رواية بقلم اسماء سليمان الجزء الرابع والأخير

ليلتكم بعطر السوسن
بقلمي اسماء سليمان
الفصل الرابع والعشرون
سوسن رجعت شركتها وشكرت سحر واكدت عليها تاني محدش يعرف موضوع مرض سامر ولا سبب الطلاق وقعدوا يفكروا سوا هيبلغوا زهرة ازاي موضوع الطلاق وبعدين اتفقوا علي حيلة رجعت سوسن علي فيلا زهرة للتنفيذ وهيا بتدعي ربنا ان مامتها ميحصلش ليها اي ضرر
سوسن بتمثل الحزن _ عندي ليكم خبر مش حلو
زهرة _ في ايه
سوسن _ سامر يا ماما
زهرة _ ماله ما تنطقي علي طول
سوسن پبكاء مزيف _ بقوله يله نروح للدكتور نكشف علشان الخلفة بقلنا كتير متجوزين قالي مش عايز عيال خالص
دعاء بتريقه _ يعني ايه مش عايز عيال
سوسن بتمثيل العياط _ من كام شهر وانا بتحايل عليه لما محصلش حمل والنهاردة قلت اروح اطمن علي نفسي علي الاقل الدكتورة قالت اني كويسه قلت لسامر زعق فيا جامد وقال مش عايز اخلف خالص
زهرة دون قصد _ خلاص يطلقك هي لعبة
سوسن بفرحة ان مامتها قالت كدا _ ما هو طلقني يا ماما فعلا ثم بكاء متواصل منها
زهرة بدهشة لانها لم تقصد ما قلت _ ايه طلقك
سوسن بعياط _ وطردني برة الفيلا يا ماما
زهرة _ طلاق
[[system-code:ad:autoads]]دعاء _ انت اكيد بتتكلمي عن حد تاني غير سامر اللي عارفينه سامر دا نسمة بيشرح لمحمد وبيفهة حاجات كتير في المناهج اللي بيدرسها بينزلي كتب pdf مش بعرف اوصل ليها بيطمن علينا كل يوم وحاجات كتير لو فضلت احكي عليها محتاجة شهر
سوسن _ دا اللي حصل انا كمان مش مصدقة
وفي اللحظة دي زهرة وقعت من طولها وانتقلت العنايه وبعد شهر من استقرار حالتها
زهرة بحسرة _ انت اتطلقت بجد انا ما صدقت انك اتجوزتي
سوسن _ ماما بلاش كلام علشان صحتك
زهرة _ صحتي منك لله يا سامر اتصلي عليه عايزة اكلمة
سوسن _ اتصلت علي سامر ويوسف وثناء مليون مرة محدش بيرد روحت ليهم علي الفيلا والشركة عرفت انهم سافروا يستجموا بره البلد
زهرة _ حسبي الله ونعم الوكيل هما يستجموا وانت تتطلقي
سوسن _ انسي يا ماما وربنا ان شاء الله يعوضني
زهرة _ يارب انت العالم
سوسن قالت في سرها يعني انا كذبت علشان الصدمة تبقي خفيفه عليكي يا ماما لكن بردوا تعبتي يارب انت منتقم جبار
باك علي الشاطي في اسنكدريه مع الرجل العجوز
سوسن في نوبه حادة من البكاء وقالت _ انا تعبت خلاص مش قادرة استحمل اكتر من كدا واعصابي باظت ولو حصلت اي حاجة حتي لو بسيطة مبقتش قادرة استحملها ودمعتي بقت قريبه مهما كان يحصل زمان دموعي متنزلش الا وانا لوحدي دلوقتي بتنزل لوحدها وكأنها عارفة طريقها علي خدي
[[system-code:ad:autoads]]الرجول العجوز وهو بيطبط علي كتفتها _ انت لسه بنت بنوت
سوسن _ ايوه
الرجل العجوز _ مين يعرف المعلومة دي
سوسن _ انا وسامر بس واعتقد مازن مش عارفة
الرجل العجوز _ وليه مقلتيش لاخواتك
سوسن _ كانت خطة من ضمن الخطط اللي عملتها علشان يوسف يبعد عني ولما اتطلقت ملقتش حجة تقنع ماما غير ان سامر مش عايز يخلف وبالتالي مكنش ينفع اقول اني لسه بنت
الرجل العجوز _ واسباب الطلاق الحقيقة ومرض سامر
سوسن _ سحر وباباها بس هما اللي عارفين موضوع مرض سامر والخديعة اللي اتعرضت ليها وازاي اجبرتهم علي الطلاق ومحمد اخويا وعلي عرفوا بعد فترة اما ماما ودعاء ووليد خطيبها يعرفوا بس اللي قلته ليهم
الرجل العجوز _ بس انت حكيتي لسحر
سوسن _ ايوه بس مش عارفة ليه احتفظت بالموضوع دا لنفسي ومحدش عرف عنه حاجة
الرجل العجوز _ ويوسف سكت
سوسن بضحكة مؤلمة _ يوسف منه لله بعد الطلاق لقيت كل الجرايد بتحكي عن الزوجة اللي طلبت الطلاق لانها بتحب واحد تاني عن الزوجة اللي رفضت خير جوزها وسرقته علي الزوجة اللي اتطلقت في القسم لانها متستهلش تتطلق في بيتها او عند ماذون عن الزوجة اللي مش بتخلف وجوزها راضي ومستحمل ياه مليون سبب وسبب للطلاق
سوسن بتكمل _ طبعا الكلام مش صريح كان بالتلميح علشان مرفعش عليهم قضية سب وقڈف كانوا بيكتبوا س ص وشركة الز
الرجل العجوز _ للدرجة دي
سوسن _ واكتر معرفش ازاي وصلوا للعملاء عن طريق رجالتهم وهما مش في الصورة طبعا والعملاء بدؤا يهربوا من الشركة وتقريبا كل اللي كسبته ضاع في الفترة دي وطبعا انت عارف الاشاعة عندنا بتطير اسرع من الهواء العملاء اللي بتعامل معاهم نقلوا الكلام دا من شركة لشركة ومن محافظة لمحافظة كنت بتعامل معاهم
سوسن بتكمل _ كنت بلاقي ناس غريبة واقفة ادام الشركة عمال تقول كلام مش حلو والعملاء بتهرب والشركة بتخسر وعلي لما بيروح المستشفيات علشان نطلع باي شغل الناس كانت بتتمسخر عليه وتشتمه وتقوله كلام مش لطيف عليا وتعايرة بشغله مع واحدة زي جه سالني ولسه كنت هجاوب دخلت سحر وقالت لعلي كل حاجة وان دا رد فعل من يوسف
الرجل العجوز _ وبعدين
سوسن _ اكدت عليهم
—
محدش يعرف للمرة الاخيرة ونبهت عليهم ممنوع الكلام في الموضوع دا تاني ولو عايزين تسيبوا الشركة علشان سمعتي او الخسارة يسبوها رفضوا وقالوا احنا مع بعض علي المرة قبل الحلوة شويه لقيت محمد داخل ومعاه الجرايد وقال الكلام دا عليكي يا سوسن صح كل التلميحات بتقول كدا حكيت ليه علي الي حصل معايا ولمني اني مقلتش ليه بس كان صغير ووعدني ميجبش سيره لماما او دعاء او اي مخلوق وحمدت ربنا ان ماما ودعاء مش بيقروا الجرايد وخطيب اختي مسافر والحمد لله كان فيه لسه ناس محترمة ولكن قليله جدا بتتعامل معايا وبعد فترة طويلة رجع شغلي احسن من الاول
الرجل العجوز _ والجواز
سوسن _ يعد الطلاق بسنتين او تلاته كان الموضوع اتنسي شوية وبدا يتقدم ليا ناس بس قبل ما تتم الخطوبه القيهم اختفوا ومكنتش بعرف السبب لحد ما الناس قالت عليا نحس وبطفش العرسان والسمعة بقت زفت الزفت
سوسن بتكمل _ وفي مرة شاب كان بيحبني من ايام الكليه اتقدم ليا واتفقنا وقلت خلاص النحس فك بس يوم الخطوبه مجاش واتفضحت ادام المعازيم ڤضيحة كبيرة قوي علشان كدا عندي عقدة من الافراح وبحب الافراح اللي علي الضيق
[[system-code:ad:autoads]]المهم اتصلت عليه كتير مردش وبعد اسبوع عرفت انه عمل حاډثة روحت له المستشفي اول ما شافني حطت عينه في الارض وبكي والدته طردتني وقالت ان يوسف هدد ابنها علشان يبعد عني ولما مرديش خبطه بالعربية وباست ايدي علشان ابعد عنه لانها مش عايزاه ېموت وفعلا سبته واتاكدت ان يوسف ورا العرسان اللي پتخاف تقرب مني او العرسان اللي بتختفي واني مش هتجوز تاني بسببه والحركة اللي عملها ليا في القسم بتقول اني هفضل تحت عينه وفعلا كل فترة احس بناس بتراقبني لحد دلوقتي
الرجل العجوز _ بس انت اتجوزتي صح انا سمعت الجرسون بيقول جوزك
سوسن _ ايوه اتجوزت بعد ما كنت خلاص نسيت موضوع الجواز لان خفت ان حد تاني يختفي او ينضر بسببي ولان يوسف اصلا كان بيمنع اي حد يقرب مني وكل مرة اقدم اعذار لماما لحد ما صحتها اتدهورت بسببي
الرجل العجوز _ طيب ليه يوسف معملش حاجة لجوزك لو كان كلامك صح
سوسن _ ببساطة لانه مش عارف اني اتجوزت متعملش فرح مش لبسه دبله محدش من اصحابي عارف بطلع من الشغل علي ماما اطمن عليها وبعدين بطلع من الباب الخلفي للفيلا اروح علي بيت حسام بيه يعني حياتي مفهاش اي تغيير
[[system-code:ad:autoads]]الرجل العجوز _ جوزك يعرف كل الكلام دا
سوسن پقهرة _ ميعرفش غير الكلام الۏحش اللي اتقال عليا بس وصدقة ودا واضح من كلامه ومعاملته ليا انا اتجوزته علشان ماما وكمان لانه ظابط وقلت هيحميني بس للاسف
الرجل العجوز بعطف _ حقك عليا
سوسن وهيا بتطلع نفسها ببط _ وانت ذنبك ايه
الرجل العجوز _ خليتك تفتكري ذكريات مؤلمة
سوسن _ انا منستهاش علشان افتكرها انا بس كنت عايزة اخرجها لان تعبت من شيلها
الرجل العجوز _ ان شاء الله ايامك اللي جايه هتتغير للاحسن
سوسن _ اتمني انا اسفة دوشتك وحضرتك ولادك فين وليه لوحدك
الرجل العجوز _ ولادي في بلاد بره استقروا وعايشين هناك وانا سبت الشغل من زمان قوي وبزهق من القعده لوحدي فبحجز في فندق وكل شويه بغيره لما بزهق منه
سوسن _ لوحدك زي يعني
الرجل العجوز _ القسمة ودي سنة الخياه
سوسن _ القسمة ياه طيب انا هقوم انام لاني مسافرة الصبح تصبح علي خير
الرجل العجوز _ وانت من اهله
سوسن _ تحب اوصلك لاوضتك
الرجل العجوز _ لا انا هقعد هنا شويه
سوسن _ طيب خد الشال دا علي كتفك لان الجو برد
تاني يوم في العربية راجعين القاهرة
سوسن في حاله حزن واڼهيار كلي علي الرغم من انها انبسطت كام يوم بس كل ذكرياتها انتقمت منها لما خرجتها ظهرت علي ملامها وجسمها لدرحة ان النفس اللي بيخرج ويدخل تلقائي من غير جهد من البشر بتحس معاه بالم كبير في صدرها وفي محاوله منها للتغلب عليها بدات تكلم كريم
سوسن _ انت خلصت تعليمك يا كريم
كريم _ انا معايا ثانويه عامة بس بابا ماټ قبل النتيجة ما تظهر بابا كان سواق عند ابو حسام باشا ولما ماټ كتر خيرهم شغلوني عندهم
سوسن _ كان نفسك تدخل كليه ايه
كريم _ كان نفسي ابقي محامي
سوسن _ خلاص ادخل الجامعة المفتوحة وكمل تعليمك وليك عليا اشغلك في مكتب احسن محامي في مصر
كريم _انا معنديش وقت وكمان انا بصرف علي اخواتي من الشغل
سوسن _ ان كان علي الفلوس انا هساعدك لحد ما ربنا يكرمك وبعدين تبقي ترجعهم ليا وبعدين طنط فوزية لو عرفت مش هتمانع وهنظبط معاها موضوع الوقت
كريم _ شكرا يا ا سوسن بس بجد معنديش وقت ومش هعرف اوفق بين الشغل وبين الدراسة
سوسن حست ان كريم نفسه يكمل تعليمه بس كرامته مش هتسمح ليه
—
ان ياخد فلوس مع ظروفه كمان بس قررت انها تساعده علي اد ما تقدر
سوسن رجعت علي الشركة وطلبت من كريم يروح سحر مكنتش موجوده اتصلت عليها بس مردتش عرفت من مسعد انها في بتوصل اوراق لمناقصة جديدة داخلينها سوسن ظبطت بعض الشغل وبعدين راحت كلية الحقوق تسال علي اوراق التقديم في الجامعة المفتوحة والشروط المطلوبة وتعمل مفاجاة لكريم وبعدين طلعت علي البنك وفي اخر النهار راحت تسقي الزرع في فيلا زهرة
سوسن امام بيت العاصي تعبانه ونفسها تنام من غير ما تقابل اي حد لان حالتها النفسية وحشه قوي وبمجرد دخولها شقة حسام تليفونها رن وكانت سحر
سوسن_ اخيرا افتكرت تكلميني
سحر _ قلت انت بتغيري جو ومحبتش ارخم وحشاني
سوسن بتحاول تغير مودها _ انت بتكلميني انا ولا بتكلمي علي
سحر _ علي بيحضر عشا وقلت اكلمك لما وصلتني رساله انك كلمتيني
سوسن_ بقي ناس ڠرقانه في العسل وناس ڠرقانه في الشغل
سحر _ عقبالك
سوسن_ والنبي تسكتي
سحر _ انا هشوف لك عريس من صحاب علي بالمناسبة عملتي ايه في مشكله مناقصة اسنكدرية
سوسن في محاوله للهزار _ ههه انت قلتي الكلام دا مېت مرة ومشفتش ولا واحد من صحاب علي المهم كله تحت السيطرة وان شاء الله هناخدها يله اقفلي اصل جيت من اسنكدريه علي الشركة ويدوب داخله البيت وبكرة الصبح تيجي بدري عندنا شغل كتير جدا مش عايزة اقعد بوزي في بوز مسعد علي ما تنزلي
[[system-code:ad:autoads]]صوت حسام من الخلف مسعد مين سوسن اتخضت والتليفون وقع منها علي الارض وسحر الو الو الو سوسن روحتي فين
سوسن بتهته _ م م ما معلش اتكعبلت في السجادة يله سلام خدي بالك من نفسك ونتقابل بكرة الصبح
سوسن في سرها عودنا كان فاصل ونواصل اكيد هيتكلم علي الشروط اللي منفذتش منها غير الشرط الاول ربنا يستر بس هو ماله بيضحك ليه استر يارب
حسام بضحكة _ مين مسعد
سوسن بعد فترة صمت _ دا عم مسعد العامل بتاع الشركة
حسام بهدوء _ انبسطتي في اسنكدريه
سوسن مش فاهمة ومش عارفة تكتشف اي حاجة من ملامح وشه _ ايوه وبالمناسبة دي الفيرا بتاعتك وشكرا علي العربية
حسام بضحكة _ خليها معاكي دي بتاعتك ولما الفلوس اللي فيها تخلص هشحنها ليكي
سوسن_ لا شكرا انا معايا فلوس و
حسام _ علي فكرة انا مبحبش اقول كلام واي حد يراجعني فيه حتي امي مفهوم
سوسن في سرها _ مفهوم يا غتت
حسام _ شكرا بس غتت دي قليله شويه عليا
سوسن مصدومه عرف ازاي _ هاها
حسام _ يله اطلعي غيري هدومك علي محضر العشا نتعشي سواء
سوسن پصدمة ومش مركزة _ بس انا مش بتعشي
حسام _ لتاني مرة بتكسري كلامي يله اطلعي
[[system-code:ad:autoads]]سوسن _ حاضر
واتجهت الي السلم للصعود وقالت في سرها الحمد لله انه ما افتكرش الشروط والشرط الجزائي والعقاپ خلاص يا سونونو اديله الهديه اللي جبتيها له وخليكي ذوق معاه واشكريه تاني ولكنها لا تعلم ماذا يخبيء ليها ابن العاصي
سوسن دخلت الاوضه العنكبوت زي ما بتسميها ولسه يدوب مشيت خطوتين واتفاجات ان كل حاجة متغيرة الوان الحيطان ومكان وشكل الاثاث وقالت في سرها انه عمل تعديلات في الشقة وهيا في اسنكدريه عامة انا مالي دي شقته وهو حر
دخلت اوضتها لقت حاجتها مش موجودة والاوضه اتعملت ركنة للصلاة في منتهي الجمال لسه بترجع للخلف بضهرها خبطت في حسام وبعدت بسرعة
حسام _ حلوة الاوضة بعد التغيير
سوسن لسه مش مستوعبه _ ايوه حلوة كتير والالوان مبهجة بس عندي سؤال انا هنام فين لاني تعبانه جدا
حسام بضحكة _ هنا
سوسن_ هنا فين المكان اللي بنام فيه حضرتك عملته مكان للصلاة
حسام _ غيري بس ونشوف موضوع النوم دا بعدين حاجاتك في الاوضة دي وشاور عليها دا المكان اللي فيه هدوم حسام وسبها ونزل المطبخ
سوسن الشك بدا يدخل قلبها من تصرفاته المريبة وحاولت تبعد هذه الافكار عنها فدخلت بتدور علي هدومها مش موجودة وحاولت تفتح كل الدواليب مش بتفتح الا دولاب واحد كان مفتوح من الاول وفيه ملابس بيتي مختلفة الانواع والالوان
سوسن بنفاذ صبر _ اكيد في حاجة غلط اكيد الزفت دا اټجنن ونزلت المطبخ والشرار بينط من عنيها
سوسن_ يا
حسام بضحكة _ حسام اسمي حسام
سوسن واعصابها علي وشك الانفلات _ فين هدومي
حسام _ جوا في الدولاب
سوسن بنفاذ صبر _ مفيش حاجة جوا
حسام _ ازاي تعالي لما اوريكي فين مكانهم
حسام مسك ايدها وهيا اتفاجات من فعله وحاولت تشد ايدها لكن حسام كان ضاغط بقوة وبلين في نفس الوقت حسام فتح نفس الدولاب وقال ليها اتفضلي دي هدومك دي بيجامات ودي
سوسن بعصبية _ هو حضرتك بتعرفني عليهم
حسام _ ههههههههههههه عسل وربنا
سوسن_ فين هدومي دول مش هدومي
حسام _ اه هدومك القديمة اللي كانت هنا
سوسن_ اه اللهم صبرك ياروح ايوة
حسام ببرود _ رميتهم
سوسن_ رميت هدومي
حسام _ اه
سوسن_ بص يقه يا
حسام _ حسام اسمي حسام
سوسن_ بص بقه
—
انا جبت اخر اخري معاك انت مين اداك الحق انك تعمل كدا وتتصرف في اللي ميخصكش
حسام بضحك _ انا اديت لنفسي الحق عندك مانع يله البسي اللي يعجبك واطلعي
سوسن_ مش لبسه حاجة من القرف دا
حسام قرب منها وهيا لزقت في الدولاب المفتوح وقال _ علي فكرة انت كسرتي كلامي كتير النهاردة في اقل من نصف ساعة وبعدين انت نسيتي اتفاقنا والشروط الجزائية زي اللي في الشغل عندك
سوسن وهيا بتبلع ريقها _ هو حضرتك منستش
حسام _ نو نو
سوسن مش عارفة تتكلم وشويه الشجاعة اللي كانوا عندها هربوا منها ومن غيرهم بقت اضعف وارق من اليمام حسام بص عليها اد ايه جميله ورقيقة قوي وبعدين حست بحاجة لمست وشها لقت حسام لامس وشها بطرف ملابس لونها اخضر وبيضحك وبيقول هياكل منك حته البسي واطلعي بسرعة
سوسن اتنفست بصعوبه وبتقول الله يخربيتك حړقت دمي انت ناوي تعاقبني ازاي شكله ناوي علي نيه سودا وكمان ومش عارفة ايه اللي بيحصل وايه التغيير اللي حصل لحسام استحاله يكون دا حسام لوح التلج اللي تعرفة اكيد في حاجة حصلت له المهم اخدت دش في حمام اوضه ادم ولبست اطول حاجة موجودة في الدولاب بيجامة طويله باكمام طويله ودورت علي طرحة ملقتش فعملت تيشرت كطرحة علي شعرها ونزلت
[[system-code:ad:autoads]]حسام بضحك _ انت مجمعة الهدوم ماشي هعديها المرة دي بس تاني مرة تلبسي الطقم زي ما هو متعلق مفهوم
سوسن هزت راسها بخجل وقعدت ادامه بتشد في البيجامة
حسام _ اتفضلي انت مش بتتعشي بس اشربي كوبايه اللبن دي او العصير اللي تحبيه شوفتي انا فير ازاي
سوسن بهدوء مصطنع _ ممكن قهوة او شاي بلين انا مش بحب اللبن صافي كدا او العصير
حسام _ لا حضرتك بتشربي قهوة كتير وكمان الشاي بيفسد اللبن فهتبقي دي الحاجة المفيدة اللي هنعملها كل يوم مع بعض
سوسن بعد ما فقدت هدوءها اللي كانت بتمثله _ كل يوم مع بعض ازاي يعني
حسان بدلع _ اه
سوسن _ انا مش بحب اللبن او العصير هو حضرتك هتتدخل في اللي بحبة واللي مش بحبة هو انا عيله صغيرة
حسام بدلع اكتر _ بلاش حضرتك دي اسمي حسام ايوه هتدخل في كل حياتك طالما شايف انها صح يله اشربي
سوسن قربت اللبن منها وبتشمة الاول بس مش قادرة تشربه _ وقالت حرام عليك كدا
حسام _ طيب براحتك مش عايزة تشربي متشربيش
سوسن بفرحة _ ايوه شكرا
حسام حط ايده علي دماغة وقال _ اول شرط جزائي هفرضه عليكي سبيني افكر
سوسن قبل ما يكمل كلامه علشان تخلص وكمان لانها تظن ان نواياه غير حسنة لها بالمرة _ مسكت كوبايه اللبن وشربتها مرة واحدة وبعدين كوبايه العصير وبعدين كوبايه مايه كانت علي السفرة شربتها كمان
[[system-code:ad:autoads]]حسام بضحكة _ هنيا يا قلبي
سوسن بتبص مستغربة علي متحيرة ومش مصدقة ان اللي ادمها دا حسام المرعب لوح التلج وبعدين شرقت وفضلت تكح حسام مسك ايديها وشدتها منه وبصت له بشرار وهيا بتساله هنام فين حضرتك
حسام اخد ايدها وسوسن بتحاول تشد ايدها منه لكن المرة دي حسام مسمحش ليها تشد ايديها من ايده دخل بيها الاوضة العنكبوت وشاور ليها علي السرير
سوسن_ انا هنام علي سريرك وحضرتك هتنام فين
حسام _ هنا
سوسن بعصبية ممزوجة پخوف _ لو سمحت انا عايزة انام في اوضتي وفي مكاني
حسام قرر انه ينام علي الارض في اوضة تانية عقاپا ليه زي ما كانت بتنام علي الارض طول الفترة اللي فاتت _ السرير جديد وواسع انا غيرته مع كل مكونات الاوضه علشانك
سوسن خلاص اتاكدت من ظنونها بكلامه _ بص بقه كدا كتير وانا مش قادرة استحمل اكتر من كدا بص يا حسام باشا ايه راي حضرتك شيل دا من دا يرتاح دا من دا طلقني انا معدش يهمني حد
حسام _ ههههههههههههه عسل لا بجد مكنتش اعرف ان دمك خفيف
سوسن _ هو انا عملت حاجة زعلتك مني هو ليه حضرتك بتعمل كدا
حسام _ علشان مش بتسمعي الكلام
سوسن_ وانا مسمعتش كلامك في ايه بس
حسام _ يعني مش عارفة
سوسن باستعباط _ انا تعبانه ومش مركزة اصلا انا زعلت حضرتك في ايه انا عايزة انام في اوضتي الله يخليك ومعنديش مشكله هنام في فيها بعد ما بقت للصلاة
حسام _ شروط سفرك اسكندريه فاكراها قلت لك كلميني يوميا محصلش قلت لك اصرفي من الفيزا يوميا 10000 جنية حضرتك كنتي بتسحبي الفلوس يوميا علشان البنك يبعت ليا اشعار ولما جيتي القاهرة حضرتك روحتي فتحت حساب باسم ادم ابني صح
سوسن_ حسام باشا مين بس بيصرف 10000 في يوم حتي لو فيه انا مش من النوع دا انا بقدر قيمة القرش كويس ولو كنت رفضت مكنتش هسافر اسكندرية وانا كنت محتاجة السفر قوي وبعدين لما احطها باسم ادم دا ابنك مش حد غريب
حسام وهو حاطط ايده في جيبة
—
كالعادة ولكن مع ضحكة _ عارفة كنت هنبسط اكتر لو فتحتي الحساب باسمك انت
سوسن _ حضرتك عرفت منين اني فتحت حساب باسم ادم
حسام _ البنك اللي روحتي فيه دا البنك اللي بتعامل معاه واول ما قلتي اسم ادم حسام العاصي كلموني
سوسن _ يا دي الحظ
حسام _ وكما حضرتك متصلتيش عليا وانا عارف انك هتعملي كدا من قبل ما تسافري لانك وانت مسافرة مطلبتيش رقمي لانه لحد دلوقتي مش معاكي صح يعني كنت مقررة من الاول متتصليش ووافقتي علشان تسافري بس كدبت نفسي وقلت هتاخدي الرقم من مروان او حتي كريم بس دا بردوا محصلش
سوسن _ ايوة لان كنت عايزة ابعد واريح اعصابي مش اكلمك كل يوم
حسام بدا يقرب منها وبعدين سوسن خدت وضع الاستعداد للضړب وبدات تضربه بايدها وهو بيتفادي الضربات وبعدين كتفها واصبحت في حضنه ومش عارفة تتحرك وضغط علي ايدها من بعد الكتف وقال
حسام _ العضلات عايزة تقوي شويه اظاهر انك بقالك فترة مدربتيش بس جسمك هايل
سوسن خبطته برجلها وفك ايده فبعدت عنه وقال _ المهم دا سريرك واوضتك وعلشان تتطمني انا مش هنام هنا انا هنام في اوضة المكتب
سوسن وهيا مش مستوعبة _ ماشي
[[system-code:ad:autoads]]حسام _ تصبحي علي خير يا حبيبتي
سوسن في سرها حبك برص حسام خپطها علي راسها برفق وضحك وقال بتشتميني تاني وكمان مش بتردي عليا ودخل الي غرفة المكتب
حسام اعتبر انه نومه علي الارض اجمل عقاپ ليه علي افعاله معاها وكانت ليله جميله بالنسبة ليه وليله سوداء علي سوسن اللي فضلت صاحية طول الليل وخاېفه منه نتيجة للتغيير المفاجيء في افعاله وكلامة وبتقول في سرها _ الله ېخرب بيتك دي كانت سفرية ذبالة
طلع النهار وفاقت سوسن من النوم اللي مر علي جفونها لحظات وتصحي تاني وهكذا طول الليل بصت علي حسام ملقتوش في غرفة المكتب بصت لنفسها في المرايه لقت عنيها حمراء وورمه ووشها باين عليه الارهارق والتعب
قالت منك لله يا حسام الزفت حسبي الله ونعم الوكيل وخدت دش في اوضه ادم واتوضت وصلت ولقت دولاب كمان غير الدولاب الاول مفتوح ولقت هدوم خروج حلوة قوي قالت في سرها ذوقك يهبل يا منيل واختارت طقم ولبسته ونزلت المطبخ تعمل نسكافيه علشان تظبط دماغها
المطبخ عالي عليها ولما بتحب تجيب حاجة منه كانت بتشب علي رجليها لو حاجة قريبه او تجيب كرسي تطلع عليه لو حاجة بعيده
[[system-code:ad:autoads]]سوسن _ انا مش فاهمة الزفت دا عامل المطبخ عالي كدا ليه هو فاكر الناس طوال زيه حتي علشان اعمل نسكافيه بتتعبني منك لله يا شيخ
سوسن لسه بتشب علشان تجيب ماج لقيت ايد تانية بتاوليها وكانت ايد حسام وبتقول بقا انا زفت ماشي اتفضلي
سوسن _ شكرا
حسام _ انا زفت
سوسن_ انا اسفة وقالت في سرها ماشي يا ستين زفت في بعض
حسام _ لا من غير زفت وقله ادب ماشي
سوسن_ ماشي حضرتك
حسام _ تعالي نتفق علي اتفاق كل مرة هتحطي اي كلمة قبل اسمي او بعدة تختاري العقاپ اللي تتعاقبي بيه
سوسن بدون تفكير _ طيب
حسام _ يله اعملي ليا معايا نسكافية وانا جهزت الفطار برة
فطروا مع بعض وحسام مبسوط جدا وهيا متغاظة ونفسها ترميه بالمج في وشه
سوسن _ انت بتدخل وبتخرج الشقة منين وازاي بتظهر فجأة وتختفي فجأة
حسام _ الشقة فيها اكتر من مدخل ومخرج غير الاساسي اللي تعرفيه ممكن اوريهم لك
سوسن _ ياريت
حسام _ ب
سوسن شدت شنطتها وطلعت تجري علي الباب وهيا بټشتم حسام في سرها اللي فضل يضحك عليها كتير حتي ظهرت اسنانه بالكامل
كفايا عليكم كدا
كل هذا وما خفي كان اعظم واكثر في قسمتي
ليلتكم بعطر السوسن
رواية قسمتي بقلمي اسماء سليمان
الفصل الخامس والعشرون
في شركة الزهرة
سحر _ صباح الخير يا عم مسعد اعملي نسكافية وكتر السكر وندت بصوت عالي سوسن سوسن
سحر دخلت مكتب سوسن وكانت نايمة نوم عميق وعماله تقول الزفت بس يا زفت
سحر بعد ما قربت منها _ سوسن اصحي يا سوسن
سحر قامت مڤزوعة _ بس يا زفت
سحر _ في ايه يا سوسن زفت مين
سوسن وايدها علي راسها اللي تعبها من عدم النوم _ انت جيتي امتي
سحر بحيرة _ من شويه دخلت لقيتك نايمة بصحي فيكي عماله تقولي الزفت بس يا زفت هو مين بقه الزفت وشكلك عامل كدا ليه
سوسن _ اصل ما منمتش طول الليل
سحر _ ليه
سوسن بعد تفكير _ اصل كلمت ماما واخواتي طول الليل
سحر _ ومين الزفت
سوسن بهروب _ انا عارفة هتلاقيني كنت بحلم مش عارفة
سحر بتبص لسوسن بحيرة
سوسن _ بتبصي كدا ليه مالك في ايه
سحر شدت سوسن من ايدها بقوة
سوسن _ احنا رايحين فين
سحر _ امشي من غير كلام
سوسن _ سحر بلاش نروح صيدله الدكتور النحنوح دا
سحر بعد ما دخلت صيدله بجوار الشركة _ صباح الخير يا دكتور سالم
دكتور سالم صيدلي بيحب سوسن قوي وباين عليه
—
بس مش بيتكلم او بياخد اي خطوة رسمية
دكتور سالم _ صباح الخير يا استاذه سحر ازيك يا استاذة سوسن عاملة ايه كويسة يارب تكوني كويسة وبخير
سحر _ بعد اذنك يا دكتور هنوزن انا وسوسن
دكتور سالم _ عيوني لاستاذة سوسن اتفضلي
وبعد الوزن سحر وسوسن خرجوا من الصيدله وامام باب الشركة سحر قالت بعصبية
سحر _ كان وزنك 60 كيلو ومكنش عجبني دلوقتي بقيتي 54 كليو انت شكلك مش عجبني خاسة وحالك حال طبعا كنت هتقولي انا كويسة دخلتك توزني ڠصب عنك علشان ميبقاش ليكي حجة
سوسن _ بتفكر هترد بايه
سحر _ مالك انطقي فيه
سوسن _ مفيش يا سحر كل الموضوع ان اخواتي وماما وحشوني
سحر _ بصي بقه انت تيجي تقعدي معايا انا وعلي الشقة واسعة وعلي بيجي ينام ويطلع شغله زي ما انت عارفة
سوسن _ لا طبعا انا بحب اكون براحتي وخلي علي براحته
سحر _ علي صاحب الاقتراح
سوسن _ تسلموا انا كويسة
سحر _ خلاص من هنا ورايح فطار وغداء معايا وانا هاكلك ڠصب عنك مفهوم يله علي شغلنا
سوسن بضحكة علي صاحبتها اللي قلقانه عليها وقالت يله بينا وبعدين لسه بتتحرك وقفت تاني وبعد ثواني رجعت ليها سحر وقالت _ واقفة كدا ليه
[[system-code:ad:autoads]]سوسن پخوف _ اصل لمحت
سحر _ لمحتي ايه
سوسن بتحاول تداري _ ولا حاجة يله بينا ودخلت شركتها
في شقة حسام بعد اسبوع
حسام كل يوم بيعمل في سوسن مواقف علشان يقرب منها ودا هدفه الاول مش انه يستفزها او يضايقها وهيا متغاظة قوي ونفسها تضربه ولحد دلوقتي بتتحاشي تناديه باسمه بس لما بتقعد مع نفسها بتضحك عليه
سوسن مع الايام اتعوديت انها تظهر بشعرها ادامه وكمان تلبس هدوم بيتي ودا هدفه التاني انها متتكسفش منه وتتعود عليه وتبقي بحريتها في البيت ومش متكتفه كمان بقت تنام وتروح في النوم وتتقلب في السرير من غير خوف ودا لانها وثقت فيه وانه مش هيؤذيها حتي لو في حضنه ودا هدفه الثالث من تصرفاته انها تثق فيه
حسام عارف انها كانت بتضايق من تصرفاته بس هو لو كان اعتذر كانت سامحته بلسانها ولسه خۏفها منه هيفضل في قلبها حسام قرر انه لازم يعمل المستحيل علشان سوسن تحبه ويعوضها عن كل اللي شافته معاه علشان يقدروا يعيشوا حياه طبيعية حتي لو انتظرها كتير وشاف انه بتصرفاته دي هيوصل لقبلبها بس حسام نفسه يسمع منها اسمه حسام وبس حسام قرر يوقعها في الكلام
[[system-code:ad:autoads]]حسام _ سوسن
سوسن_ ايوه
حسام _ انا عندي مهمة لمدة اسبوعين ومسافر الصبح خدي بالك من نفسك ومن ادم
سوسن_ حاضر
حسام _ هاتي شنطة السفر اللي هناك دي
سوسن_ حاضر
حسام خلي سوسن بتتحرك فكعبلها وكانت هتقع ومسكها جامد حسام بص في عنيها وهيا كمان اول مرة تركز في لون عيونه البني واخيرا التقت العيون البني والعسلي مع نن ابيض لكلاهما وامتدت هذه الحظة ربما الي ساعات فالوقت حساباته مختلفة للعاشقين حتي لو انكروا او لم يعلموا اونسيوا او تناسوا ولما فاقت قالت
سوسن _ نزلني لو سمحتي
حسام بضحكة _ نزلني يا ايه
سوسن بكسوف _ نزلني يا ز
حسام قاطعها _ متنسيش الشرط الجزائي يا حظك الحلو يا حوس
سوسن بضحك مع دلع _ نزلني بقه يا حسام
حسام لف بيها الاوضه وعمال يضحك ويحضنها جامد وهيا خاڤت لتقع فمسكت فيه اكتر
سوسن بفرحة مش عارفة مصدرها _ حسام انا هقع نزلني يا مچنون
حسام نزلها ونفس الوقت مسك ايدها وهيا خطفت ايدها وطلعت تجري دخلت اوضه ادم وقفلت الباب وراها
حسام كمل لبسه وهو ماشي خبط علي الاوضه _ مفيش تروح وتيجي بالسلامه وخد بالك من نفسك يا حس يا حبيبي
سوسن مردتش ومكسوفة وقلبها بيدق وجسمها بيرتعش
حسام برقه _ طيب سلام يا قمر هتوحشيني
سوسن وشها احمر ومبسوطة و متلخبطة و سعيدة ليه مش زعلانه زي الاول ليه عايزة تكمل معاه ليه كان نفسها يفضل شايلها اكتر ويبوسها اكتر معقول تكون حبته لا مش معقول ابد لا مستحيل وفاقت من سرحانها علي خبط الباب
حسام _ سوسن انا طالع مهمة لمده اسبوعين عادة مش بفتح التليفون بس بعد يومين هفتحه يوميا من 10 الي 12 مساءا لو حبيتي نفتح صفحة جديدة من الاول وننسي اللي فات وتسامحيني كلميني سلام
سوسن بذهول _ معقول اللي بسمعة دا انا في حلم ولا حقيقة
وبعد لحظات خبط تاني علي الباب وقال
حسام _ بحبك ياللي غيرتيني وشقلبتي حالي بحبك يا عمري اللي جاي
سوسن مش مصدقه ودانها وقلبها طاير من الفرحة وكان نفسها تفتح الباب وتقول ايوه موافقه بس كسوفها منعها
الحب غريب ومحير العاشقين من فترة كانت بتكرهه ولا تتمني رؤياه ودلوقتي نفسها تكمل معاه هل فعلا حبته في هذة المدة القصيرة ولا جنانه معاها خلالها تحبه لا والف لا فالحب بدا بينهم منذ وقت طويل ولكنهم لما يدركوا الا الان فالحب بدا منذ ان لاحظته يعامل
—
ابنه وقرر ان يتزوج من اجله فقط لا من اجل نفسه فالحب بدا عندما تشاهدة يعامل امه واخواته فالحب بدا عندما اهتم بامها المړيضة وعمر ابن اختها ومازال يهتم فالحب بدا عندما اكتشفت ان لوح الثلج يذوب عشقا ولكنة بارع في التمثيل فالحب بدا عندما شاهدت ان قلبه يحمل هموما ولحظات من الضعف الانساني يدفنها في قلبه ويستحق الحياه والسعادة
اما هو فالحب بدا عندما اكتشف ان ما ظل يبحث عنه وفقد كل اماله في ان يجده وجده فيها اخيرا فالحب بدا عندما اخطأت ظنونه فيها فالحب بدا عندما اشټعل قلبه بالغيرة لكل من ينظر اليها فالحب بدا عندما ينزفزفها ويتعمد اثارتها فيضحك من قلبه علي هذه التي احتلته ولن ترضي الرحيل او الاستسلام
احيانا من غرابه الحب يقع العاشقان فيه ولكن لا يعلموا بذلك ومن اسعدة حظة يكتشفه سريعا ومن اتعسة حظه يظل حياته يبحث عنه وهو في قلبه ولكن لا يدري وربما اذا عرف يكون الوقت غير مناسب او مع شخص غير مناسب وعندما يري من يعشقة صدفة يتالم قبله وهنا يكشتف ما لم يستطيع ادراكه حينها ويقول يا ليتني عرفت وفهمت او حتي انتظرت
[[system-code:ad:autoads]]وبعد خروج حسام الي مهمته توجهت الي حبيبها الصغير دومي وجلسا سويا يخبرها ماذا تعلم في المعسكر وكيف قضي ايامه فيه وبعدين وصلته للباص وعدت علي فوزية اخبرتها عن ما تنوي فعله مع كريم وابدت فوزيه موافقتها وقالت
فوزيه _ ان دي اقل حاجة نقدر نقدمها ابوه ياما خدمنا وكريم مؤدب وعمرة ما رفع عنيه من الارض
سوسن _ بس انا عايزاكي انت اللي تكلميه لانه خجول قوي
فوزية _ انا اللي هروح معاه واقدمة له في الكلية كمان وادفع ليه الفلوس
سوسن قامت تبوسها وقالت _ ربنا يبارك فيكي يا طنط
فوزية بامل _ لسه مش هتقولي يا ماما
سوسن تحب هذه السيدة الكريمة ولكن ما زال في قبلها ما يؤلمها منها ولم ترد علي سؤالها واكتفت بالنظر في الارض
فوزية _ طيب حاولي تسامحيني
سوسن بضكحة بسيطة _ طبعا سامحتك بس موضوع ماما سبيه للوقت
فوزية _ ماشي انا منتظرة انا هكلم كريم يطلع علشان نبدأ ننفذ
سوسن _ ودي ورقة بالاوراق المطلوبه للتقديم انا هروح الشغل وكمان اسيبكم تتكلموا براحتكم سلام
فوزية _ مع السلامة
سوسن في شوق وفرحة انها تكلم حسام ومنتظرة الوقت يعدي بفارغ الصبر وعماله تشغل نفسها في مليون حاجة علشان الوقت يمر لكن مش بيمر اما حسام كان بيعد الثواني والدقايق والساعات علشان يعرف رائها وكان بيحس انه فوق السحاب لما قلبه يطنمه ويقول له هتوافق وفي نفس الوقت ينزل لسابع ارض لو عقله قاله انت ظلمتها ومش هتوافق بالسرعة دي
[[system-code:ad:autoads]]وحانت اللحظة المناسة وجه اليوم الثالت في الوقت المتفق فتح حسام تليفونه منتظر اتصال سوسن من 10 الي 12 مساءا ومرت الدقائق سريعة حتي انقضت الساعتين في غمضة عين ولم تتصل سوسن ومر اليوم الرابع كالذي سبقة وتلاه سريعا الخامس والسادس
حسام في نفسه بيقول يمكن بتفكر اكيد اللي عملته فيها مش شويه ليها مليون حق تفكر مرة واتنين ومع كل يوم بيمر علي حسام كان بيلتمس ليها العذر ولسه عنده امل يمكن هتتصل بكرة يمكن هتتصل بعدو حتي مر الاسبوعيين دون اتصال من حبيبته العنيدة
وفي الطريق عائد الي البيت بيتكلم مع نفسة قائلا هتعمل ايه يا حسام هتزعل وتغضب وتسكت ولا هتحاول تاني طبعا هحاول تاني وتالت لحد ما توافق بس يمكن متوفقش وفي حد تاني في حياتها تقصد مين عمر ايوه عمر ليه لا ممكن قوي هو اول شخص بتتصل بيه لما حد بيتعب وهو كمان بسرعة رهيبه بيكون موجود عندنا وكمان لما بيجي بيكون عايز يتطمن عليها دكتور نطمن هو
والحل يا حسام انت حيرتني ليه يعني هتحاول معاها تاني يمكن تحبك ولا تسبها تروح لعمر وتكمل حياتها معاه ايوه هحاول معاها مرة واتنين في الاول وبعدين لو معرفتش اخليها تحبني هسبها انا مش هقدر اعيش معاها عضب عنها
حسام وصل البيت وسلم علي الكل وسال علي سوسن وعرف انها لسه في الشغل طلع الشقة وغير هدومه واخد دوش ولعب مع ادم شويه واطمن علي اخباره وبعدين سمع الباب بينفتح وسوسن بتدخل الي الغرفة العنكبوت
ياه نفسه يشوفها نفسه يحضنها نفسه يكلمها نفسه يعمل فيها مقلب نفسه يسمع اسمه من شفايفها فضل يمنع نفسه شويه بس مقدرش وكأن نفسه بتعانده او ډخله معاه في منافسة وصل باب اوضته منتظر او بيحلم انه اول ما يدخل تجري عليه وتنام في حضنه ويتكلم معاها وتقوله لسه محتاجة وقت افكر ومحتاجة فرصة تانية وبدخوله الغرفة وجد سوسن نايمه علي السرير
حسام حاول يعمل اصوات عاليه يفتح ادراج ويغلق ادراج يفتح الباب بشده يمكن تفوق او تصحي ولكن دون جدوي كل اللي قدر يعمله حسام انه نام
—
جنبها وفضل يبص عليها حتي غلبه النوم هو الاخر
في منتصف الليل حسام صحي علي صوت سوسن وهيا بتصوت وحاطة ايدها علي رقبتها وكانها بتحاول تفك ايد بتحاول ټخنقها بس في نفس الوقت بتضغط علي رقبتها وعماله تقول ابعد لا ابعد عني حرام عليك انا عملت ايه
حسام فضل يصحي فيها ويفك ايديها بس كأنها في غيبوبة عمال يحركها يمين وشمال ويشلها وينزلها دون فائدة حسام القلق زاد عنده وحركات سوسن اللاراديه بتزيد وكل جسمها بدا يتشنج ويزرق كمان
حسام بسرعة شال سوسن ودخل علي الحمام وفتح الدوش واول ما المياه نزلت عليها فاقت من النوم وحسام محوط ايده حوليها سوسن كل جسمها بيرتعش من الخۏف حسام قفل الدوش وقال _ سوسن في ايه
سوسن مسكت حسام وحضنته جامد وهيا پتبكي وقالت _ متسبنيش
حسام پخوف _ مش هسيبك بس في ايه
حسام نشف شعرها بالفوطة وقلعها هدومها ولبسها برنس وهيا كانها في عالم اخر لا تدري بما يفعله حسام او تشعر بالخجل منه حسام شال سوسن ودخل بيها علي السرير ومسك وشها وقال
حسام _ مالك في ايه انا جنبك
سوسن _ بكاء متواصل
سوسن رفعت رجلها حتي وصلت ركبتها الي ذقنها حسام طوقها بايده وبقت كلها في حضنه پتبكي حسام طبطب عليها وملس علي شعرها حتي نامت في حضنة
[[system-code:ad:autoads]]حسام في سره _ يا تري في ايه
بعد ساعة سوسن صحيت من النوم تاني بتصوت وتبكي وحسام يهدي فيها بس المرة دي ادم صحي علي صوتها وشافها وهيا بتصوت وتبكي واول ماشافها بكي وحسام امرة انه يروح علي اوضته ميخرجش منها الا باذنه وبعدين سوسن نامت تاني
وبعد ساعتين نفس الموقف اتكرر تاني وتالت علي فترات حسام خاېف قوي عليها واتاكد ان الموضوع كبير وانه مش مجرد كبوس او حلم مزعج سوسن قويه جدا واكيد عندها مشكله كبيرة اثرت عليها واڼهارت معاها كل قواها ومش قادرة تتحملها
حسام بعد ما نيمها تاني فتح شنتطها وطلع تليفونها ودور علي رقم دكتور عمر واتصل بيه اعتذر ليه انه بيكلمه في الوقت دا وطلب منه يجي يكشف علي سوسن اللي اجاب انه لحسن الحظ في العيادة ودقايق هيكون عنده وبعدين اتصل علي كريم ينتظرة ويطلعة شقته بسرعة من غير فوزيه او مروان ما يحسوا بحاجة حسام لبس سوسن قميص وبنطلون وغطي شعرها وبعد دقايق معدودة كريم نفذ ووصل الدكتور عمر لشقه حسام
بعد الكشف الدقيق اللي اخد اكتر من نصف ساعة وحسام ھيموت من القلق والحيرة مع خوفه علي ادم اللي بيعيط في اوضته وبعت ليه كريم يقعد معاه ويهديه
[[system-code:ad:autoads]]حسام بقلق _ خير يا دكتور
عمر _ عندها اڼهيار عصبي وانا اديتها حقنه هتهديها وتنيمها شويه
حسام _ اڼهيار عصبي وايه أسبابة
عمر _ ممكن يكون عندها مشكله ومش عارفة تحلها فاثرت علي اعصابها
حسام _ والحل
عمر _ الادوية دي ناوله الروشته هتهدي الموضوع شويه بس لازم نعرف السبب الحقيقي ونعالجة
حسام _ شكرا تعبتك معايا
عمر بدهشة مع ضحكة _ اول مرة تشكرني
حسام _ اسف كنت رخم معاك
عمر _ ولا يهمك بس خد بالك من بنتك او اختك مش عارف هاجي بكرة اطمن عليها سلام عليكم
حسام بضحكة _ حاضر هاخد بالي منها ماشي يا ست سوسن حتي وانت تعبانه بتتعاكسي
حسام راح لادم يطمن عليه وخده في حضنه واتاسف له انه زعق له وفي نفس الوقت بعت كريم يجيب الداء وبردوا بهدوء من غير ما حد يحس بحاجة من اهله
حسام _ حبيبي متخفش سوسن كويسه هيا نايمه دلوقتي
ادم بعياط _ بجد يا بابي
حسام _ ايوه
ادم _ طيب انا عايزة اشوفها
حسام _ الباص قرب يوصل هنروح المدرسة ولما تيجي تكون بقت كويسه وتتكلم معاها كمان
ادم بتصميم _ لا مش هروح المدرسه انا هفضل جنبها انا وعدت عمر اني هاخد بالي منها
حسام _ عمر مين
ادم _ عمر ابن طنط دعاء احنا بنتكلم كل يوم
حسام _ طيب بلاش تقوله علي موضوع تعب سوسن
ادم _ ليه
حسام _ لانه بيحبها قوي وكمان هو في الامارات ومش هيعرف يجي يشوفها وهيقلق عليها وكمان هيقول لتيته زهرة ومحمد وطنط دعاء لما تخف نبقي نقول ليهم
ادم _ حاضر مش هقول الا اما تخف خالص
حسام _ وعد
ادم _ حاضر يا بابي دا سر ومحدش هيعرفة
حسام _ يله البس لحد ما اجهز الفطار علشان الباص ميروحش علينا
ادم _ طيب هدخل ابوسها واخرج من غير صوت
حسام _ ماشي بس بسرعة
ادم راح علي المدرسه وحسام فضل حنب سوسن طول ما هيا نايمه وبعد كام ساعة بدت تفوق
حسام ساعدها تقوم وتتعدل _ حمد الله علي السلامه
سوسن _ الله يسلمك ايه اللي حصل
حسام _ مفيش حاجة حصلت اظاهر انك كنتي بتحلمي حلم وحش حسام مرديش يقول ان عندها اڼهيار عصبي علشان ما تضعفش اكتر او يكبر الموضوع
سوسن _ يمكن
حسام لاحظ ان لمحة الحزن علي وجه