بقلم اسراء عبدالله

الفصل الاول
كانت جاية من الشغل بعد جوزها لكن كانت الصـ,ـدمة لما لقته بيكلم واحدة في الموبايل
فتحت الباب بتاع الشقة ودخلت بتخلع الكوتشي وهى بتقول يدوب أدخل أغسل وأروح أجهز الأكل زمان حسام جه من الشغل ونايم
كانت داخلة الأوضة لكن سمعت صوت حسام جاي من الصالون فقالت باستغراب إيه دا هو صاحي وبيكلم في مين كدا أروح بقى أعرفه إني جيت
وكانت داخلة عنده لكن وقفت من الصدمة لما سمعته بيقول يا حبيبتي مش بتسلى بيكي ولا حاجة عمرك شوفتي مني تصرف بيدل على دا
طب اومال ليه كل شوية تقوليلي كدا مټخافيش يا حبيبتي أنا مستحيل أطلع ندل معك وأنا حبيتك بجد وعن قريب هنتجوز وهتبقي مراتي
كانت الدموع نازلة على خدها وجريت على
طب تعمل إيه تلم هدومها وتمشي ولا تكمل معاه على أنها ماتعرفش حاجة وتعيش خلاص معاه بدل ما تتطلق
كانت الأسئلة دي بتدور في دماغها بس هى مستحيل تسكت على كدا مستحيل تتحمل إنه بيكلم واحدة وكمان عايز يتجوزها وبتسأل نفسها أعمل إيه في عملته السودا دي أنا لازم أنتقم منه
هو كسر قلبي بدون رحمة ولازم يدفع تمن اللي عمله دا
مسحت دموعها وطلعت غسلت وشها وحاولت تكون طبيعية فدخلت عند حسام وقالت بابتسامة مزيفة حسام أنت جيت امتى فكرتك هلاقيك نايم
بس دخلت الأوضة لقيتها فاضية قولت أشوفك فين
طبعا حسام كان قفل المكالمة لما سمع صوت في الحمام لما كانت بتغسل وشها وعرف إنها جت
فقال بابتسامة جيت من نص ساعة فقولت بلاش أنام وأستنى لما تيجي عشان عايز أقولك على حاجة
أسماء في نفسها قالت معقولة هيقولي ننفصل وإنه حب غيري معقولة هيقولها في وشي كدا بس مش قبل ما أخد حق خيانته ليا
الفصل الثاني
حسام باستغراب بتفكري في إيه يا أسماء
بصتله أسماء بقلق وقالت أهو معاك خير إيه الموضوع اللي عايزني فيه
حسام اقعدي بس الأول قعدت أسماء وبصتله
حسام بتوتر عندي شغل مهم وهسافر مع العملاء يومين واحتمال ينقلوني في بلد تانية فهضطر إني أجي هنا يومين بس والباقي هناك واحتمال اليومين دول ماعرفش أجيهم هنا على حسب الشغل يعني
فهمت أسماء إنه بيخترع حجة من دماغه عشان ماتشكش فيه لما يتجوز وإنه بيقسم الأيام من دلوقتي عشان يبقى قاعد مرتاح مع اللي هيتجوزها عليها
فبصتله وقالت إزاي القرار المـ,ـفاجئ دا دا أنت بقالك كذا سنة بتشتغل معهم وقولتلي ملهمش فروع تانية غير اللي هنا
حسام بتوتر ما نسيت أعرفك إن هما عملوا فرع جديد في بلد تانية وهياخدوا الناس اللي بيشتغلوا من زمان عندهم يروحوا هناك عشان يديروا الشغل كويس لأنه لسه في بداية العمل فيه
أسماء وهى بتتصنع إنها اقتنعت وصدقته فقالت ماشي مش مشكلة يا حسام المهم تخلي بالك من نفسك
حسام وهو بيطبطب على إيدها حاضر يا حبيبتي وانت ابقي خلي بالك من نفسك
أسماء حاضر وهتمشي امتى
بقلم إسراء إبراهيم عبدالله
حسام على أول الأسبوع الجاي وابقي استحمليني لو المصاريف ماكفتكيش بعد كدا لأن طبعا لسه الفرع جديد ولسه مش معروف أوي فالشغل مش هيبقى كويس في الأول ابقي خدي من فلوسك اللي
بتقبضيها من شغلك يا حبيبتي ماشي
أسماء بابتسامة مصطنعة حاضر بس هحاول ماصرفش كتير ومش هتقل عليك طبعا أسماء عارفه إنه بيحور عليها وإن المصاريف بعد كدا هتتقاسم عليها وعلى مراته التانية فعملت
نفسها إنه مصدقة كلامه اللي مايدخلش عقل حد
قامت أسماء وقالت طب هروح بقى أحضر الغدا ماشي
حسام بابتسامة باين فيها الارتياح قال ماشي يا سمسم
دخلت

—

أسماء وهى هتفرقع وهى بتكلم نفسها بقى مفكرني مغفلة ومصدقاك ماشي كله هيجي على رأسك يا حسام بقى أنا تعمل فيا كدا ماشي إما وريتك مايبقاش اسمي أسماء يا بتاع الستات وعينك الزايغة دي ماشي
ياترى ناوياله على إيه
يتبع
الفصل الثالث
ماشي إما وريتك مايبقاش اسمي
أسماء يا بتاع الستات وعينك الزايغة دي ماشي
أما عند أسماء فكانت بتفكر إزاي ټنتقم منه على عملته دي وجت لها فكرة خبيثة وهتسويها على ڼار هادية عشان تبقى لذيذة وتستمتع باللي هيحصل
في اليوم التالي كان حسام في الشغل بيكلم حبيبته وهو بيقولها عشان تعرفي إني مش بتسلى بيكي يا نوال وأنا راجل قد كلمتي
أما عند أسماء كانت قاعدة في الشغل وهى بتسمع المكالمة اللي بين جوزها وبين نوال وهى بتقول في نفسها أول مرة أشوف رجالة بتخون دا الرجالة لو سمعوك بتضم نفسك لهم هيولعوا فيك يا خاېن
وبكدا أسماء عرفت اسم اللي بيكلمها وكدا هتعرف هما هيعيشوا فين ودا حسب الخطة اللي حطتها وطبعا بالليل وهو نايم كانت نزلت تطبيق على موبايله عشان تعرف بيكلم مين وربطت الاتصال بين الإتنين
طبعا هى عارفه الباسورد بتاع موبايله لكن عمرها ما فتشت فيه ودورت وراه كانت مفكراه راجل ضد الخېانة بس مهما فضل يداري غلطه هيجي يوم ويتعرف طالما لسه مستمر فيه
وبيرجع حسام عادي وأسماء بتتعامل معه على طبيعتها بدون ما تبينله إنها عرفت حقارته
فات اليومين وكان بيجهز هدومه في الشنطة ولقيت إنه شاري كام ترينج جدد فقالت في نفسها يا جمالو يا ولاد واخد حاجات جديدة للعروسة الجديدة إن شاء الله اللي بتعمله فيا يترد ليك أنت مفكر إنها هتحافظ على اسمك وهتكتفي بيك ابقى قابلني
أهي وقعت في طريق الشخص اللي يشبهها ونيتكم زي بعض وهتشرب من الكاس اللي شربتني منه يا حسام اصبر بس عليا هخليك تتهنى بيومين شهر عسل عشان بس أنا طيبة لكن بعدين هندمك على خېانتك دي عشان أنا ماستاهلش دا كله منك
ولا في حاجة هتداوي الچرح اللي جوايا والحزن دا
أصل مفكر واحدة كلمت واحد في السر هتبقى محترمة وتكتفي بيك أصل أنا عارفه النوع دا كويس من الستات
مشي حسام بعد لما سلم عليها وقالها هكلمك على طول
أسماء في نفسها مش عايزه أسمع صوتك ولا طايقاه لكن بصتله بحزن مصطنع وقالت مش متعودة على غيابك المدة دي كلها بس هنعمل إيه حكم الشغل
حسام معلش هحاول أنزل يومين الأجازة في معادهم يلا سلام
أسماء مع السلامة وقفلت الباب وراه ودخلت قعدت عالكرسي وهى بټعيط وكان قدامها فاظة كسرتها وهى بتبص للفراغ بتحاول تفتكر هى عملت إيه تخليه يبص لواحدة تانية وعايز يتجوزها
لكن كانت بتقوله نعم حاضر ومطيعة وفي أي خناقة كانت بتيجي على نفسها عشان ماتكبرش وفي الآخر دي جزاتها منه حطت إيدها على وشها وهى بتفكر إزاي هتنفذ الخطوة التانية
لكن بعد لما يتجوزوا بعدها لقيت إن حسام بيكلم نوال وهو بيقولها
هيقابلها فين وبعدين يروحوا على شقتهم بعد لما ياخدها يتجوزها
كان واخد لها شقة بالايجار وعرفت مكانها لما كانت نوال بتسأله فين مكان الشقة اللي هيقعدوا فيها
عند نوال وحسام كانوا قاعدين عند المأذون بيكتبوا الكتاب وجنبهم اتنين شهود
خلص المأذون وبعدها خدها حسام وطلعوا على الشـ,ـقة
نوال بفرحة حقيقي يا حسام أنا فرحانة إنك وفيت
بوعدك ومضحكتش عليا
حسام وهو ماسك إيدها قال مستحيل أضحك عليكي ماتعرفيش غلاوتك عندي قد إيه
نوال طب يلا بقى نقعد ناكل من الأكل اللي اشتريته دا عشان

—

ريحته تجنن
حسام حاضر يا نونو يلا ناكل
أما عند أسماء كانت قاعدة مضايقة وهى مقررة إنها مبقتش هتنزل دمعة بسببه
فات يومين وحسام ماتصلش بيها ولا مرة يشوفها كويسة ويطمن عليها ابتسمت بسخرية وهى بتبص للموبايل
كان مقضي وقته كله مع مراته التانية ونسي أسماء خالص
دخلت حطت الأكل اللي جابته من برا وقعدت تاكل وهى بتفكر في الخطة التانية هى عايزه شخص ينفذها لكن هى مابتثقش في حد فقررت تنفذها هى
تاني يوم الصبح قبل ما تروح الشغل بعتت لنوال عالواتساب من خط اشترته جديد وقالت ممكن نتعرف
واستنت ترد لكن قفلت الخط ومشيت على شغلها عشان متتأخرش وكانت واخدة الرقم بتاعها من موبايل حسام قبل ما يمشي
وصلت أسماء الشغل وباين عليها التعب والإرهاق وبتكلم نفسها وبتقول امتى هتحرر منك يا حسام وأتخلص من الألم والتعب
دا عشان ألم چروحي وأداويها
كانت زميلتها جنبها بتكلم زوجها وكان بيطمن عليها وبيقولها متتأخرش وسامعة صوت عيالهم عايزين يكملوا والدتهم ومستنينها ترجع وكان بيقولها إنه مجهز لها أكلتها المفضلة كان زوجها رجع بدري وقعد بعياله
دعت لها أسماء بالسعادة ويبقوا مع بعض دايما كانت بتتمنى حياة زي دي بس هى كانت لسه مخلفتش من حسام بقالهم سنتين متجوزين لكن مفكروش يروحوا يكشفوا ويشوفوا إيه سبب إنهم مخلفوش لحد دلوقتي
وجه على بالها إن ممكن يكون حسام اتجوز عليها عشان يبقى عنده عيال
ياترى هيحصل إيه
يتبع
الفصل الرابع
وجه على بالها إن ممكن يكون حـ,ـسام اتجوز عليها عشان يبقى عنده عيال
طب ما هى نفسها تبقى أم لو كان دا السبب كان يجي يكلمني ونشوف المشكلة فين ونعالجها مش يروح يتجوز عليا ويجرحني كدا ودا بيأكدلي إنه مش بيحبني ولا بېخاف على مشاعري
في وقت الاستراحة كانت فتحت الداتا لقيت نوال ردت عليها وقالت أنت مين
كانت أسماء حاطة صورة شخص غير باين الملامح ولابس أسود
ردت أسماء وقالت اسمي عمرو ممكن نتعرف ونبقى صحاب أنا وحيد والكل بيبعد عني حتى أهلي مش فاهميني ممكن ماترفضيش طلبي وتعملي زيهم وتسببيلي حزن أنا ماعرفكيش بس كتبت رقم عشوائي وبعتله
ردت نوال وقالت اسمي نوال تمام يا عمرو ماعنديش مشكلة نبقى صحاب
ردت أسماء عليها بسخرية وقال حقيقي فرحتيني وبشكرك جدا وهنبقى صحاب وزي الأخوات يعني مش هتعدى حدودي معاكي في الكلام
نوال تمام يا عمرو وقت ما تعوز تتكلم وتقول اللي جواك أنا هسمعك
أسماء تسلمي يا نوال وهكلمك بعد الشغل
نوال بعتتله ايموچي ابتسامة
بقلم إسراء إبراهيم عبدالله
وقتها أسماء فرحت إن الخطة نجـ,ـحت وطريقة الشقط بتاعت ولاد اليومين دول عشان يوقعوا فريستهم نجحت معها ووقعت نوال في الفخ
أما حسام كان جه من شغله ونوال استقبلته خدت حاجته ودخلت المطبخ تجهز الغدا
دخل حسام أوضته وافتكر أسماء فخبط على رأسه وقال يا نهاـ,ـر أبيض دا نسيت أسماء خالص ومكلمتهاش دي حتى هى كمان ماتصلتش عليا تشوفني وصلت ولا عملت إيه هى مصدقت إني مشيت ولا إيه
ومسك موبايله ورن عليها
أما
أسماء كانت لسه في شغلها فبصت للموبايل بسخرية وقالت لسه فاكر عليه يتصل عليا
ردت عليه وقالت السلام عليكم ورحمة الله وبركاته
حسام وعليكم السلام عاملة إيه يا أسماء
معلش كنت مشغول جدا في الشغل ومفضيتش والشغل خدني ونسيت أكلمك
ابتسمت أسماء بسخرية على كذبه وقالت ولا يهمك أنا كنت عايزه أتصل عليك بس خۏفت لتكون في
شغلك ويكون ماينفعش أرن عليك طالما مارنتش عليا
حسام لا عادي كنتي رني بس مش مشكلة المهم آخر الأسبوع هاجي إن شاء الله
أسماء بجد تيجي بالسلامة دا أنا هعد

—

الأيام لغاية ما تيجي وأشوفك كويس
جت نوال وكانت هتتكلم لكن شاور لها حسام تسكت وماتتكلمش فعرفت نوال إنه بيكلم أسماء فبصتله بضيق وطلعت
أما حسام قال تسلمي يا حبيبتي معلش بغيب عنك كتير بس عشان الشغل
أسماء ولا يهمك المهم إنك تكون بخير هقفل بقى عشان ألحق أخلص الشغل ومتأخرش في المرواح ومش هعرف ألاقي مواصلة
حسام تمام ماشي خلي بالك من نفسك وهبقى أرن عليكي شوية كدا أشوفك وصلتي البيت ولا إيه
أسماء ماشي وقفلت معه بضيق
طلع حسام عند نوال وقعد ياكل وهو بيضحك معها وبيحكيلها عن يومها
كانت أسماء روحت وراحت اتغدت وكانت هتنام شوية لقيت حسام بيتصل ردت عليه وعرفته إنها وصلت وقالت هتنـ,ـام عشان تعبانة
قفلت معه ونامت وهو قعد شوية مع نوال ودخل ينام شوية أما نوال دخلت خلصت اللي وراها وبعدين فتحت الداتا تشوف عمرو بعت حاجة ولا لأ
كلامه جذبها وبنت شكله من خلال اللي اتبعت فبعتتله هى مساء الخير لكن لقيته اوف لاين
قعدت بزهق مش عارفه تعمل إيه
عند أسماء كانت صحيت صلت المغرب وعملت مشروبها المفضل وفتحت تتفرج شوية عالفيس لكن لقيت رسالة من نوال
ابتسمت بانتصار وقالت اممم إما نشوف بعتت إيه
ردت على رسالتها فنوال سمعت إشعار فتحت لقيت من عمرو ردت بسرعة وقالت كنت قافل ليه
ردت أسماء وقالت معلش جيت من الشغل تعبان نمت شوية
نوال تمام بس كنت بطمن عليك
ردت أسماء تسلمي محدش بيطمن عليا قبل كدا حقيقي محظوظ إني كلمتك يا نوال
هو أنت متجوزة
ياترى
هتقول إيه
يتبع