة مش هنا يا ولدى قالت جايه عندكم
جعفر بزعيق مجتش يا جدتى