غصون بخوف
= خايفه يونس يلاقيني انا مش عايزة اعيش معاه يا ماما لو لاقني هيخليني اعيش معاه غصبن عني و محدش هيقدر يقف قصاده حتى جدي
منى بحنان و هي بتاخدها في حضنها
= متخافيش هو مش هيلاقيكي محدش فيهم هيلاقيكي
انتي اصلا مينفعش ترجعي انتي في نظر الكل واحدة هربانه… من جوزها يونس مقالش لحد اللي حصل و السبب ورا انك مشيتي و جدك مستحلفلك انتي بقالك سبع شهور غايبه عن بيتك
انتي خلاص مبقاش ينفع ترجعي يبنتي
بلعت لُعابها بخوف شديد و اتكلمت بدموع
= ربنا ينتقم منه
قالت كلامها و فضلت تعيط بخوف شديد و بتفكر في مصيرها المجهول و مليون سناريو اسوء من بعض كلهم بيجوا في دمااغها
منى بصتلها بحزن شديد و خدتها في حضنها
في المساء
في قصر البسيوني
كان يونس قااعد في غرفه المكتب
دخل كامل و اتكلم بحده
= امك مقالتلكش على العروسه اللي جيبهالك
يونس بحده
= قالتلي و رفضت يجدي
انا مش هتجوز على غصون و هلاقيها هي و ابني حتى لو كانت فين
كامل بحده
= غصون ماتت.. يا يونس لما طلعت من بيتك و غابت لحد دلوقتي بقيت بالنسبالنا ميته…
اياا كان السبب اللي خلاها تمشي دا ميديهاش الحق انها تغيب كل دا و احنا صعايده يولدي و دمنا.. حامي…
دفن.. وشه بين ايديه و اتنفس بغضب و هو حاسس بالضياع بسبب انه مش لاقيها نفسه بس يطمن عليها و مش عارف
فاق على صوت رنين هااتفه و كان رقم غريب
رد بسرعه و لهفه
= الو
= حضرتك مراتك تبقى اسمها غصون البسيوني
يونس بتلعثم و خوف شديد و هو بيقوم يقف
= ايوا هي
= طب احنا محتاجين حضرتك حالا في المستشفى هنا في سوهاج
وقع الفون من ايديه بخوف شديد و خرج براا القصر متجاهل تماما كامل و كل اللي في القصر
وصل المستشفى في رقم قياسي و سأل عليها
انصدم بشده لما دلوه على المشرحه..
كان ماشي بصعوبه و هو بيتمنى يكون اللي جيه في دمااغه غلط
دخل المشرحه… و بص للجُثه.. اللي موجوده بخوف
اتكلم الراجل اللي واقف بحزن
= للاسف عملت حاد.ثه و البيانات اللي معاها هي بيانات مرات حضرتك
يونس بصله بصدمه كبيره و بلع لُعابه بخوف شديد و اتكلم بغضب مفرط
= مستحيل!!!!
انت كداب… مستحيل تكون هييي
هي مستحيل تسبني
قال كلامه و كشف وش الجثه.. بس مكنش باينلها اي ملامح
الراجل راح عنده و اداله الحاجه اللي كانت معاها
يونس بصلها بصدمه و دموعه نزلت بالم…
و اتكلم بغضب مفرط
= لااااا غصون غصون فوقي انتي مستحيل تسبيني مش هييي مش هييي انا حاسس ان مش هي هي اكيد عايشه
= للاسف كل حاجه بتقول ان هي مرات حضرتك البقاء لله
هز راسه بالنفي و بصله بغضب و كان لسه هيتكلم بس فجأه حس بدوار شديد و اغمى عليه
بقلمي يارا عبدالعزيز
بعد مرور اسبوع
كانوا خدوا عزا غصون و يونس مكنش بيخرج من اوضته و كانت حالته تصعب على اي حد
كان قااعد في الاوضه بتاعتها و مش عايز يخرج منها
دخل رأفت الاوضه و بصله بحزن لما لاقه قاعد على السرير و حاضن.. هدومها بدقنه اللي بقيت تقيله بعض الشئ بسبب حزنه الشديد
اتكلم رأفت بهدوء و هو بيعقد جانبه
= مش كفايه كدا
بقالك هنا اسبوع لا بتاكل و لا بتشرب و حالتك بتدهور….
كفايه بقى يا يونس كمل و عيش
يونس بدموع
= اعيش!
انا السبب عارف هي بعدت عني ليه عشان انا خونتها… عارف ليه يا بابا عشان انا ….
قاطعه خبط الباب
رأفت كان بيبصله بصدمه بس سكت لما لاقى الباب بيخبط
كانت الخدامه بتجيب الاكل ليونس
يونس بغضب مفرط
= قولت مش عايز اكل انتوا مبتفهموش
لو سمحت يا بابا اتفضل انا مش عايز اي حد يعقد معايا و لا عايز اخرج من هنااا سبوني انا كدا كويس
رأفت بصله باستغراب و حزن كبير و ساابه و خرج من الاوضه
اما يونس فحضن بلوزه غصون بقوه كبيره و فضل يعيط زي الطفل
في غرفه منى
كانت قاعدة و ماسكه صوره غصون و بتبصله بالم.. شديد و بتعيط بقوه
دخلت هنا بنتها و اتكلمت بسخرية
= لو انا اللي كنت موتت… كنتي هتزعلي علياا اوي كدا يا ماما!!
منى بغضب و دموع
= انتي ازاي بالقسوة دي!!
اللي ماتت… دي تبقى اختك فاهمه يعني ايه اختك
حتى بعد ما ماتت.. مش عارفه تحني عليها مش عارفه تزعلي عليها!!!!!
هنا بغضب
= انتي السبب انتي اللي كنتي ديما بتفضليها علياا لحد ما خلتيني اكرهها حتى بعد ما ماتت.. مش عارفه ازعل عليها
انا عمري ما حبيت و لا هحب غصون في يوم من الايام انا بكرهها يا ماما
قالت كلامها و مشيت من قدامها و منى كانت بتبص لطيفها بصدمه كبيره
رجعت بصيت لصوره غصون و فضلت تعيط بقوه و اتكلمت بشهقاات
= وحشتيني اوي اوي يبنتي
في احد المخازن القديمه التابعه لمصنع مجهول
كانت قاعدة غصون و هي ماسكه بطنها بالم.. شديد و دموعها على خدها مجفتش من خوفها عليها و على جنينها
كانت قاعدة بتصب عرق و باين عليها علامات الولاده
اتكلمت بالم شديد و دموع
= ااااه الحقوني انا بولد
حد يلحقنييي يا نااااس انا بولد
دخل الراجل اللي كان معاها و اتكلم بخوف
= فيه ايه يبت انتي!!!
غصون بالم شديد
= بقولك بولد شوفلي دكتور او وديني اي مستشفى ارجوك ابنييي هيروح مني ارجوك الحقنييي انا بموووت….
الراجل خرج بخوف و اتكلم في التلفيون
= ايوا يجاسر باشاا البنت اللي هنا بتولد و انا مش عارف اتصرف ازايي
جاسر بخوف
= خليك معاها و انا جاي حالا بالدكتور خد بالك منها انت فااهم
بقلمي يارا عبدالعزيز
غصون كانت قاعدة بتتألم بشده بتحاول تتغلب على تعبها بس مش قادره
استغليت اختفاء الراجل عنها و بصيت على باب المخزن المفتوح
حاولت تتغلب على تعبها و قامت من مكانها و هي محاوطه بطنها بالم شديد
بصيت للراجل اللي كان مديها ضهره و خرجت بسرعه من المخزن فضلت ماشيه لحد اما خرجت من المصنع
لاقيت نفسها في وسط اراضي زراعيه
كانت بتتحرك بخوف شديد و هي بتبص في كل اتجاه لحد اما طلعت على الطريق
فضلت ماشيه و هي خايفه و المها بيشتد عليها اكتر لحد اما قابلت كابينة تلفيون في وشها
بصيت للفون ببعض الامل و رنيت على منى
اتكلمت بلهفه و الم شديد بمجرد ما اتاها الرد